Fréttablaðið - 06.03.2015, Page 22

FÓLK| HELGIN
Íslensku vetrarleikarnir hefj-ast í dag, föstudag, á Akureyri og standa yfir í rúma viku, til
laugardagsins 14. mars. Leikarnir
voru fyrst haldnir á síðasta ári
við góðar undirtektir en verða
enn viðameiri í ár að sögn Davíðs
Rúnars Gunnarssonar, viðburða-
stjóra hjá Viðburðastofu Norður-
lands. „Nú hefur árlega vetrar- og
útivistarhátíðin Éljagangur sam-
einast okkur og leikarnir verða
með öðru og stærra sniði. Keppt
verður í ýmsum vetrargreinum og
boðið upp á fjölbreytta afþrey-
ingu fyrir börn, unglinga og fjöl-
skyldufólk. Við
ætlum að stytta
okkur stundir í
skammdeginu og
njóta vetrarins
á sem bestan
hátt í faðmi fjöl-
skyldunnar. Mörg
hundruð kepp-
endur hafa skráð
sig til leiks og
þar af fjölmargir
útlendingar.“
Ekkert kostar inn fyrir áhorfend-
ur á viðburði leikanna en meðal
þeirra má nefna Íslandsmeistara-
mót Sleðahundaklúbbs Íslands
í kúski á hundasleða og skíðum
sem fer fram á Mývatni, vélsleða-
og útivistarsýning verður á torgi
Glerártorgs, skautadiskó verður
haldið í Skautahöll Akureyrar
og snjóbrettamót fyrir börn og
unglinga fer fram í Hlíðarfjalli. Hin
sívinsæla vasaljósaganga verður
á sínum stað og einnig verða
skíðagöngunámskeið í boði. „Um
næstu helgi verður haldin glæsileg
snjóbrettakeppni fyrir börn og
unglinga en keppt verður í þremur
aldursflokkum. Keppnin fer fram
á Ráðhústorginu og þar má búast
við fjörugri keppni í flóðlýsingu og
dúndrandi tónlist.“
Vélsleða- og adrenalínfíklar
mæta á Glerártorg og sýna listir
sínar á brautinni og stökkpallinum
sem verður á svæðinu. Auk þess
verður boðið upp á veglega vél-
sleðasýningu á sama tíma. „Þessir
menn eru sannarlega klikkaðir og
þekktir fyrir að láta vaða!“ segir
Davíð.
Auk fyrrnefndra viðburða bjóða
fjölmargir ferðaþjónustuaðilar á
svæðinu upp á úrval skemmtilegra
ferða gegn gjaldi.
Leikarnir standa í níu daga
en stærstu viðburðirnir fara þó
fram næstu helgi, dagana 12.-14.
mars. „Þá verður keppt í free-
ski-brekkustíl í Hlíðarfjalli en þar
munu bæði íslenskir og erlendir
keppendur leika listir sínar, þar á
meðal nokkrir sem eru ofarlega á
heimslistanum.“ Keppni í free-ski
fór fyrst fram á leikunum í fyrra, en
um er að ræða nýja íþrótt sem náð
hefur miklum vinsældum í Evrópu
undanfarin ár. „Þá eru skíðin bogin
í báða enda, svipað eins og ef
bretti væri sagað í sundur. Þannig
er hægt að leika listir sínar og
fljúga tugi metra í loftinu.“ Keppnin
er partur af AFP-mótaröðinni (The
2015 AFP World Tour) og flokkuð
sem gullmót. „Við eigum von á
þekktum nöfnum í þessari íþrótt
hingað til lands en fyrstu verðlaun
eru þrjár milljónir króna.“
Meðal nýjunga í ár nefnir Davíð
að nokkrir ofurhugar hafi fest kaup
á risadýnu sem ætluð er til lend-
ingar þegar æfð eru ýmis áhættu-
atriði. „Hvort sem um er að ræða
skíði, bretti, vélsleða, mótorhjól
eða „freedrop“ úr allt að tíu metra
