Fréttablaðið - 27.02.2014, Side 44

27. febrúar 2014 FIMMTUDAGUR| MENNING | 32
DANS ★★ ★★★
Berserkir
Lene Boel
ÍSLENSKI DANSFLOKKURINN Á STÓRA
SVIÐI BORGARLEIKHÚSSINS
Það er alltaf kærkomið að fara
aftur á danssýningu og sérstak-
lega áhugavert að mæta með
gagnrýnandagleraugun nú í
annað sinn. Þó þessi síðari ferð á
vetrarsýningu dansflokksins, Þrí-
leik, sé fyrst og fremst farin til
að fjalla um verkið Berserki eftir
Lene Boel sem ekki var hægt að
dæma eftir frumsýninguna vegna
meiðsla aðaldansarans þá verður
ekki hjá því komist að veita verki
Valgerðar Rúnarsdóttur, Far-
angri, nokkra athygli. Þar verður
að nefna frammistöðu Snædísar
Lilju Ingadóttur sem sýnir mikil
tilþrif, jafnt í dansi, leikrænum
tilbrigðum og ekki síst í söng og
skemmtilega takta Brians Gerke.
Verkin eru mjög ólík; annað bjart,
hitt rökkvað; eitt upphafning á
ofurtækni, hitt frásögn (brota-
kennd þó) borin fram af flæðandi
hreyfingum og röddum dansar-
anna og sýna vel hversu samtíma-
dans er fjölbreytt listform.
Verkið Berserkir er áhuga-
vert fyrir nokkrar sakir. Í því
er unnið með ólíka dansstíla –
breik, nútímadans og ballet –
sem kryddaðir eru með akróba-
tík, eitthvað sem lítið hefur sést í
íslenskum dansverkum undanfar-
ið. Í verkinu er breikið, sem alla
jafna er tengt við dans götunnar,
sett í listrænt samhengi og ný
gerð líkama verður við það sýni-
leg á sviðinu. Lýsingin í verkinu
er sérlega vel gerð, skörp og gríp-
andi og dansararnir fá tækifæri
til að sýna líkamlega getu sína
innan síns forms. Þar má fyrsta
nefna Hjördísi Lilju Örnólfsdótt-
ur sem nú fer með aðalkvenhlut-
verk verksins. Hún var greinilega
rétta manneskjan í hlutverkið og
lýsti af öryggi, krafti, nákvæmni
og snerpu. Í dansi Brians Gerke,
ekki síst í sólóinu, mátti merkja
áreynsluleysi og dansgleði sem
skilaði sér vel til áhorfenda. Hér
sýndi Brian á sér aðra hlið en í
Farangri þar sem kómíkin er í
fyrirrúmi.
Aðrir dansara stóðu sig líka
ágætlega en þurftu sterkari dans-
sköpun til að styðjast við og gefa
líkamlegri færni þeirra tilgang.
Aðeins bestu og reyndustu dans-
ararnir gátu hafið sig yfir veik-
leika verksins og látið ljós sitt
skína. Leifur Eiríksson breikaði
til dæmis flott og akróbatískar
brellur Nicholas Fishleigh voru
„vá“ en það sem þeir sýndu vant-
aði samhengi. Berserkir bjó yfir
áhugaverðum hugmyndum og
skemmtilegum köflum en skorti
dýpt og heildrænan svip. Þrátt
fyrir fyrirheit í leikskrá um
áhrifamikla sýningu þar sem
fram komi hugtök eins og „villt-
ir sem úlfar“, „ljúfir sem lömb“,
„magnþrungin blanda“ dansstíla
og „húmorískir leikar stríðs og
ástar“ varð hún frekar yfirborðs-
kennt samansafn ágætis atriða.

Sesselja G. Magnúsdóttir
NIÐURSTAÐA: Þrátt fyrir áhuga-
verðar hugmyndir og góða kafla náði
dansverkið Berserkir sér ekki úr því
að vera yfirborðskennt samansafn
ágætis atriða.
Berserkir Íslenska dansflokksins: Taka tvö
BERSERKIR: „Yfirborðskennt samansafn.“ MYND: ÍSLENSKI DANSFLOKKURINN
„Ég hef fókusinn á því sem Geir
lagði áherslu á í vali sínu á rúss-
neskum skáldum og hann lagði
mesta vinnu í að þýða Maja-
kovskí,“ segir Hjalti Rögnvalds-
son leikari sem hefur undirbúið
dagskrá um ljóðaþýðingar Geirs
Kristjánssonar úr rússnesku.
