Frjáls verslun - 01.04.2015, Side 51

FRJÁLS VERSLUN 4 tbl. 2015 51
undirbúningur
fjarViStar SamtalS
Undirbúningur stjórnanda felst
m.a. í að taka saman gögn um
fjarvistir starfsmanns á því tíma­
bili sem um ræðir, dagafjölda og
tíðni fjarvista, og afla upplýsinga
um réttindi starfsmanns til launa í
veikindum og hve mikinn hluta af
réttindum sínum hann hefur nýtt
á þeim tíma sem samtalið á sér
stað. Brýnt er að boða starfs­
mann í samtal með fyrirvara og
kynna honum af hverju samtalið
er tekið, tilgang og markmið með
því. Jafnvel má kynna honum
það samtalseyðublað sem stuðst
verður við í samtalinu.
Fjarvistarsamtal er ekki frammi­
stöðusamtal, heldur fyrst og
fremst vettvangur til að ræða
fjar vistir starfsmanns vegna veik ­
inda, áhrif þeirra á vinnustað inn
og mögulegar lausnir. Starfs ­
manni ber almennt ekki skylda til
að gefa upplýsingar um persónu­
leg eða heilsutengd málefni.
Sjúkdómar eru einkamál, en
fjarvistir hafa áhrif á vinnustaðinn
og vegna þess þarf að ræða um
þær. Þá getur verið tilefni til að
hvetja starfsmann til að leita til
læknis þegar veikindi eru tíðari
en fyrirtækið skilgreinir sem
hefðbundið viðmið. Mögulegt er
að eitthvað komi fram um starfið,
aðbúnað, samstarf eða annað
sem getur hafa haft áhrif á veik­
indafjarvistir viðkomandi.
Virkni- eða aðgerða-
áætlun
Æskilegt er að ljúka fjarvistar ­
samtali með því að gera
sam eig inlega virkni­ eða að­
gerða áætlun. Með því má fá
fram sam eiginlega niðurstöðu
úr fjar vistar sam talinu þar sem
aðilar sam mælast um verkefni
eða að gerðir til að bæta heilsu,
líðan eða aðstæður starfsmanns
á vinnu staðnum. Hluti virkniáætl­
unar er að ákveða eftirfylgni,
hvenær skuli hist að nýju til að
fara yfir að gerðir og árangur.
Atvinnurekandi þarf að vera til­
búinn að fylgja fjarvistasamtölum
eftir með aðgerðum til að þau
beri tilætlaðan árangur. Dæmi
um aðgerðir getur verið að
veita leyfi vegna áfengis- eða
vímuefnameðferðar starfsmanns,
veita starfsmanni sveigjanleika í
vinnutíma til að fara í líkams­ eða
sjúkraþjálfun eða leita sér læknis­
meðferðar eða leyfa starfs manni
að fara í tímabund ið hlutastarf.
Þá skiptir máli að vinnustaðurinn
hafi aðgang fyrir starfsmenn
sína að heilbrigðisþjónustu, s.s.
bólusetn ingum, blóðþrýstings­ og
kólesteról mælingum auk aðstoðar
við að komast að hjá viðeigandi
sérfræðingum ef tilefni er til.
Það er ljóst að við stjórnum ekki
fjölda flensufaraldra sem ganga
yfir landið og getum ekki gert
okkur væntingar um að útrýma
fjarvistum eða ná að stýra þeim
fullkomlega. Við getum engu að
síður haft jákvæð áhrif á fjarvistir
með góðri stjórnun, skýrri stefnu­
mörkun, samtölum, forvörnum og
eftirfylgni. Slíkt þarf alls ekki að
vera flókið en verður að gera vel
svo að tilætlaður árangur náist.
FjArviStir
StArFSmAnnA
Að AukASt
Samkvæmt niðurstöðum
Cranet-rannsóknar 2012
á vegum Háskólans í
Reykja vík voru fjarvistar-
dagar starfsmanna í þeim
fyrirtækjum sem þátt tóku
í könnuninni að meðaltali
7,6 dagar á ári, en 7 dagar
árið 2006. Sambærilegar
tölur á breskum vinnu-
markaði árið 2014 eru 6,6
dagar (CIPD 2014).
Farinn.
-með veikt barn
heima.