hæð. Ekki þarf að lenda í miðjunni
af því að allir fletir dýnunnar virka
jafn vel.“
Dagskrá leikanna er löng og
ítarleg og hana má nálgast á www.
iwg.is ásamt frekari upplýsingum.
Einnig má fylgjast með leikunum á
Facebook undir Íslensku vetrar-
leikarnir og á Twitter undir @
IWGICE.
VETRARHÁTÍÐ
FJÖLSKYLDUNNAR
VETRARGLEÐI Í dag hefjast Íslensku vetrarleikarnir á Akureyri og standa yfir
í níu daga. Boðið verður upp á fjölbreytta dagskrá við hæfi fjölskyldunnar.
Davíð Rúnar Gunn-
arsson, viðburða-
stjóri hjá Viðburða-
stofu Norðurlands.
MYND/ÚR EINKASAFNI
GESTGJAFINN Snjókallinn er eitt einkennismerkja leikanna og tekur vel á móti gestum.
MYND/LINDA ÓLADÓTTIR
EFNILEG Yngstu börnin keppa á snjóbrettum. MYND/ÖRN STEFÁNSSON
FJÖR Í BÆNUM Mikill fjöldi keppenda og gesta tekur þátt í Íslensku vetrarleikunum í ár. MYND/LINDA ÓLADÓTTIR
08.15 – 08.30 Morgunverður.
08.30 – 08.45 Hvað svo...? – úrvinnsla úr málþingi Geðhjálpar og
Olnbogabarna um börn og ungmenni með tvíþættan
vanda.
Anna G. Ólafsdóttir, framkvæmdastjóri Geðhjálpar.
08.45 – 09.00 Hvernig getur Barnaverndarstofa náð betri árangri í
þjónustu við börn og ungmenni með geðrænan og
vímuefnavanda?
Halldór Hauksson, sviðsstjóri meðferðarsviðs
Barnaverndarstofu.
09.00 – 09.15 Hvernig getur BUGL náð betri árangri í þjónustu við
börn og ungmenni með geðrænan og vímuefnavanda?
Ólafur Ó. Guðmundsson, yfirlæknir barna- og unglinga
geðlækninga, Landspítala-Háskólasjúkrahúss (BUGL).
09.15 – 09.30 Hugmyndir um hvernig hægt verði að koma til móts við
börn og ungmenni með geðrænan og vímuefnavanda í
vinnu við mótun þingsályktunartillögu um mótun
geðheilbrigðisstefnu.
Guðrún Sigurjónsdóttir, formaður stýrihóps um mótun
geðheilbrigðisstefnu í velferðarráðuneytinu.
09.30 – 09.45 Hvað felst í átaki lögreglunnar til að koma í veg fyrir að
óæskilegir einstaklingar hýsi börn og ungmenni undir
lögaldri?
Guðmundur Fylkisson, aðalvarðstjóri hjá lögreglunni
á höfuðborgarsvæðinu.
09.45 – 10.00 Hvernig getur LSH lagt börnum og ungmennum með
geðrænan og vímuefnavanda betur lið?
Kjartans J. Kjartanssonar, yfirlæknir fíknigeðdeildar
Landspítala-Háskólasjúkrahúss.
10.00 – 10.15 SAMANTEKT.

Þátttakendur eru vinsamlega beðnir um að skrá sig á ráðstefnuna með
því að senda tölvupóst með nafni þátttakanda og nafni og kennitölu
greiðanda á verkefnisstjori@gedhjalp.is.
Aðgangseyrir kr. 1.500.
HVAÐ SVO...?
Aðgerðir í framhaldi af málþingi
Geðhjálpar og Olnbogabarna um börn
og ungmenni með tvíþættan vanda.
Grand Hótel, Gullteig, fimmtudaginn 12. mars kl. 8.15.
Fundarstjóri Helgi Seljan
0
5
-0
3
-2
0
1
5

2
1
:5
8
F
B
0
5
6
s
_
P
0
3
5
K
.p
1
.p
d
f
F
B
0
5
6
s
_
P
0
3
4
K
.p
1
.p
d
f
F
B
0
5
6
s
_
P
0
2
2
K
.p
1
.p
d
f
F
B
0
5
6
s
_
P
0
2
3
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
4
0
9
-A
C
0
4
1
4
0
9
-A
A
C
8
1
4
0
9
-A
9
8
C
1
4
0
9
-A
8
5
0
2
8
0
X
4
0
0
8
B

F
B
0
5
6
s
C
M
Y
K