Frjáls verslun - 01.04.2015, Blaðsíða 98

98 FRJÁLS VERSLUN 4 tbl. 2015
fólk
S
tarf mitt felst í að stýra
og stjórna versluninni,“
segir Arnar Pálsson,
verslunarstjóri hjá
Ellingsen. „Ég sé um að upp­
gjör séu í lagi, að vörur séu til
í búðinni og hvar þær eiga að
vera staðsettar. Einnig sé ég um
mannaforráð í versluninni, skipu­
legg vaktir og sé til þess að allt
gangi eins og það á að gera og
við getum sinnt viðskiptavinum
okkar eftir bestu getu.
Við skoðum markaðinn reglu­
lega með tilliti til árstíðar og tísku
eftir því sem við á. Í verslun sem
þessari þarf að huga að grillum,
hjólum, veiðivörum og léttari úti­
fatnaði yfir sumartímann og síðan
skipta um gír yfir vetrartímann og
koma þá með þykkari og hlýrri
fatnað, vélsleða og mannbrodda
svo eitthvað sé nefnt. Í mínum
verkahring er einnig að koma
með tilboð og auglýsingar sem
henta hverju sinni.“
Ellingsen er rótgróið 99 ára
gamalt fyrirtæki. „Við seljum
útivistarvörur af öllu tagi; allt frá
ullarsokkum upp í vélsleða og
allt þar á milli. Fólk getur komið
hingað ef það vill fara að huga
að útivist í hvaða formi sem
hún er en hérna er full búð af
sérfræð ingum til þess að upp­
lýsa viðskiptavininn.“
Arnar er viðskiptafræðingur.
Hvers vegna fór hann í það
nám? „Mér fannst viðskipta­
fræðin vera mjög heillandi
stjórn unar­ og markaðslega séð.
Ég hef megnið af minni starfsævi
starfað við rekstur og stjórnun
og fundið mig vel þar, ég er
orkumikill og þarf að vera mikið
á ferðinni og finn mig þar af
leiðandi vel í verslunarrekstri þar
sem margir dagar fara í hlaup.“
Sambýliskona Arnars er Arndís
Helgadóttir, lagerstarfsmaður
hjá Parlogis, og eiga þau von á
barni í sumar. Arnar á svo 12 ára
strák úr fyrra sambandi.
„Eftir langa vinnuviku líður mér
best heima við þar sem fjölskyld­
an slakar á og gerir sér eitthvað
til dundurs saman. Björgvin,
sonur minn, æfir fótbolta og
handbolta af miklum krafti og
oftar en ekki fara helgarnar í að
koma honum á mót og hvetja
hann. Einnig er gaman að renna
í sveitina til fjölskyldu konunnar,
sem er í Bárðardal fyrir norðan,
borða góðan sveitamat og hjálpa
til eftir bestu getu.“
Arnar segir að veiði og mótor­
kross séu aðaláhugamálin fyrir
utan fjölskylduna. „Ég hjóla einu
sinni til tvisvar í viku á sumrin.
Hvað veiðina varðar þá er ég
mikið í fluguveiði í ám og vötnum
og reyni að fara eins oft og ég
kemst yfir sumartímann. Það
fer eftir veðri og vindum hvort
áhugamálið ég næ að stunda en
maður reynir að sinna þeim eftir
bestu getu. Að byrja að starfa í
Ellingsen hefur líka gert það að
verkum að áhugamálunum gæti
farið fjölgandi. Ég er farinn að
renna hýru auga til vélsleðanna
hérna í búðinni og kajakanna en
það verður að koma í ljós hvað
úr því verður.
Sumarfríið fer í að sinna fjöl­
skyldunni sem stækkar í sumar
og er allt á fullu í undirbúningi
til að taka á móti dömunni sem
kemur í heiminn í júlí.“
„Eftir langa vinnuviku líður mér best heima við þar sem fjölskyld an slakar á og gerir sér eitthvað
til dundurs saman. Björgvin, sonur minn, æfir fótbolta og handbolta af miklum krafti og oftar en
ekki fara helgarnar í að koma honum á mót og hvetja hann.“
TexTi: Svava JónSdóTTir / Mynd: Geir ólafSSon
Arnar Pálsson, verslunarstjóri hjá ellingsen.
Nafn: Arnar Pálsson.
Starf: Verslunarstjóri hjá Ellingsen.
Fæðingarstaður: Akureyri, 9.
janúar 1974.
Foreldrar: Páll Þorsteinsson og
Sigurbjörg Einarsdóttir.
Maki: Arndís Helgadóttir.
Börn: Björgvin Tristan Arnarsson.
Menntun: Viðskiptafræðingur.
arnar pÁlssOn
– verslunarstjóri hjá Ellingsen