Fréttablaðið - 06.03.2014, Blaðsíða 16

6. mars 2014 FIMMTUDAGUR| FRÉTTIR FJÖLSKYLDAN| 16
Samkomur aldraðra, þar sem menn ræða um það sem fylgir
því að eldast, og heimsóknir frá heimaþjónustu geta komið í
veg fyrir heilsuvandamál hjá þeim sem eru eldri en 80 ára.
Þetta eru niðurstöður rannsókna við Háskólann í Gautaborg.
Í rannsókninni tóku þátt 459 íbúar í Gautaborg sem skipt
var í þrjá mismunandi hópa. Í einum hópnum tóku einstak-
lingarnir þátt í samkomum aldraðra þar sem meðal annars
var rætt um það sem fylgir því að eldast og hvernig leysa
megi vandamál sem koma upp heima fyrir. Annar hópur
fékk heimsóknir frá heimaþjónustu þar sem rætt var við
einstaklingana um heilsu þeirra og þörf fyrir umönnun og
þjónustu. Þriðji hópurinn fékk hefðbundnar upplýsingar um
hvaða úrræði sveitarfélagið býður upp á.
Niðurstöður rannsóknarinnar sýndu að líkindin á heilsu-
farslegum vandamálum minnkuðu um helming í allt að tvö
ár hjá þeim sem tóku þátt í samkomum aldraðra eða fengu
heimsókn. Þeir voru jafnframt ánægðari með líkamlega og
andlega heilsu sína eftir eitt og tvö ár.
Mestur árangur var af samkomum aldraðra, að því er haft
er eftir Linu Behm hjúkrunarfræðingi á vef Dagens Nyhe-
ter. Á samkomunum var það reynsla þátttakenda sjálfra og
þarfir þeirra sem stýrðu umræðuefninu en ekki „stjórnend-
ur samræðnanna“. Að sögn Behms kváðust þátttakendur
hafa lært hverjir af öðrum. Það hefði haft jákvæð áhrif á þá
og mögulega hvatt þá til meiri virkni.
Fyrri rannsóknir hafa leitt í ljós að aldraðir sem líta svo
á að þeir séu heilbrigðir eru í minni hættu á að fá þunglyndi
auk þess sem líkurnar á að þeir lifi lengur eru meiri. - ibs
Niðurstöður rannsókna vísindamanna á heilbrigðisvísindasviði Háskólans í Gautaborg sýna lykil að vellíðan eldri borgara:
Samræður aldraðra bæta andlega og líkamlega heilsu
ALDRAÐIR Samræður eru heilsubót. FRÉTTABLAÐIÐ/PJETUR
Niðurstöður nýlegrar rannsókn-
ar á áhrifum fjölskyldumeðferð-
ar vegna offitu barna virðist lofa
góðu, bæði til lengri og skemmri
tíma. Þetta kemur fram í grein í
Læknablaðinu þar sem greint er
frá framkvæmd rannsóknarinn-
ar. Göngudeild fyrir of feit börn
er nú starfrækt á Barnaspítala
Hringsins á grunni niðurstaðna
rannsóknarinnar. Þar stýrir
þverfaglegt teymi meðferðinni
og fylgir eftir of feitum börnum
og fjölskyldum þeirra.
„Fjölskyldumiðaða atferlis-
meðferðin hafði jákvæð áhrif á
heilsu og líðan bæði til skemmri
og lengri tíma litið og er sérstak-
lega mikilvægt að benda á að hér
er um að ræða breytingar á blóð-
mælingum, þunglyndi, kvíða,
félagsfærni og sjálfsmynd. Þetta
er það sem raunverulega skiptir
máli og þarf að vera sýnilegra í
allri umræðu um holdafar í stað
þess að fókusinn í umræðunni
sé alltaf á líkamsþyngdina sem
slíka,“ segir Anna Sigríður Ólafs-
dóttir, dósent í næringarfræði
við Menntavísindasvið Háskóla
Íslands, sem er einn greinarhöf-
unda.
