Fréttatíminn - 13.06.2014, Blaðsíða 14

LAGERSALAN | KAUPTÚNI 3 - GARÐABÆ (GEGNT IKEA) | SÍMI 861 7541
NÝ SENDING AF SÓFUM
Á FRÁBÆRU VERÐI
OPIÐ MÁNUDAGA TIL LAUGARDAGA KL. 11-18
OG SUNNUDAGA KL. 13-18
SÍMI 861 7541
2JA SÆTA
98.000 KR.
3JA SÆTA
119.000 KR.
SVEFNSÓFI M/TUNGU
159.000 KR.
SÓFI 2ja sæta
78.000 KR.
SÓFI 3ja sæta
98.000 KR.
SVEFNSÓFI
159.000 KR.
Eigum að vera stolt af því hvernig
við tökum á móti útlendingum
Sérfræðingur í málefnum útlendinga segir að Íslendingar eigi
að vera stoltir af því hvernig þeir taka á móti útlendingum,
hvort sem þeir dveljist hér í viku eða ár. Nýr samstarfssam-
ingur innanríkisráðuneytisins og Rauða krossins sé vissulega
mikilvægt framfaraskref. Með honum styttist meðalmáls-
ferðartími hælisleitenda úr tveimur árum að meðaltali í þrjá
mánuði.
S érfræðingar í málefnum út-lendinga telja nýjan sam-starfssamning innanríkis-
ráðuneytisins við Rauða krossinn
einar mestu framfarir í málaflokkn-
um um langa hríð. Með honum
styttist meðferðartími umsókna
hælisleitenda úr tveimur árum að
meðaltali í þrjá mánuði. Yfirvöld
hafa setið undir mikilli gagnrýni
að undanförnu vegna langrar máls-
meðferðar í ljósi þess að á meðan
hælisleitendur bíða eftir því að mál
þeirra verði afgreitt eru þeir í óvissu
um hvort þeir fái áfram að búa á Ís-
landi eða verða sendir til annars
lands.
Íris Björg Kristjánsdóttir, sér-
fræðingur á málefnum innflytjenda
og flóttafólks og fyrrverandi for-
maður innflytjendaráðs og flótta-
mannanefndar, segir þessar brýnu
betrumbætur í málaflokknum kær-
komnar. „Rauði krossinn hefur
gegnt lykilhlutverki í þjónustu við
hælisleitendur undanfarin ár og
fagna ég því að Rauði krossinn haldi
áfram að gegna því lykilhlutverki.
Við eigum að taka vel á móti hælis-
leitendum sem hingað koma, hvort
sem þeir dveljast hér í stuttan tíma
eða langan,“ segir hún.
„Þetta er vissulega mikilvægt
framfaraskref en við erum ekki
komin þangað sem við viljum
vera,“ segir Íris. Við viljum að við
getum verið stolt af því hvernig við
tökum á móti fólki á Íslandi. Við
eigum að setja okkur það að mark-
miði að skila þeim ekki í verra
ásigkomulagi en þegar það kom,
ef senda þarf það til baka. Það er
alveg sama hvort fólk dvelst hér í
viku eða ár, við verðum að tryggja
að það fái þá þjónustu sem það
þarf. Ef það dvelur hér í óvissu og
vanlíðan og verður síðan vísað úr
landi er líðan þess jafnvel enn verri
en þegar það kom. Ef kerfið er í
lagi erum við hins vegar að skila
því betur á sig komnu út í heiminn
og auka þannig líkurnar á því að
það geti verið þátttakendur í sam-
félaginu,“ segir Íris.
Kærunefnd endurskoði ákvarð-
anir Útlendingastofnunar
Nýlega samþykkti Alþingi breyt-
ingar á lögum um útlendinga og
var eitt af markmiðum laganna að
stytta málsmeðferðartíma hælisleit-
enda en auk þess var samþykkt að
stofna sérstaka og sjálfstæða kæru-
nefnd sem mun fara yfir og endur-
skoða ákvarðanir Útlendingastofn-
unar í stað innanríkisráðuneytisins.
