Fréttablaðið - 23.05.2014, Side 62

23. maí 2014 FÖSTUDAGUR| LÍFIÐ | 38
„Tekið skal fram að verkin á
sýningunni eru ekki við hæfi
barna,“ segir Guðlaug Mia
Eyþórsdóttir, einn stofnenda
Gallerís Kunstschlager, en á
laugardaginn verður sýning-
in Lostastundin opnuð í Gall-
eríi Kunstschlager á Rauðar-
árstíg.
Guðlaug Mia er jafnframt
sýningarstjóri Lostastundar,
ásamt Kristínu Karólínu Helgadóttur.
„Kunstschlager fagnar sumrinu og tíma ástarinnar
sem er að ganga í garð. Við ætlum að bjóða sýningar-
gestum upp á lostafulla myndlist af hvers kyns toga,“
segir Guðlaug.
„Það er leynd yfir því hverjir það eru sem sýna, en
við getum gefið upp að á meðal annarra verða með verk
á sýningunni þau Steingrímur Eyfjörð, Kristín Ómars-
dóttir og Helgi Þórsson,“ segir Guðlaug og bætir við
að erótík og list eigi vel saman og kominn sé tími til að
setja upp sýningu sem þessa.
Í heildina verða það fjórtán myndlistarmenn sem
sýna erótísk verk í Kunstschlager.
„Sumir þeirra eru þekktir fyrir slíka myndlist, aðrir
ekki. Við leggjum áherslu á tvívíð verk á sýningunni.
Þar kennir ýmissa grasa, og til sýnis verður allt frá
skúffuerótík til hugmyndafræðilegra, erótískra verka,“
segir Guðlaug.
Erótískt myndrit verður gefið út í tengslum við sýn-
inguna með verkum eftir sýnendur auk annarra og verð-
ur til sölu á Basarnum, verslun í galleríinu.
Sýningin er framlag Kunstschlager til Listahátíðar í
Reykjavík í ár og opnar klukkan átta. olof@frettabladid.is
„Þetta verður einhver kaos. Við rennum dásamlega
blint í sjóinn,“ segir Snæbjörn Ragnarsson í hljóm-
sveitinni Ljótu hálfvitunum. Sveitin heldur tónleika á
Café Rosenberg 30. og 31. maí og á Græna hattinum
um Hvítasunnuhelgina en tónleikaröðin gengur undir
nafninu Spilakvöld. Á tónleikunum nota hljómsveitar-
meðlimir spilastokk sem þeir eru með í framleiðslu til
að velja lögin sem þeir spila.
„Við erum búnir að gefa út fjórar plötur og þær líta
allar eins og út. Fyrsta var bleik, önnur blá, síðan græn
og loks appelsínugul og allar með svörtu letri. Það eru
þrettán lög á hverri og það er teiknuð mynd við hvert
lag. Við komumst að því að það eru fjórar sortir í spila-
stokk og þrettán spil í hverri þannig að við tókum allar
myndirnar saman og gerðum spilastokk. Á tónleikun-
um drögum við síðan um hvaða lög við spilum og spil-
um lögin í þeirri röð sem við drögum,“ segir Snæbjörn.
Hann segir þó að hálfvitarnir spili ekki öll 52 lögin á
hverjum tónleikum heldur um það bil helming.
„Þetta er góð hugmynd – alveg þangað til við förum
að framkvæma hana. Við getum ekkert æft fyrir þetta.
Yfirleitt getur maður kortlagt svona tónleika og veit
sirka hvað maður er að fara að gera næst. Núna eiga
menn eflaust eftir að klóra sér í hausnum. Það er ekk-
ert öruggt að við kunnum öll þessi lög þannig að nokkur
verða eflaust býsna „freestyle“.“
Hljómsveitin Ljótu hálfvitarnir var stofnuð árið 2006
og er skipuð níu manns sem kunna passlega mikið á
hljóðfæri að sögn Snæbjörns.
„Við erum búnir að vera saman í bandi í átta fokking
ár án þess að skipta um mannskap. Þetta er stórbrot-
inn félagsskapur. Þarna koma allir gallar mannkynsins
saman á einum stað.“ - lkg
Kaos að hætti hálfvitanna
Hljómsveitin Ljótu hálfvitarnir heldur tónleika þar sem spilastokkur ræður för.
BLANDA AF
GRÍNI OG
MÚSÍK
Ljótu
hálfvitarnir
eru þekktir
fyrir að vera
gamansamir.
MYND/HEIÐAR
KRISTJÁNSSON
„Það eru allir í svo miklu stuði
í Reykjavík að ég verð að segja
Bamboleo með Gypsy Kings.“
Natalie G. Gunnarsdóttir, plötusnúður
FÖSTUDAGSLAGIÐ
„Tilfinningin þegar maður kemur
inn á svæðið er að maður sé kom-
inn inn í annað land þar sem allt
getur gerst,“ segir listamaðurinn
Ingimar Oddsson en hann blæs
til ævintýrahátíðar í Vesturbyggð
með svokölluðu gufupönksþema.
„Við verðum með landamæraverði
sem munu selja vegabréf með upp-
lýsingum um hátíðina sem hægt er
að fá stimpla í, þetta verður mjög
skemmtilegt,“ segir Ingimar, en
hátíðin er eins konar hlutverkaleik-
ur. „Vesturbyggð breytist í stærsta
leiksvið í heimi og allir sem þar eru,
bæði leikarar og áhorfendur, taka
þátt í hlut verka leik þar sem við njót-
um tilverunnar saman og tökum þátt
í alls kyns skemmtunum, leiksýning-
um og tónleikum.“
Á hátíðinni verður einnig hægt
að finna veglegan markað þar sem
alls kyns vörur tengdar gufupönki
verða til sölu. „Síðan ætlum við að
setja upp smá sirkus og verðum þar
með viðundrasýningu,“ segir Ingi-
mar, sem leggur gríðarlega vinnu í
hátíðina. Ævintýralandið ber nafnið
Bíldalía og hefur Ingimar meira að
segja búið til fána fyrir landið. - bþ
Ævintýralandið Bíldalía í Vesturbyggð
Ingimar Oddsson býður fólki til ævintýralands Bíldalíu þar sem mörk skáldskapar og raunveruleika verða óljós.
Gufupönk er íslensk þýðing á
ensku liststefnunni Steam-
punk en stefnan á rætur sínar
að rekja til vísindaskáldsagna
gufualdar þar sem nútíma-
tækni er sett í umgjörð
nítjándu aldar. Stefnan er
undir sterkum áhrifum frá
Viktoríutímabilinu og er nokk-
urs konar túlkun á draumum
og framtíðarspám rithöfunda
og listamanna Viktoríutíma-
bilsins.
➜ Hvað er gufupönk?
Lostastundin er ekki
við hæfi barnanna
Lostastundin, erótísk myndlistarsýning, opnar á laugardaginn í Kunstschlager.
Þar má meðal annars sjá verk eft ir Steingrím Eyfj örð og Kristínu Ómarsdóttur.
VERK Á
SÝNINGUNNI
eftir Steingrím
Eyfjörð
VERK Á
SÝNINGUNNI
eftir Kristínu
Ómarsdóttur
SÝNINGARSTJÓRARNIR Guðlaug Mia Eyþórsdóttir og Kristín
Karólína Helgadóttir vilja fagna sumrinu, sem þær segja tíma
ástarinnar. MYND/ÚR EINKASAFNI
Þar kennir
ýmissa grasa, og
til sýnis verður allt
frá skúffuerótík til
hugmyndafræði-
legra, erótískra
verka.