Hún segir að einstaklega
ánægjulegt hafi verið að sjá að
sjálfsmynd barnanna hafi haldið
áfram að styrkjast eftir að með-
ferð lauk. „Leiða má líkur að því
að vissir meðferðarþættir hafi
ýtt undir eða aukið færni sem
eykur trú einstaklinganna á eigin
getu.“
Úrtakið í rannsókninni sam-
anstóð af 84 of feitum börnum á
aldrinum 8 til 13 ára og einu for-
eldri hvers barns. Sextíu og ein
fjölskylda lauk 12 vikna með-
ferð sem dreifðist yfir 18 vikur
og var þátttakendum, sem voru
valdir í rannsóknina með aðstoð
skólahjúkrunarfræðinga á höfuð-
borgarsvæðinu, fylgt eftir í tvö
ár eftir að meðferð lauk.
Fyrir og eftir meðferð var
mæld hæð og þyngd barna,
hreyfing, dagleg neysla ávaxta
og grænmetis, blóðþrýstingur og
ýmis blóðgildi.
Lagðir voru fyrir börnin sjálfs-
matslistar til að meta andlega
líðan og félagsfærni. Hæð og
þyngd foreldra var mæld fyrir og
eftir meðferð og einnig svöruðu
foreldrar sjálfsmatslista fyrir
þunglyndi.
Í meðferðinni lækkaði líkams-
þyngdarstuðull foreldra frá upp-
hafi til loka meðferðar, að því
er greint er frá í Læknablaðinu.
Meðferðin bar því ekki einungis
árangur fyrir börnin heldur einn-
ig fyrir foreldra. Niðurstöður úr
eftirfylgd benda þó til þess að
foreldrum hafi ekki gengið nægi-
lega vel að viðhalda þeim árangri
þar sem þeir þyngdust aftur að
meðferð lokinni.
Greinarhöfundar benda á að
offita barna hafi aukist á undan-
förnum áratugum og að brýn
þörf sé á gagnreyndu meðferðar-
formi til að sporna gegn þessari
þróun. Meðferðin sem var rann-
sökuð hér tók mið af bandarískri
meðferð sem hefur verið í þróun
í 30 ár.
ibs@frettabladid.is
Fjölskyldumeð-
ferð gegn offitu
Jákvæð áhrif á heilsu barnanna og líðan bæði til
skemmri og lengri tíma, segir Anna Sigríður Ólafs-
dóttir, dósent í næringarfræði. Þverfaglegt teymi
stýrir meðferð á göngudeild Barnaspítala Hringsins.
Leiða má
líkur að því að
vissir með-
ferðarþættir
hafi ýtt undir
eða aukið
færni sem
eykur trú einstaklinganna
á eigin getu.
Anna Sigríður Ólafsdóttir
dósent í næringarfræði við Menntavís-
indasvið Háskóla Íslands
MATARÆÐI Þótt ávaxta- og græn-
metisneysla barnanna sem tóku þátt
í rannsókninni á áhrifum fjölskyldu-
meðferðar hafi aukist mikið borða
fæst þeirra fimm skammta af ávöxtum
og grænmeti á dag, að því er segir í
grein Læknablaðsins.
NORDICPHOTOS/AFP
Virðing
RéttlætiVR | KRINGLUNNI 7 | 103 REYKJAVÍK | S. 510 1700 | F. 510 1717 | WWW.VR.IS
Kosning
til stjórnar
VR er haf in!
Rafræn allsherjaratkvæðagreiðsa meðal félagsmanna VR til
stjórnar er hafin og stendur til kl. 12.00 á hádegi 14. mars nk.
Láttu þig málið varða og hafðu áhrif með því að kjósa.
Kosið er á Mínum síðum, á www.vr.is
UPPGJÖR & BÓKHALD
Einblíndu
á það sem
skiptir máli
Bókhaldið í traustar
hendur fagfólks
Hafðu samband við Olgeir
í síma 545 6106 og fáðu
fast verð í þitt bókhald.
kpmg.is