Frjáls verslun - 01.04.2015, Page 45

FRJÁLS VERSLUN 4 tbl. 2015 45
Fyrirtækið er á Íslandi og peningurinn fer um Ísland þrátt fyrir
gjaldeyrishöft. Guðjón þakkar það liðlegheitum í Seðlabankanum
að þetta gengur upp.
Tekið er við greiðslum í evrum, Bandaríkjadölum og íslenskum
krónum. Gjaldeyririnn fer inn á gjaldeyrisreikning í banka og út
aftur. Þannig getur áskrifandi í einu landi greitt sjónvarpsstjóra í
öðru vandræðalaust.
Óháð þessu getur og hver og einn aflað sér auglýsinga í dag ­
skrána eða fjármagnað sig með kostun. Nýir sjónvarpsstjórar sam ­
þykkja skilmála um reksturinn, þar á meðal að gæta alls velsæmis
og er kastað út ef misbrestur verður þar á, rétt eins og er með
aðrar efnisveitur á netinu.
erlendir fjárfestar
OZ er að hluta í eigu erlendra fjárfesta, þótt höfuðstöðvarnar séu
í Reykjavík. Erlent fé kemur inn í landið sem ný fjárfesting og er
óháð fjármagnshöftunum. Núna starfa um þrjátíu manns hjá OZ
og verið er að stíga fyrstu skref í að opna útibú í Los Angeles. Hins
vegar eru engin áform um að skrá fyrirtækið ytra eins og verið
hefur með mörg nýsköpunarfyrirtæki.
„Los Angeles er spennandi vegna þess að þar er framleiðsla á
sjón varpsefni komin lengst á veg. Þar er fólkið sem náð hefur best­
um tökum á þessum miðli,“ segir Guðjón. Öll hönnun og tækni ­
vinna við OZ­lausnina fer hins vegar fram á Íslandi.
Stormasöm saga oZ
„Ég trúi því að íslensk hönnun sé í fararbroddi,“ segir Guðjón.
Því hefur hann haldið fram lengi; það sýnir litrík saga OZ. Í raun
er OZ dagsins í dag alveg nýtt fyrirtæki, stofnað árið 2009. Síðar
var nafnið OZ keypt af félagi tengdu farsímafyrirtækinu Nokia,
sem síðar fór í eigu Microsoft.
Aðeins nafnið og hann sem lykilmaður kemur úr gamla OZ.
Guðjón hætti afskiptum af hinu gamla OZ um 2002, en Skúli
Mogensen, sem hafði verið með í þeirri vegferð nær frá upphafi,
náði að byggja reksturinn upp með höfuðstöðvar í Kanada. Starf ­
semin snerist þá um að hjálpa öðrum að koma netinu í farsíma.
Þetta leiddi til þess að Nokia keypti OZ árið 2008 en síðar
varð Nokia undir í samkeppninni við Apple um snjallsímana – og
árið 2012 færðist nafnið yfir í hendur fyrirtækis Guðjóns.
Þann áratug sem Guðjón starfaði utan OZ­fyrirtækja sinna
vann hann sem fyrr að miðlun efnis á netinu og uppsetningu á
háhraðaneti í mörgum löndum. Guðjón stofnaði Íslandssíma, sem
varð að Vodafone á Íslandi við samruna við Tal. Auk þess stofnaði
Guðjón til rekstrar hjá Nova og hafði yfirumsjón við að koma því
fyrirtæki á koppinn. Guðjón byggði síðar upp breiðbandsfyrirtæki
á Írlandi þar sem fjárfest var í nýrri tækni til miðlunar á sjónvarpi.
Verkefni OZ í dag eru að stórum hluta sprottin af þessari vinnu; að
gera fólki kleift að koma efni á netið og hafa af því tekjur.
„Aðalatriðið er að miðillinn sé öllum
aðgengilegur og að þeir sem hyggjast nýta
hann geti haft af því tekjur.“