Fréttablaðið - 14.09.2013, Qupperneq 16

14. september 2013 LAUGARDAGUR| FRÉTTIR | 16
PALESTÍNA Allt frá því í byrjun níunda áratugarins
hafa íbúar bæjarins Rafah, sem er í raun klofinn af
landamærum milli Gaza-strandarinnar og Egypta-
lands, notað göng undir landamærin til að smygla
varningi inn á Gaza.
Frá því að Hamas-samtökin tóku völdin þar árið
2007 hefur mjög verið þrengt að innflutningi frá
Egyptalandi, sem hefur valdið mikilli þjáningu og
vanhöldum meðal íbúa. Því hefur smygl um göngin
aukist verulega þar sem byggingarefni og eldsneyti
er helst smyglað þar í gegn, auk þess sem vígahópar
hafa smyglað vopnum inn á Gaza. Talið er að um 60%
af viðskiptum Gaza við umheiminn fari um göngin.
Göngin eru oft grafin niður úr kjöllurum húsa,
liggja á um fimmtán metra dýpi og eru allt að 800
metra löng.
Mikill órói hefur verið á Sínaí-skaga síðustu vikur
þar sem íslamistar hafa tekist á við stjórnarherinn.
Stjórnvöld grunar að margir vígamannanna komi frá
Gaza um göngin og hafa því gert gangskör að því að
loka göngunum.
Frá mánaðamótum hafa Egyptar þannig eyðilagt
um 40 göng að því er Los Angeles Times hefur eftir
embættismönnum á Gaza. Meðfylgjandi myndir sýna
veruleika margra sem draga fram lífið á því að grafa
göng eða smygla vörum undir landamærin. - þj
Egypsk stjórnvöld uppræta smyglgöng:
Hert að
lífæð Gaza
GANGAGRÖFTUR Hér vinnur Palestínumaður baki brotnu
að smyglgöngum. Smyglgöng hafa lengi verið við lýði en
aldrei í líkingu við það sem viðgengist hefur frá árinu 2007
þegar Hamas tók við völdum í Gaza og Ísraelar og Egyptar
hertu verulega á innflutningshöftum. NORDICPHOTOS/AFP
BJARGIR BANNAÐAR Hér er unnið hörðum höndum á
Gaza-enda einna ganganna. Vegna takmarkana ísraelskra og
egypskra stjórnvalda fara um 60% af innflutningi á Gaza-
ströndina í gegnum smyglgöngin.
NORDICPHOTOS/AFP