Frjáls verslun - 01.08.2014, Qupperneq 170

170 FRJÁLS VERSLUN 8-9 tbl. 2014
hreggviður Jónsson, stjórnarformaður Veritas og formaður Viðskiptaráðs:
töK Á VERðBólgUnnI
1. Hvar finnst þér hafa tekist best til í
viðskiptalífinu undanfarið ár?

Það sem hefur tekist best er að skapa
stöðugleika og ná niður verðbólgunni. Við
erum að sjá verðbólgutölur sem ekki hafa
sést hér á landi mjög lengi og gefur það
vonir um að vextir geti lækkað í kjölfarið.

2. Hverjir eru helstu veikleikar íslensks
viðskiptalífs?
Helstu veikleikarnir eru enn þau belti og
axlabönd sem fjármagnshöftin eru, þ.e.
við erum að vinna í lokuðu kerfi sem getur
bæði verið ávísun á bólumyndun og glötuð
tækifæri.

3. Hvaða þrír lykilþættir í stjórnun finnst
þér mikilvægastir?
a. Skapa framtíðarsýn varðandi hlutverk og
stefnu
b. Ráða rétta fólkið til að hrinda þeirri
stefnu í framkvæmd
c. Að koma hreint fram við samstarfsfólk
varðandi væntingar og frammistöðu

4. Finnst þér lífeyrissjóðir vera orðnir of
áhrifamiklir í viðskiptalífinu?
Lífeyrissjóðirnir eru stórir eigendur
hlutabréfa og ef ég man rétt þá er
eignarhlutur þeirra um helmingur af
skráðum félögum á markaði. Ég held að
það sé ekki hægt að tala um einhverja línu
þar sem þeir eru orðnir of áhrifamiklir eins
og spurt er um. Hins vegar tel ég að það
sé ekki heppilegt til lengdar að félög séu
eingöngu í eigu lífeyrissjóða og ég held
að það sé ekki óskastaða lífeyrissjóðanna
heldur. Ég held að lífeyrissjóðirnir vilji
helst vinna með einkafjárfestum sem geti
verið í hlutverki kjölfestufjárfesta í félögum
og ég held að það sé vænlegt módel.

5. Hyggst fyrirtæki þitt fjárfesta á næstu
sex mánuðum og/eða bæta við sig
starfsfólki?
Við erum hvorki að fjárfesta né bæta við
okkur fólki hjá Veritas­samstæðunni þar
sem ástandið á okkar mörkuðum býður
ekki upp á það.

6. Einhver erlendur leiðtogi – lífs eða
liðinn – sem hefur hrifið þig vegna
stjórnkænsku?
Já, þeir fyrstu sem koma upp í hugann eru
Jack Welch hjá GE og Lou Gerstner sem
bjargaði IBM frá gjaldþrotinu forðum.

7. Á að selja áfengi í matvörubúðum?
Já, létt.
„Lífeyrissjóðirnir eru stórir eig ­
endur hlutabréfa og ef ég man
rétt þá er eignarhlutur þeirra um
helmingur af skráðum félögum á
markaði.“ Hreggviður Jónsson, stjórnarformaður Veritas og formaður Viðskiptaráðs.
Hvernig MEtA ÞAU stöðuna?
Við vitum að rétt tryggingavernd skiptir sköpum í rekstri. Þess vegna
eigum við náið samstarf við stjórnendur og eigendur fyrirtækja.
Hvort sem þú ert sjálfstætt starfandi eða ert í umfangsmeiri rekstri,
þá finnum við lausnir saman.
Fyrirtækjaþjónusta TM leggur áherslu á persónulega þjónustu,
sveigjanleika í samningum og góð viðskiptakjör.
Komdu í hóp ánægðra viðskiptavina TM.
Tryggingamiðstöðin Síðumúla 24 Sími 515 2000 tm@tm.is tm.is
tm.is/fyrirtaeki
Hvað sem verður…