Fréttatíminn - 05.09.2014, Síða 32

M áni, Þorkell Máni Pétursson, er fæddur árið 1976 og er alinn upp í Garðabæ. Sem er eiginlega mjög í mótsögn við skoðanir hans.
„Ég er fæddur og uppalinn í Garðabæ, þó að mitt
fyrsta lögheimili hafi verið á Austurey á Laugarvatni.
Ég flutti í Kópavoginn í tvö ár sem ungbarn, en leið
aldrei vel þar,“ segir Máni kíminn.
„Mamma segir mig hafa grátið stanslaust þann tíma
og nú er það sama að gerast með systurson minn,
honum líður heldur ekki vel í Kópavogi. Hann grætur
mikið en róast þegar hann kemur í Garðabæinn.“ Máni
gekk í grunnskóla og gagnfræðaskóla í Garðabænum
en segist aldrei hafa liðið vel sem krakki innan skóla-
kerfisins. „Skólaganga mín var eintóm leiðindi. Ég var
bara ör og kvíðinn sem krakki í barnaskóla. Ég hafði
samt alveg frábæran skólastjóra sem leyfði mér að tala
mínu máli,“ segir Máni sem gekk í Hofsstaðaskóla sem
þá var stýrt af Hilmari Ingólfssyni, fyrrverandi bæjar-
fulltrúa Alþýðubandalagsins í Garðabæ. „Ég var oft
skammaður en alltaf gat ég farið til hans og rökrætt
og staðið fyrir mínu máli, 8-9 ára pjakkur. Þegar ég
kom heim þá var hann búinn að hringja í móður mína
og hrósa mér fyrir að standa á mínu. Ég var og er með
mikla réttlætiskennd. Hún er ekkert að hjálpa manni
endilega í skólakerfinu þegar maður á sök á 90% af öllu
sem maður er sakaður um en gerir allt vitlaust út af
hinum 10% sem maður er saklaus af.“
Máni gekk svo í Garðaskóla og vandræðin héldu
áfram. „Mér leið bara alls ekki vel í Garðaskóla, bara
hræðilega. Það voru margar ástæður fyrir því, kannski
var ég kominn upp á kant við of marga, ég var mjög ör,
var með mikil læti. Ég átti í miklum útistöðum við yfir-
menn skólans og það var eingöngu vegna þess að ég
taldi mig meiri karl en ég var. Þetta endaði bara á þann
veg að mér var vikið úr skólanum. Móðir mín fékk nóg
af óréttlætinu og heimtaði að ég yrði sendur til sálfræð-
ings og í gáfnapróf. Mér skilst að ég hafi staðist þau öll
með sóma. Hún lét samt heyra það mikið í sér að á end-
anum voru sumir yfirmenn skólans farnir að forðast
mig. Mér sveið samt lengi undan því að oft var ég látinn
taka á mig sök á hlutum sem ég kom ekkert nálægt.
Það gerði ég bara til að fá frið. Þetta var örugglega bara
leiðinlegur tími hjá öllum. Krakkar í skólanum höfðu
áhuga á allt öðrum hlutum en ég á þessum tíma. Ég var
14 ára þegar mér fannst Sjálfstæðisflokkurinn glataður,
og það gengur eiginlega ekki upp í Garðabæ.“
Ertu ekki bara alinn upp í kolröngu bæjarfélagi?
„Sumir vilja meina það, en ég er ekki á því. Menn
halda að þetta sé einsleitur bær, en þarna eru margir af
mögnuðustu karakterum sem ég hef kynnst og gríðar-
legur kraftur í fólki. Allir mínir kærustu vinir eru
Garðbæingar. Garðabær hefur mótað mig og gert mig
að því sem ég er. Ég veit samt ekki hvað mömmu gekk
til að flytja í Garðabæinn. Hún þurfti sem ung stúlka
að læsa sig inn í skólastofu til þess að forðast æsta ung-
linga í Sjálfstæðisflokknum eftir að faðir hennar hafði
hent einum þeirra út af þingi. Ég hef oft grínast með
það að hún ætli mér að klára það sem gamli karlinn
gerði ekki og baða sýslumanninn.“
Klúðraði vinnu í kexverksmiðju og fór í meðferð
Eftir gagnfræðaskóla fór Máni í Fjölbrautaskólann í
Garðabæ. „FG er frábær menntastofnun. Ég var að
vísu rekinn úr skólanum vegna lélegs námsárangurs
og hegðunar en ég var í mikilli vímuefnaneyslu á þeim
WWW.LEIKHUSID.IS WWW.LEIKHUSID.IS
Ég þarf að hafa mikið
fyrir því að vera ekki fáviti
Á útvarpsstöðinni X-ið 977 eru tveir menn sem ráða ríkjum. Þeir Frosti Logason og Þorkell
Máni Pétursson, eða Máni eins og flestir þekkja hann. Saman stjórna þeir morgunþættinum
Harmageddon, þar sem frjálslega er fjallað um pólitík, samfélagsmál og trúmál og allt þar á milli.
Oftar en ekki eru þáttastjórnendur ósammála viðmælendum sínum og oft finnst manni þeir vera
ósammála öllum. En hver er þessi Máni sem talar tæpitungulaust um allt og alla, lætur sig allt
varða, hefur sterkar skoðanir á samfélaginu og hefur hátt um það?
Það er hægt að klúðra öllum störfum, en ekki foreldrastarfinu. Ljósmyndir/Hari
32 viðtal Helgin 5.-7. september 2014