Hann verður líka flytjandi hennar.
Hjalti segir þýðingarnar hafa birst
á víð og dreif í bókum og tímarit-
um gegnum tíðina. „Ég átti megnið
af þessu í mínum hillum. Ætli það
sé ekki talið einkenni á bókaorm-
um,“ segir hann kíminn.
Geir var fæddur í Héðinsvík á
Tjörnesi 1923. Hann lauk stúdents-
prófi frá MA 1943 og eftir nám við
Háskóla Íslands nam hann slav-
neskt nám og bókmenntir í Uppsöl-
um í Svíþjóð og síðan bókmenntir í
Englandi og Frakklandi. Í Reykja-
vík vann hann alla tíð við ritstörf
auk þess að kenna rússnesku við
MÍR. Hann lést 18. september 1991.
Að Majakovskí meðtöldum eru
það fjórtán skáld sem flutt verð-
ur eftir í MÍR á laugardaginn, að
sögn Hjalta, allt frá guðföður gull-
aldar í rússneskri ljóðlist, Alex-
ander Púshkín sem var fæddur
1799. „Tveir eru fæddir 1933, þeir
eru yngstir,“ upplýsir hann.
Yfirskrift dagskrárinnar, Hin
græna eik, er titill bókar sem inni-
heldur ljóðaþýðingar Geirs eftir
rússnesk skáld og nokkra Spán-
verja en Spánverjarnir koma ekk-
ert við sögu á laugardaginn. „Dag-
skráin er byggð upp á tengslum
Geirs við MÍR og tekur sextíu og
sex og hálfa mínútu.“ segir Hjalti
og telur fulla ástæðu til að rifja
upp afrek Geirs áður en hann verð-
ur settur í huldumannahópinn.
„Sjálfur var hann dulur, fékk sér
aldrei kaffi á auglýsingastofum og
Séð og heyrt náði aldrei í hann.“
gun@frettabladid.is
Séð og heyrt
náði aldrei í hann
Dagskrá helguð Geir Kristjánssyni, skáldi og þýðanda,
verður fl utt í MÍR-salnum á Hverfi sgötu 105 1. mars
klukkan 16. Hún er í höndum Hjalta Rögnvaldssonar.
LEIKARINN „Það er full ástæða til að rifja upp afrek Geirs áður en hann verður
settur í huldumannahópinn,“ segir Hjalti Rögnvaldsson leikari. FRÉTTABLAÐIÐ/PJETUR
• Útvarpsleikritið Snjómokstur
var frumflutt af Þorsteini Ö.
Stephensen og Rúrik Haraldssyni
fyrir um 40 árum og er endur-
flutt annað slagið.
• Smásagnasafnið Stofnunin
kom út 1956.
• Geir ritstýrði tímaritinu MÍR frá
1950-1959.
• Ský í buxum og fleiri kvæði,
þýðingar eftir Vladímír Maja-
kovskí 1965.
➜ Þekkt verk Geirs
Kristjánssonar
Þrjár listrænar og ferðaglaðar
vinkonur opna sýningu á verkum
sínum í Gerðubergi í Breiðholti í
dag klukkan 18. Yfirskrift hennar
er Heima & heiman og þema henn-
ar er ferðalag.
Sýningin er í þremur hlutum.
Þorbjörg Ósk Eggertsdóttir er með
ljósmyndir og ljóð í norðuranddyri
Gerðubergs. Brynja Bjarnadóttir
sýnir ljósmyndir á íslenskum viði
í undirgöngunum undir Austur-
berg við Breiðholtslaug og Berg-
lind Erna Tryggvadóttir sýnir ljós-
myndir í húsnæði Breiðholtslaugar.
Leiðsögn verður um sýninguna
við opnun hennar sem endar í
Breiðholtslaug þar sem öllum gest-
um er boðið í sund.
Vinkonurnar tóku þátt í Heita
pottinum – Betra Breiðholti í ár,
en það er verkefni sem Hitt húsið
heldur utan um og snýst um að
styrkja fólk á aldrinum 16-25 ára
til skapandi starfa í sínu nærum-
hverfi. - gun
Þemað er ferðalag
Brynja Bjarnadóttir, Þorbjörg Ósk Eggertsdóttir og
Berglind Erna Tryggvadóttir opna sýninguna Heima
& heiman í dag í Gerðubergi og nágrenni.
AF SÝNINGUNNI Ein mynda Þorbjargar Óskar er frá Reykjavíkurtjörn.