Skessuhorn - 02.07.2014, Side 25

25MIÐVIKUDAGUR 2. JÚLÍ 2014
Írskir dagar
SK
ES
SU
H
O
R
N
2
01
4
Fimmtudaginn 3. júlí kl. 14:00

sögubíllinn Æringi kemur í heimsókn og
verður við Bókasafn akraness, dalbraut 1.
sóla sögukonan tekur á móti börnunum
og segir ævintýralegar sögur.
Öll börn velkomin
www.listasetur.is
Kirkjuhvoll
Listasetur
Opið hús fimmtudaginn 3. júlí kl. 16.00 – 18.00
í tilefni opnunar Gistiheimilisins Kirkjuhvols

Gestum gefst kostur á að skoða
húsið og njóta sýningar á verkum
listakonunnar Veru Líndal

Heitt á könnunni
Allir velkomnir!
Gistiheimilið Kirkjuhvoll
SK
ES
SU
H
O
R
N
2
01
4
Fyrirtæki í ferðaþjónustu komast
ekki lengur upp með neitt fúsk
Rætt við Bjarnheiði Hallsdóttur sem á langan feril
að baki í ferðaþjónustu
Bjarnheiður Hallsdóttir frá Akra-
nesi hefur starfað við ferðaþjón-
ustu í nánast 20 ár og rekur hún
nú þrjú fyrirtæki í greininni ásamt
Pétri Óskarssyni. „Árið 1997
stofnum við Pétur Katla Travel
GmbH sem sérhæfir sig í ferðum
frá Þýskalandi til Íslands.
Árið 2002 stofnum við
nýtt fyrirtæki sem kall-
ast Viator ehf. sem miðl-
ar sumarhúsum í eigu ís-
lenskra fjölskyldna til er-
lendra ferðamanna. Árið
2003 stofnum við svo
Katla DMI ehf. þar sem
við bjóðum upp á skipu-
lagningu hóp- og ein-
staklingsferða um Ís-
land. Auk þess sem boðið
er upp á ferðir íslenskra
hópa til Þýskalands og
hefur sú starfsemi farið
vaxandi að undanförnu,“
segir Bjarnheiður í spjalli
við Skessuhorn.
Margþætt ástæða
fyrir vexti
Bjarnheiður segir að
þá sprengingu sem orð-
ið hefur í fjölda ferða-
manna sem koma til Ís-
lands síðustu árin megi
rekja til tveggja meg-
in þátta. „Á Íslandi hafði
ferðamannastraumurinn
verið að aukast hægt og
rólega síðan um miðja
tuttugustu öld. Ísland
hafði alltaf verið einn
dýrasti áfangastaður sem
fólk gat valið sér auk þess
sem landsins gæði voru
lítt þekkt úti í hinum
stóra heimi. Þetta breyt-
ist svo þegar hér varð
efnahagshrun árið 2008 og krón-
an veiktist svo um munaði. Þá varð
allt í einu miklu ódýrara fyrir er-
lenda ferðamenn að fara til Íslands
og dvelja hér. Ofan á það varð hér
stórt og frægt eldgos í Eyjafjalla-
jökli árið 2010. Það setti Ísland
rækilega á kortið og ég tel að þessir
tveir þættir hafi haft mestu áhrifin
á þann vöxt sem við erum að upp-
lifa núna í ferðaþjónustu.“
Komast ekki upp
með fúsk
Ferðaþjónusta hefur breyst mikið
síðan Bjarnheiður steig sín fyrstu
skref í bransanum. „Þetta er allt
öðruvísi en þegar ég var að byrja.
Nú eru allir nettengdir og sam-
skiptaleiðir viðskiptavina við fyrir-
tæki og hver við annan orðnar mun
styttri. Þá hefur fagmennska í ferða-
þjónustu stóraukist en starfsfólk í
greininni er orðið mun menntaðra
og þjálfaðra en áður. Fyrirtæki í
ferðaþjónustu komast ekki lengur
upp með neitt fúsk, allavega ekki
til langs tíma litið. Bæði hafa kröf-
ur ferðamanna aukist jafnt og þétt
og svo gerir netvæðingin það að
verkum að ferðamenn eru fljótir að
tjá skoðun sína, sérstaklega ef hún
er neikvæð. Þetta heldur starfs-
mönnum ferðaþjónustunnar á tán-
um þar sem þeir eru berskjaldaðir
fyrir gagnrýni sem getur haft skað-
leg áhrif á starfsemi þeirra. Stærsti
hluti ferðaþjónustunnar á Íslandi er
þó enn seldur utan netsins þar sem
salan er gjarnan háð persónulegri
þjónustu og klæðskerasaumuðum
lausnum. Sem dæmi eru ferðir til
Íslands bæði dýrar og flóknar og
því þarf oft að aðstoða við skipu-
lagningu ferðarinnar.“
Bjarnheiður segir að Íslending-
ar hafi fæstir rétta mynd af því sem
er að gerast í ferðaþjónustu og það
sé varhugavert. „Það er mikill mis-
skilningur að Ísland sé nú orðinn
einn vinsælasti áfangastaður ferða-
manna í heiminum. Við höldum að
hér sé allt svo fullt af ferðamönn-
um að færri komist að en vilji og
