Fréttatíminn - 05.09.2014, Síða 56

56 bílar Helgin 5.-7. september 2014
 ReynsluakstuR toyota yaRis HybRid
É g man það eins og það hafi gerst í gær þegar Toyota Yaris kom fyrst á markað fyrir 15 árum. Ég var á
gömlum hvítum Daihatsu Charade, mín­
um fyrsta bíl, en Tinna vinkona splæsti
í glænýjan svartsaneraðan Yaris. Mikið
sem ég öfundaði hana og þrátt fyrir að
brátt væri annar hver maður kominn á
Yaris þá fannst mér sá svartsanseraði allt­
af fallegastur. Það gladdi því hjarta mitt
þegar ég sótti nýjan Yaris til prufukeyrslu
og sá að mín beið svartsanserað eintak.
Nýr Yaris er kallaður einmitt það í
auglýsingunum – Nýr Yaris – þó sumir
myndu bara segja að hann hafi fengið
andlitslyftingu. Þessi andlitslyfting er
sannarlega vel heppnuð og gefur skörp framhliðin
honum hressilegt yfirbragð. Já, það er ekki laust við
að ég hafi notið þess í botn að aka um bæinn á svart­
sanseruðum nýjum Yaris með miklu flottari framenda
en allir hinir tugir þeirra Yarisbíla sem ég mætti á
ferðum mínum.
Ein ferðin var á sýningu Sirkuss Íslands á Klam­
bratúni. Þar var margt um manninn, margir bílar en
ég kom Yarisnum í stæði sem hefði ekki rúmað Co­
rolluna mína. Næsta dag fór ég í sveppatínsluferð sem
hófst með fræðslu í Háskóla Íslands. Þegar þangað
var komið voru flest bílastæði full þar sem
maraþonhlauparar í Reykjavíkurmaraþon­
inu höfðu lagt þar fyrir hlaup og skokkað
í miðbæinn. En ég fann stæði, lítið stæði
sem ekki hver sem er hefði getað nýtt sér.
En það gátum við Yarisinn svartsanseraði.
Þessi Yaris hefur líka þá sérstöðu að
hann er afar sparneytinn og Hybrid­út­
gáfan, tvinnbíllinn, felst í að hann notar
ýmist rafmagn eða bensín sem orkugjafa.
Þegar bílnum er startað með því að ýta á
Power­hnappinn er raunar bara eins og
maður hafi kveikt á tölvu, svo hljóðlátur
er hann í byrjun, þó það heyrist meira í
honum þegar brunað er upp í Heiðmörk
að tína sveppina sem við fræddumst um í
háskólanum. Það skemmtilega er að á skjá í bílnum er
síðan hægt að fylgjast með hvernig hann nýtir orkuna
og endurhleður sig þegar hann getur. Þá er meðal
annars hægt að skoða yfirlit yfir eyðslu eftir hverja
bílferð. Allt mælaborðið er raunar líka endurhannað
og er mun meira töff en áður. Svo má ekki gleyma því
hversu gott er að keyra hann. Sérstaklega ef hann er
svartsanseraður.
Erla Hlynsdóttir
erla@frettatiminn.is
Bílastæðavænn
borgarbíll
Toyota Yaris er einn af þeim bílum sem ég man vel
eftir þegar hann kom fyrst á markað árið 1999.
Hann hefur nú fengið gríðarlega vel heppnaða and-
litslyftingu. Hann er tilvalinn á sirkussýningar þar
sem erfitt er að finna bílastæði og hann er tilvalinn
í fræðsluferðir um sveppatínslu þar sem varla er
bílastæði að fá. Svo eyðir hann nánast engu.
Nýr Yaris er með nýtt útlit og Hybrid-útgáfan er auðkennd með því að Toyota-merkið er blátt.
Mælaborðið er endurhannað og á skjánum til hliðar er
hægt að skoða orkueyðslu eftir hverja bílferð, og svo er þar
vitanlega bakkmyndavél.
Hægt er að fylgjast með því á skjá hvernig bíllinn nýtir orkuna
og endurhleður sig þegar hann getur.
Vantar þig gistingu í útlöndum?
Gerðu Verðsamanburð á hóteltilboðum út um allan
heim oG bókaðu haGstæðasta kostinn á túristi.is.
T Ú R I S T I
Yaris Hybrid
Vél 1,5 VVT-i
100 hestöfl
3,3 l/100 km í
blönduðum akstri
82 g/km CO2
Sjálfskiptur
Verð frá
3.490.000 kr.