Nefndin á að hefja störf um næstu
áramót og verður skipuð sérfræð-
ingum í málaflokknum. Markmiðið
með skipan kærunefndar er meðal
annars að mæta gagnrýni á það fyr-
irkomulag sem ríkt hefur að innan-
ríkisráðuneytið endurskoði ákvarð-
anir Útlendingastofnunar þar sem
ráðuneytið geti ekki talist óháður
og óhlutdrægur aðili. Hefur sú
gagnrýni bæði komið frá innlend-
um og erlendum fagaðilum. Hanna
Birna Kristjánsdóttir innanríkisráð-
herra tók undir þá gagnrýni þegar
hún lagði frumvarpið fram á Alþingi
og sagði þá jafnframt að mikilvægt
væri að mannréttindasamtök ættu
aðild að nefndinni.
„Aðkoma Rauða krossins að þess-
um verkefnum hefur mikla þýðingu,
ekki aðeins vegna þeirrar þekking-
ar og reynslu sem samtökin hafa af
málefnum tengdum innflytjendum,
heldur einnig vegna þeirra gilda og
fagmennsku sem einkenna störf
samtakanna. Hér er um að ræða
mikil tímamót í þessum málaflokki
og við getum í framhaldinu tryggt
hælisleitendum betri og skilvirkari
þjónustu samhliða betri nýtingu
fjármagns,“ sagði Hanna Birna við
undirritun samningsins í vikunni.
Gert er ráð fyrir að nefndin taki til
starfa um næstu áramót en undir-
búningur er þegar hafinn og stefnt
að því að nefndin verði skipuð á
næstunni.
Löggjöf um útlendinga
endurskoðuð
Í ársbyrjun skipaði innanríkisráð-
herra þverpólitíska þingmanna-
nefnd, undir forystu Óttarrs Proppé
alþingismanns, til að meta hvort og
þá með hvaða hætti þörf sé á heild-
arendurskoðun á löggjöf um mál-
efni útlendinga á Íslandi. Þess má
vænta að næsta vetur liggi fyrir
frumvarp um heildarendurskoðun
útlendingalaga.
Undanfarið ár hefur mikil áhersla
verið lögð á umbætur og endurskoð-
un á verklagi í innflytjendamálum
og þá sérstaklega ört fjölgandi um-
sóknum vegna óska um alþjóðlega
vernd. Innanríkisráðuneytið hefur
lagt mikla vinnu í að undirbúa um-
ræddar umbætur og byggt þær að
mestu á reynslu, áherslum og að-
ferðum Norðmanna.
Aðstoða við leit týndra ættingja
Innanríkisráðuneytið og Rauði
krossinn hafa skrifað undir samn-
ing um aðstoð og þjónustu við ein-
staklinga sem óskað hafa eftir
alþjóðlegri vernd á Íslandi. Meg-
inmarkmið samningsins er að
tryggja hlutlausa og óháða réttar-
gæslu fyrir alla hælisleitendur
þannig að jafnræðis sé gætt og að
allir hælisleitendur fái vandaða
málsmeðferð. Í samningnum felst
auk þess að Rauði krossinn metur
reglulega aðbúnað hælisleitenda,
sinnir heimsóknarþjónustu og
félagsstarfi. Rauði krossinn mun
jafnframt halda úti alþjóðlegri leit-
arþjónustu fyrir hælisleitendur og
flóttamenn til þess að hafa uppi á
týndum ættingjum sínum og end-
urvekja samband innan fjölskyldna
sem hafa sundrast þegar slíkt er
mögulegt.
Samkvæmt samningnum mun
Rauði krossinn taka tímabundið
við því hlutverki að gæta hagsmuna
hælisleitenda við umsókn þeirra
um hæli. Í hagsmunagæslu tals-
mannanna felast meðal annars leið-
beiningar og upplýsingagjöf í mót-
tökumiðstöð, þátttaka í að greina
sérstaklega viðkvæma hælisleitend-
ur, viðvera í viðtali og fleira.
Sigríður Dögg Auðunsdóttir
sigridur@frettatiminn.is
Mouhamed Lo var handtekinn hér á landi í árslok 2010 og sat í rúman hálfan mánuð í fangelsi vegna þess að hann framvísaði
fölsku vegabréfi. Árið 2012 kom hann í viðtal í Fréttatímanum þegar hann var í felum eftir að hafa verið vísað úr landi. Nýr sam-
starfssamningur innanríkisráðuneytisins við Rauða krossinn styttir meðferðartími umsókna hælisleitenda úr tveimur árum að
meðaltali í þrjá mánuði.
14 fréttaskýring Helgin 13.-15. júní 2014