Fréttablaðið - 19.09.2013, Blaðsíða 10

19. september 2013 FIMMTUDAGUR| FRÉTTIR |
Frábærar McCain
franskar á 5 mínútum
Franskar kartöflur í sérflokki sem þú töfrar fram á
augabragði. Einföld og fljótleg matreiðsla og algjör
sæla fyrir bragðlaukana. Prófaðu núna!
„Ég er búinn að lifa og hrærast
í þessum félagsmálum í 28 ár og
það er sama hversu þróttmikill
og ákafur maður er, það kemur
alltaf sá tími þegar það er betra
að aðrir taki við og haldi barátt-
unni áfram,“ segir Arthur Boga-
son, formaður Landssambands
smábátaeigenda.
Hann tilkynnti á sunnudag að
hann hygðist ekki gefa kost á sér
til áframhaldandi formennsku
en Arthur hefur verið formaður
sambandsins frá stofnun þess
5. desember 1985. Arthur hefur
á þeim tíma einnig komið að
stofnun Samtaka strandveiði-
manna í Norður-Atlantshafi og
setið sem formaður Alþjóðasam-
taka strandveiðimanna frá árinu
2004 til 2012.
Samstaðan skilað mestu
Arthur var aðalhvatamaður að
stofnun Landssambands smá-
bátaeigenda. Hann kallaði saman
undirbúningsfund í Reykjavík
á þrítugsafmæli sínu þann 21.
ágúst 1985, sem lagði grunninn
að stofnun sambandsins. Þá hafði
hann sjálfur verið til sjós meira
og minna frá 14 ára aldri.
„Ég fór út í þessi félagsmál
í þeim tilgangi að gera starfs-
umhverfi mitt og annarra trillu-
karla á Íslandi bærilegra. Á þeim
tíma hefur sambandið unnið alveg
ótrúlega sigra. Ég get nefnt sem
dæmi að þegar við hófum þessa
baráttu þá gaf þáverandi sjávar-
útvegsráðherra, Halldór Ásgríms-
son, út reglugerð sem hljóðaði á
þann veg að smábátaflotinn mætti
einungis veiða um tíund af því sem
hann veiðir í dag,“ segir Arthur.
Hann bendir einnig á að
pottur inn sem nú er ætlaður
strandveiðum er í dag stærri en
heildaraflaheimildir smábáta-
flotans voru árið 1985.
„Að auki hefur smábátaflotinn
undanfarið tekið þátt í uppsjávar-
veiðum, með veiðum á makríl
og síld, sem skila nokkrum
þúsundum tonna á ári. Það er
hrein viðbót við okkar veiðar.
Þetta eru staðreyndir sem félagið
er vonandi stolt af og að mínu
mati hvatning fyrir félagsmenn til
að halda áfram að vinna saman.
Samstaðan hefur ævinlega skilað
langmestu.“
Arthur segir Landssambandið í
flestum tilfellum hafa talað fyrir
almennum réttindum smábáta-
eigenda og látið allt sérhagsmuna-
pot í friði.
„Við kröfðumst frjálsra veiða
á stofnfundi sambandsins og
gerðum þá almennu kröfu að smá-
bátaveiðar yrðu látnar í friði frá
öllu kvótaharki og niðurskurði
þess tíma, sem hafði ekkert með
smábátaflotann að gera. Þessi
aðferðafræði sambandsins, að
tala fyrir almennum réttindum,
bjó til þessa sigra að mínu mati.
Mér hefur hins vegar þótt draga
úr samstöðunni á síðustu misser-
um og að menn innan sambands-
ins tali of mikið fyrir sérhags-
munum. Það er ekki mín stefna
og hefur aldrei verið, þó ég hafi
skilning á því að menn tali svona,“
segir Arthur.
Langar að skrifa meira
Spurður um hvað taki við þegar
hann lætur af störfum sem for-
maður segir Arthur að hann langi
til að skrifa meira.
