Frjáls verslun - 01.08.2014, Qupperneq 152

152 FRJÁLS VERSLUN 8-9 tbl. 2014
„Það hefur margt tekist vel og
atvinnulífið almennt á nokkuð
góðri siglingu.“
höskuldur ólafsson, bankastjóri Arion banka:
MArgt TEKIST VEL
1. Hvar finnst þér hafa tekist best til í
viðskiptalífinu undanfarið ár?

Það hefur margt tekist vel og atvinnulífið
almennt á nokkuð góðri siglingu. Eitt af því
jákvæða sem hefur átt sér stað undanfarið
er aukin fjárfesting hér á landi. Nú eru
nokkur spennandi verkefni komin af stað
í heilsutengdum iðnaði annars vegar og
orkufrekum iðnaði hins vegar.
2. Hverjir eru helstu veikleikar íslensks
viðskiptalífs?
Ætli það sé ekki smæð þess og ákveðin
fábreytni. En vissulega hefur fjölmargt
breyst til betri vegar í þeim efnum á undan ­
förnum áratugum með auknu alþjóð legu
samstarfi og aðgengi að erlend um mörk uð ­
um. Uppgangur í ferðaþjónustu er kannski
nýjasta dæmið þar um.
3. Hvaða þrír lykilþættir í stjórnun finnst
þér mikilvægastir?
Góðir stjórnendur verða að hafa skýra sýn
og stefnu. Þeir verða að miðla þeirri sýn til
samstarfsfólks og ganga á undan með góðu
fordæmi. Góðir stjórnendur þurfa einnig að
hafa kjark og þol til að takast á við mótvind
því stundum gefur á, en jafnframt missa
ekki sjónar á markmiðunum þótt vel gangi.
4. Finnst þér lífeyrissjóðir vera orðnir of
áhrifamiklir í viðskiptalífinu?
Lífeyrissjóðakerfið er gríðarlega mikilvægt
og öflugt kerfi fyrir okkur öll – í mörgu
tilliti. Sökum gjaldeyrishaftanna eru líf ­
eyrissjóðirnir orðnir mjög áhrifamiklir og
mikilvægt að þeir hugi vel að þeim áhrifum.
En mér finnst í sjálfu sér ekki neikvætt að
stórir fjárfestar leitist við að hafa áhrif.
Það verður jákvætt fyrir alla aðila þegar
opnað verður á erlendar nýfjárfestingar
lífeyrissjóðanna.
5. Hyggst fyrirtæki þitt fjárfesta á næstu
sex mánuðum og/eða bæta við sig
starfsfólki?
Arion banki fjárfestir umtalsvert á hverju
ári, ekki síst í innviðum fyrirtækisins svo
sem í upplýsingatækni og hæfni starfsfólks.
Á því verður framhald. Þetta er gert til
að geta betur sinnt þörfum viðskiptavina
og veitt þeim stöðugt betri þjónustu. Það
stendur ekki til að fjölga starfsfólki heldur
er frekar gert ráð fyrir að starfsfólki fækki
yfir tíma.
6. Einhver erlendur leiðtogi – lífs eða
liðinn – sem hefur hrifið þig vegna
stjórnkænsku?
Sem betur fer má horfa til margra leiðtoga
sem með einum eða öðrum hætti hafa með
stjórn kænsku lagt mikið af mörkum. Ég gæti
nefnt Gandhi og Mandela en einnig finnst
mér Ronald Reagan hafa verið um margt
klókur og stundum vanmetinn leið togi. Gæti
nefnt marga aðra en læt þetta duga.
7. Á að selja áfengi í matvörubúðum?
Það er staðreynd að áfengi er ekki eins
og hver önnur dagvara. Neyslu þess fylgir
kostnaður fyrir heilbrigðiskerfið og mér
finnst ekkert að því að horfa til þess.
ÁTVR er gott þjónustufyrirtæki sem sinnir
sínu hlutverki mjög vel, bæði hvað varðar
framboð og þjónustu. Sú staðreynd gerir
þeim sem vilja breytingar erfiðara fyrir og
mér finnst í raun mikilvægara að breyta
ýmsu öðru en þessu.
Höskuldur ólafsson, bankastjóri Arion banka.
Snertilausar greiðslur
í posum
Valitor býður hraðvirka og örugga posa sem gerir söluaðilum
kleift að taka við snertilausum greiðslum.
Söluaðilar eiga þess kost að fá uppfærslu á posabúnað sinn
og geta þá boðið viðskiptavinum sínum að greiða með síma
eða snertilausu korti auk hefðbundinna greiðsluleiða.
Þú sérð um söluna – við sjáum um greiðsluna
525 2080 // sala@valitor.is // www.valitor.is
H
V
ÍT
A
H
Ú
S
IÐ
/S
ÍA

1
4
-0
7
2
7
Hvernig MEtA ÞAU stöðuna?