að útlendingar bíði hreinlega í röð-
um til að komast til landsins. Þetta
er ekki rétt. Á bakvið hvern ferða-
mann sem kemur til landsins ligg-
ur mikil vinna og markaðskostn-
aður. Fjöldi ferðamanna til Íslands
hefur vissulega stóraukist síðustu
ár en hann er samt sem áður enn
mjög lítill miðað við önnur vestræn
ríki. Ef við miðum okkur við sam-
bærileg lönd, sem við berum okk-
ur gjarnan saman við, sjáum við að
Ísland er með allra minnstu ferða-
mannalöndunum.“
Þurfum að undirbúa
okkur betur
Bjarnheiður telur að aukin að-
sókn erlendra ferðamanna til Ís-
lands sé af hinu góða en hins veg-
ar séu mikil og stór verkefni fram-
undan. „Vandamálið er að við vor-
um ekki nógu vel undirbúin til að
taka á móti svona miklum fjölda
fólks. Það hefur lengi verið opin-
ber stefna stjórnvalda að fá fleiri
ferðamenn til landsins og auka vöxt
og arðsemi í greininni. Þegar fjöld-
inn jókst svo hraðar en gert var ráð
fyrir komumst við að því að það
var margt sem við vorum ekki búin
að hugsa fyrir. Það vantar heild-
stæða stefnu stjórnvalda ef ekki á
illa að fara. Við þurfum að hugsa
um framhaldið og hefja undirbún-
ing strax. Náttúran á Íslandi er sér-
stök og í raun og veru eina sölu-
varan sem ferðaþjónustan hefur
hér á landi. Því þarf fyrst og fremst
að vernda hana ef við viljum halda
áfram að fá ferðamenn til
landsins.“ Bjarnheiður
kallar eftir því að ferða-
þjónustan fái hreinlega
meira vægi innan stjórn-
sýslunnar því þar séu brýn
málefni. „Ferðaþjónusta
aflar nú meiri gjaldeyris-
tekna en sjávarútvegur og
því þarf að móta stefnu
frá hinu opinbera til að
tryggja atvinnuveginn.
Ég er þeirra skoðunar
og hef talað fyrir því að
setja eigi hógvært komu-
og brottfarargjald fyrir
þá ferðamenn sem hing-
að koma. Það væri að
mínu mati skárri kostur
en hinn svokallaði nátt-
úrupassi sem hefur verið
í undirbúningi hjá ferða-
málayfirvöldum. Með
honum tel ég að náttúru-
upplifun og frelsistilfinn-
ing gesta okkur skerðist
of mikið.“
Margt mjög
jákvætt ­ en
einnig græðgi
Bjarnheiður telur að það
sé margt gott sem fjölg-
un ferðamanna til Íslands
hefur haft í för með sér
en hún varar þó við okri
og græðgi sem nokkuð
hefur verið rætt um síð-
ustu daga. „Verklags-
háttur manna hefur stór-
lagast og mun meiri fagmennska er
kominn í ferðaþjónustuna. Fleiri
eru farnir að vinna við ferðaþjón-
ustu allt árið um kring og mennt-
un, þjálfun og auðvitað reynsla
starfsmanna hefur aukist. Þá hafa
skemmtileg fyrirtæki sprottið upp
og margar góðar hugmyndir t.d. í
samanbandi við afþreyingu ferða-
manna orðið að veruleika. Ný-
sköpun hefur því aukist og þjónust-
an orðin vandaðri og betri.“ Mikið
hefur verið rætt um verðlagningu
ferðamannastaða á Íslandi og segir
Bjarnheiður verðlagningu erfiða og
menn verði að passa sig að ganga
ekki of langt. „Okur í verði er
aldrei af hinu góða og menn verða
að fara mjög varlega í að verðleggja
hlutina. Ef verðið er of hátt miðað
við gæði getur það endað með því
að Íslendingar verðleggi sig útaf
ferðaþjónustumarkaðinum.“
Bjarnheiður er bjartsýn á fram-
tíðina og segir að Ísland hafi vissu-
lega margt fram að færa til að land-
ið verði sambærilegt öðrum lönd-
um í ferðaþjónustu. „Við á Íslandi
eigum alveg að geta tekið á móti
mörgum milljónum ferðamanna
á ári ef við kjósum að fara þá leið.
Við þurfum bara að undirbúa okk-
ur miklu betur, þ.e. landið, inn-
viðina, stjórnsýsluna, umhverfið
og íbúana. Þetta er stórt og flókið
verkefni en ef við bregðumst strax
við og hefjum vinnuna af einbeitni
og alvöru eru okkur allir vegir fær-
ir,“ segir Bjarnheiður að lokum um
ferðaþjónustu á Íslandi.
jsb
Bjarnheiður Hallsdóttir hefur áralanga reynslu í ferðaþjónustu og
rekur nú þrjú fyrirtæki í greininni.