„Ég hef mjög gaman af því að
setja saman texta og það er löngu
ákveðið af minni hálfu að ég ætla
að minnsta kosti að skrifa eina bók
um laxveiði. Fiskar hafa heillað
mig frá því ég man eftir mér og
af einhverjum undarlegum ástæð-
um hefur þessi töframáttur þeirra
aldrei runnið af mér. Ég hef tekið
ástfóstri við laxinn, enda er hann
einstaklega áhugaverð lífvera.“
Arthur segir einnig að sig langi
að skrifa bók um fiskveiðar og
fiskveiðistjórnun. Hann er sann-
færður um að nálgun manna á
nýtingu fiskistofna í dag sé röng.
„Mér er það algjört undrunar-
efni að margt prýðilega gefið fólk
skuli hanga eins og hundar á roði
á aðferðafræði og kenningum sem
að mínu viti standast enga skoðun.
Það er til dæmis mjög undarlegt að
heyra aftur og aftur hvernig fiski-
fræðingar blanda vangaveltum um
það hvað markaðurinn þolir við
sínar ráðleggingar. Þorskurinn er
ekkert að pæla í þessum fjandans
markaði. Hann fer eftir allt öðrum
lögmálum.“ segir Arthur.
Hann segir einnig að sig langi
til að stunda þá trillusjómennsku
sem hann þurfti að leggja til
hliðar þegar hann hóf störf sem
formaður. Arthur á 25 ára gamla
trillu, Dagbjörtu, sem heitir eftir
þrettán ára gamalli dóttur hans.
„Þegar þessi félagsmálavinna
framlengdist alltaf hjá mér þá
þurfti ég fyrir rest að taka ákvörð-
un um hvort ég vildi sinna henni
eða vera á sjó. Ég var það galinn
að halda að ég gæti alltaf hoppað
aftur út á sjó ef félagsmálin yrðu
leiðinleg eða misstu tilgang sinn
í mínum augum. Það reyndist
mikill misskilningur því það er
ekki hlaupið inn í sjávar útveginn,
hvorki fyrir mig né aðra. En nú
ætla ég að fara í fleiri róðra en
ég hef gert undanfarin ár og vera
eins og sannur smábátaeigandi,
kóngur í mínu ríki.“
Ætlar aftur á sjó og skrifa um lax
Arthur Bogason, formaður Landssambands smábátaeigenda, hyggst ekki gefa kost á sér til áframhaldandi formennsku eftir 28 ára starf.
Hann segir sambandið hafa unnið ótrúlega sigra á síðustu þremur áratugum og að samstaða félagsmanna þess hafi þar skilað mestu.
KÓNGUR Í RÍKI SÍNU Arthur Bogason er spenntur fyrir því að geta aftur stundað þá trillusjómennsku sem hann lagði til hliðar
fyrir um þremur áratugum. FRÉTTABLAÐIÐ/GVA
Arthur Bogason
fæddist á Akureyri
þann 21. ágúst
1955. Hann fór
snemma til sjós
og var bæði á
smábátum og
stærri skipum
þangað til hann
var kjörinn for-
maður Lands-
sambands
smábátaeigenda
þrítugur að aldri.
Arthur keppti áður
í kraftlyftingum
og bjó um tíma í
Dayton í Ohio þar
sem hann æfði
íþróttina. Hann
setti meðal annars
tvö Evrópumet í
kraftlyftingum.
Fyrrverandi kraftlyftingakappi
STERKUR Arthur setti á sínum tíma tvö Evrópumet í
kraftlyftingum.
AVIÐTAL | 10
ARTHUR BOGASON HÆTTIR SEM FORMAÐUR LANDSSAMBANDS SMÁBÁTAEIGENDA
Haraldur
Guðmundsson
haraldur@frettabladid.is
Það er til dæmis
mjög undarlegt að heyra
aftur og aftur hvernig
fiski fræðingar blanda
vangaveltum um það hvað
markaðurinn þolir við
sínar ráðleggingar.
Þorskur inn er ekkert að
pæla í þessum fjandans
markaði. Hann fer eftir
allt öðrum lögmálum.