Frjáls verslun - 01.04.2015, Blaðsíða 85

FRJÁLS VERSLUN 4 tbl. 2015 85
er ekki að ástæðulausu talað um
athafnaskáld, sem er í raun gott
íslenskt orð yfir frumkvöðul.
Sköpunargáfan
Í rannsókn Michaels A. Free­
mans kemur fram að þeir sem
glíma við athyglisbrest eða
ADHD eru oft fljótari að taka
ákvarðanir, eru sjálfstæðari í
vinnubrögðum, meira skapandi
og oftar en ekki frumlegri í hugs­
un. Þeim leiðist líka að vinna fyrir
aðra og fara því oft sínar eigin
leiðir og reyna að ráða sér sjálfir.
Meira að segja jafn alvarlegur
sjúkdómur og geðhvarfasýki get­
ur haft sínar jákvæðu hliðar. Hug ­
myndirnar og krafturinn spretta
óhindrað fram og þeir hugsa eftir
öðrum og nýstárlegri brautum
en aðrir. Þetta er vel þekkt hjá
ýmsum listamönnum sem lýst
hafa blómlegu sköpunar ferli eftir
erfið tímabil, en margir þekktir
og framúrskarandi listamenn
sem ruddu nýjar brautir, á borð
við Van Gogh og Jimi Hendrix,
glímdu við geðhvarfa sýki.
Þegar öllu er á botninn hvolft
snýst frumkvöðlastarfsemi um
að finna nýjar lausnir; gera
eitt hvað sem aldrei hefur
verið gert áður. Hugsa út fyrir
boxið. Frumkvöðlastarfsemi er
grunn þáttur atvinnulífsins; hún
skapar ný störf, nýja hugsun,
ný fyrirtæki og tækifæri. Stærsta
efnahagskerfi heims, í Banda­
ríkjunum, hefur síðastliðin 150
ár byggst upp á uppfinningum
og frumkvöðlastarfsemi. Það er
því hættulegt og kostnaðarsamt
að útiloka frumkvöðlana, jafnvel
hina „skrítnu“, frá atvinnulífinu.
Það eru einmitt þeir sem gjarnan
koma með bestu hugmyndirnar.
Fjölme nning og frum­
kvöðlar
Að stýra eða stofna fyrirtæki
krefst kannski fyrst og fremst
hugrekkis; eiginleika eins og að
halda áfram og hafa engu að
tapa. Hvað sem ískerst. Þess
vegna eru fjölmenningarsam­
félög gjarnan uppfull af frum­
kvöðl um, nýjum hugmyndum
og fyrir tækjum. New York, San
Fran cisco, Berlín og London eru
einmitt dæmi um slík samfélög
þar sem viðskipti og frumkvöðla­
starfsemi blómstra. Þar sem sátt
er um margbreytileikann, jafnvel
átökin. Þeir sem eru öðruvísi fá
tækifæri.
Innflytjendur koma oft með
nýjar hugmyndir og lausnir að
heiman. Fólk, sem hefur flust yfir
hálfan hnöttinn með ekkert nema
sjálft sig, er oft og tíðum hug rakkt
fólk. Ríflega 40% af þeim 500
fyrirtækjum sem eru á Fortune­
listanum voru stofnuð af innflytj-
endum og afkomendum þeirra.
Af þessu öllu er ljóst að
viðkunnanlegi jakkafataklæddi
lögfræðingurinn er ekki endilega
besti stjórnandinn. Góður stjórn­
andi og frumkvöðull þarf nefni­
lega að vera opinn, hugrakk ur,
samúðarfullur, sókndjarfur, hug­
myndaríkur, víðsýnn og kannski
bara örlítið … galinn!
Gandhi glímdi við alvarlegt þunglyndi en
varð mikill og áhrifamikill stjórnandi.
Vivian Westwod er frumkvöðull í tískuheiminum.
Hún hefur talað um þráhyggjuvandamál sín og kvíða.
Martin luther King barðist við þunglyndi sem
unglingur.