Fréttatíminn - 05.09.2014, Blaðsíða 46

46 heimili & hönnun Helgin 5.-7. september 2014
 Arkitektúr Björn kristjánsson lærði VAAstu-hönnun í nýju-Mexíkó
Húsnæði sem eykur hamingju
Björn Kristjánsson, húsasmíðameistari og Vaastu-hönnuður,
hafði unnið við húsasmíðar til fjölda ára þegar hann ákvað að
læra Vaastu-fræðin í Nýju-Mexíkó. Hann segir Vaastu-húsin
geta verið krydd í annars fábreytt borgarumhverfi en þess utan
auki þau vellíðan íbúa sinna.
V aastu-arkitektúr byggir á sömu lögmálum og nátt-úran notar við sköpun,“
segir Björn Kristjánsson húsa-
smíðameistari sem lauk meistara-
námi í Vaastu-hönnun frá Americ-
an University of Mayonic Science
árið 2011. „Náttúran skapar full-
komin form og mannslíkaminn er
gott dæmi um það en hann er ein-
mitt notaður sem fyrirmynd þegar
byggt er eftir Vaastu-fræðum. Va-
astu byggir á ákveðinni stærðfræði,
sem gerir hönnuði kleift að skapa
eins jákvætt og heilandi umhverfi
og kostur er. Þetta er algjör snilld
sem er engin leið að lýsa í orðum
og ég skildi í raun ekki almenni-
lega hvað ég var að læra fyrr en ég
byrjaði að teikna hús, en þá áttaði
ég mig, kannski bara ofurlítið, á því
hvað fullkomin hönnun er,“ segir
Björn sem hefur unnið sem húsa-
smíðameistari til fjölda ára. Þegar
hann heyrði af Vaastu-fræðunum
var hann kominn í nám í fræðunum
í Nýju-Mexíkó tveimur vikum síðar.
Vantar fjölbreytileika á Íslandi
Björn segir Vaastu-hugmyndafræð-
ina vera spennandi krydd í tilveru
vestræns arkitektúrs. „Ég vinn að
sjálfsögðu með vestrænum arkitekt-
um og þykir það bara besta mál, en
það væri ánægjulegt að sjá meiri fjöl-
breytileika í íslensku samfélagi, þar á
meðal í byggingum. Við höfum búið
til allt of mörg sjálfhverf kerfi í sam-
félaginu sem útiloka fjölbreytileika,
sama hvert litið er þá allt er fram-
kvæmt af einhverri reglustikuhugsun
þar sem allir eiga að gera nákvæm-
lega eins. Ekkert þessara kerfa er að
gera tilraunir með önnur fræðakerfi
eða aðra hugmyndafræði sem gæti
leitt til ánægjulegra lífs eða valfrelsis
fyrir borgarana. Kerfin eru föst í sinu
boxi og sjá ekki út fyrir það.“
Vaastu virkjar hamingjuna
Björn vill endilega kynna Íslendinga
fyrir þessum fræðum sem hann segir
geta aukið vellíðan íbúa slíkra húsa.
„Vaastu-hús lætur þér líða eins og allt
sé eins og það á að vera, að allt sé á
sínum stað. Það veitir frið og ánægju.“
Hann segir týpískt Vaastu-hús fara
eftir þörfum hvers og eins, en spurn-
ingin sé alltaf að finna hinn gullna
meðalveg milli pyngjunnar annars
vegar og óska um pláss hins vegar.
„Fjögurra manna fjölskyldu ættu
120-160 fermetrar að henta vel. Þrjú
svefnherbergi, þar af aðal svefnher-
bergi með sér baðherbergi og innan-
gengt í fataherbergi, skrifstofa, sem
getur líka verið staður til að hvíl-
ast og hugleiða, tvö salerni, eldhús
og borðstofa í sama rými, stofa og
þvottahús.“
Getur arkitektúr gert okkur ham-
ingjusöm?
„Algjörlega. Vaastu snýst um að
virkja hamingjuna með því að vera
tónkvísl í réttri tóntegund, sam-
hljómandi stærð.“
Halla Harðardóttir
halla@frettatiminn.is
Skútuvogi 6 - Sími 568 6755
plankaparket
Verðdæmi:
190 mm Eik Rustik burstuð
mattlökkuð 7990.- m2
– gerir lífið bjartara
Hönnunin byrjar í Glóey
Ármúla 19 · Sími 568 1620 · www.gloey.is
Sjáðu alla möguleikana í gerð lampa
og ljósa. Ótrúlegt úrval af silkisnúrum,
flottum perum og íhlutum til
ljósagerðar. Fagmenn á staðnum.
Frábært efni á góðu verði.
Varstu er fræðilegt og hagnýtt nám. Þetta hús smíðaði Björn í skólanum í Nýju-
Mexíkó, en það fylgir reglum Vaastu-fræðinnar.
Birni Kristjánssyni finnst vanta fjölbreytileika í vestrænan arkitektúr. Hann segir
Vaastu-hús vera góðan kost fyrir þá sem vilja láta húsnæði auka vellíðan sína. Mynd/Hari