Þjóðlíf - 01.05.1986, Page 86

HEDAN OG ÞADAN
Kraftajötunninn
Schwarzenegger
Hann fæddist áriö 1947 í
litlu þorpi nálægt Graz í
Austurríki. Faðir hans var
lögreglustjórinn í þorpinu
og móöir hans átti rætur
að rekja til rússneskra bænda. Arnold
Schwarzenegger byrjaði að lyfta lóðum
fimmtán ára gamall og er nú margfald-
ur milljónamæringur - út á vöðvana.
Þegar Arnold var nítján ára gamall
hafði hann náð svo langt í vaxtarrækt-
inni að hann var kjörinn Mesti kroppur
Evrópu. Árið 1970 var hann kjörinn Hr.
Heimurog síðan hefur hann fjórum
sinnum hlotið titilinn Hr. Alheimurog
sjö sinnum titilinn Hr. Ólympía. Þessi
mikli frami á sviði vaxtarræktarinnar
gerði honum síðan kleift að hasla sér
völl á öðrum sviðum: hann hefur skrifað
þrjár bækur sem selst hafa eins og
heitar lummur, hann hefur verið íþrótta-
ráðunautur tveggja stærstu sjónvarps-
stöðvanna í Bandaríkjunum og hann
hefur sett á laggirnar alþjóðlegt fyrir-
tæki á sviði myndbanda og hljóm-
platna. Hann er nú margfaldur milljóna-
mæringur í Bandaríkjunum.
Arnold Schwarzenegger hefur und-
anfarið vakið á sér athygli fyrir kvik-
myndaleik. Hann hefur leikið í myndun-
um StayHungry þarsem hann hlaut
verðlaun sem besti nýi leikarinn, hann
lék í myndinni Conan the Barbarian
sem hlaut mjög góða aðsókn og sömu-
leiðis í myndinni The Terminator. Síð-
astliðið haust kom svo á markað vestra
kvikmyndin Commando sem öðlaðist
þegar í stað meiri vinsældir en Rambó.
Og nú nýlega mægðist kappinn við
sjálfa „konungsfjölskyldu“ Bandaríkja-
manna er hann gekk að eiga Maríu
Shriver Kennedy.
Arnold Schwarzenegger. Um hann
sagði grínisti í Bandarikjunum
eitt sinn:
,,Hann klæðist færri fötum en Bo
Derek, hefurmeirivöðva en Wonder
Woman og Dolly Parton gæti
hæglega fengið minnimáttarkennd
i návist hans!“
86 ÞJÓÐLÍF