Fréttatíminn - 13.06.2014, Blaðsíða 52

52 heilsa Helgin 13.-15. júní 2014
 Jóga Íslenskir Jógakennarar skipuleggJa Í fJórða sinn JógahátÍð á sólstöðum
Jógahátíð á sumarsólstöðum
Jógahátíð á sumarsólstöðum verður
haldin í fjórða sinn dagana 18. til 22.
júní. Hátíðin fer að þessu sinni fram
á Varmalandi í Borgarfirði. Að hátíð-
inni standa sex jógakennarar en alls
taka um 25 kennarar þátt í hátíð-
inni. Skipulagning hátíðarinnar er
að mestu leyti í sjálfboðavinnu og
reynt að halda kostnaði lágmarki.
Hátíðin hefur vaxið ár frá ári,
gestum fjölgað mikið og kennur-
um einnig. Barnadagskráin verður
einnig sífellt metnaðarfyllri og í ár
verður boðið upp á gæslu fyrir börn-
in á meðan helstu viðburðir eru fyr-
ir fullorðna. Á hátíðinni er áhersla á
jóga og náttúru, farið í gönguferðir
og nánasta umhverfi kannað.
Sumarsólstöður er þegar sólar-
gangurinn er lengstur og sól hæst
á lofti á norðurhveli jarðar. Sólstöð-
ur eru á tilteknu augnabliki 20. eða
21. júní og í ár eru þær nákvæm-
lega klukkan 10.51 laugardaginn
21. júní.
Innan Kundalini jóga er sumarsól-
stöðum fagnað með hátíðum víða um
heim. Markmiðið er að skapa samfé-
lag þar sem áhugafólk um jóga kemur
saman, stundar jóga og hugleiðslu,
syngur saman möntrur og borðar
hollan og góðan mat. Nánari upp-
lýsingar má finna á Sumarsolstodur.
is. -eh
Hátíðin var í fyrra haldin á Lýsuhóli á
Snæfellsnesi. Markmiðið er að sameina
áhugafólk um jóga, stunda saman
jóga og hugleiðslu, og borða hollan
grænmetismat. Mynd/Alisa Kalyanova
VATNSHELDAR TÖSKUR OG SJÓPOKAR
margar gerðir, stærðir og l itir
í húsi Hirzlunnar, Smiðsbúð 6,
Garðabæ, s ími : 564 5040
Duffle
Big Zip
Rack-Pack
X-tremer
PS 10
Moto dry bag
PD 350
Sölustaðir:
Ellingsen
Útilíf Smáralind og Glæsibæ
PD 350
Föstudagspizzan
Pollapizzan
er bökuð úr Kornax brauðhveitinu

 heilsa húðin er stærsta lÍffærið og hún getur verið afar viðkvæm
Matur fyrir sólbruna
n auðsynlegt er að verja húðina vel þegar sólin er sem hæst á lofti en jafnvel
þó notuð sé góð sólarvörn kemur
stundum fyrir að húðin brennur.
Hér eru nokkrar fæðutegundir sem
koma sér vel í sólinni, ýmist til átu
eða til að bera á bruna. - eh
Kartöflur
Skerðu hráa kartöflu og nuddaðu henni
á þau svæði sem hafa orðið verst úti.
Enn áhrifaríkari meðferð fæst með
því að rífa niður kartöflu og nota sem
bakstur á brunann.
Jarðarber
Jarðarber innihalda tannín sem veitir
fróun vegna sársaukans við að sólbrenna.
Maukaðu nokkur vel þroskuð jarðarber,
berðu á sólbrunann og láttu standa í
nokkrar mínútur. Best er að velja lífræn
jarðarber án eiturefna.
Granatepli
Granatepli eru rík af efnum sem veita
húðinni auka vernd gegn útfjólubláum
geislum. Það er því ráðlegt að borða vel
af granateplum þegar sólin er sem hæst
á lofti.
Tómatar
Tómatar eru sérlega ríkir af andoxunarefn-
inu lýkópeni sem einnig veitir vörn gegn
skaðlegum geislum sólarinnar og því er
mælt með að borða mikið af tómötum yfir
sumarmánuðina.
Aloe Vera
Aloe vera-plantan er drottningin þegar
kemur að því að kæla niður sólbruna. Við
mælum með því að rækta plöntuna heima
í stofu og geta því alltaf rifið af lauf, opnað
það og borið vökvann á brunann.
Gúrka
Gúrka kælir sólbruna jafn vel og fínustu
krem. Skerðu niður gúrku og legðu á
sólbrunann, eða jafnvel rífðu hana niður
fyrst. Einnig er hægt að nota safann af
gúrku til að bera á sig eftir sólbað.