Bæjarins besta - 22.12.2010, Side 8
8 MIÐVIKUDAGUR 22. DESEMBER 2010
Spennandi áskorun
Leikkonan Halldóra Björns-
dóttir hefur tekist á við mörg viða-
mestu kvenhlutverk heimsbók-
menntanna frá því að hún út-
skrifaðist frá Leiklistarskóla Ís-
lands fyrir nítján árum síðan. Í
dag tekst hún hins vegar á við
nýtt hlutverk, þar sem hún hefur
tyllt sér í leikstjórastólinn og
vinnur að uppsetningu verksins
Grænjaxla með leiklistarsinnuð-
um nemendum Menntaskóla Ísa-
fjarðar.
Viðeigandi verk
Löng hefð hefur verið fyrir
því að Leikfélag Menntaskóla
Ísafjarðar frumsýni verk á árlegri
Sólrisuhátíð í bænum. Félagið
hefur áður sett upp verk á borð
við Túskildingsóperuna og Djöfla-
eyjuna, en að þessu sinni verður
bæjarbúum boðið upp á verkið
Grænjaxla eftir Pétur Gunnars-
son. Leikstjóri er Halldóra Björns-
dóttir, leikkona, sem fluttist til
Ísafjarðar nú í sumarlok.
„Við skoðuðum nokkur verk
og þetta varð svo fyrir valinu að
lokum. Mér líst mjög vel á að
setja upp Grænjaxla. Krakkarnir
komu sjálf með þessa hugmynd
og mér finnst hún alveg frábær.
Það er líka alltaf svo gaman þegar
hugmyndirnar koma frá þeim
sjálfum,“ segir Halldóra.
Söngleikurinn Grænjaxlar var
fyrst settur á svið í Þjóðleikhús-
inu árið 1977, en tónlist í sýning-
unni er eftir Spilverk þjóðanna. Í
verkinu eru margir vel þekktir
smellir, eins og dæmis Söngur
skýjanna og Því er ég Arinbjarn-
arson. Halldóra segir verkið eld-
ast vel og eiga furðuvel við í dag.
„Þetta er spennandi verk og það
er ýmislegt í því sem passar við
daginn í dag. Það fjallar líka tölu-
vert um æskuna og unglingsárin,“
útskýrir Halldóra.
Söguhetjur Grænjaxla ganga í
gegnum ýmsar þær breytingar
og á stundum hremmingar sem
fylgja unglingsárunum, en leggja
sömuleiðis af stað í leit að Krepp-
unni – nokkuð sem óneitanlega
virðist hæfa andrúmsloftinu í
þjóðfélagi samtímans.
Halldóra og leikfélagar hafa
þegar hafið undirbúningsvinnu
og blásið til áheyrnarprufa. „Svo
þarf að smala saman í hljómsveit
líka,“ segir Halldóra, sem kveðst
lítast afar vel á starfið framundan.
„Krakkarnir eru mjög virk og
skemmtileg og þetta leggst bara
ægilega vel í mig.“
Stílaði inn á leiklistina
Halldóra tók sjálf þátt í leiklist
af miklum krafti á menntaskóla-
árum sínum í Reykjavík. „Ég
var í Herranótt í Menntaskólan-
um í Reykjavík, svo ég þekki
þetta menntaskólastarf vel og hef
mjög góða reynslu af því. Það er
oft svo skapandi og skemmti-
legt,“ segir Halldóra.
Á þeim tíma var fyrstubekk-
ingum í MR, sem heita þó þriðju-
bekkingar á MR-máli, hins vegar
meinað að taka þátt í starfi Herra-
nætur. Hún þurfti því að sitja á
sér og bíða þess að vera gjaldgeng
í félagið. „Ég var með næstu tvö
ár og var í aðalhlutverkum í bæði
skiptin,“ segir Halldóra, sem
kveðst alltaf hafa stílað inn á að
leggja leiklistina fyrir sig.
Eftir að hún útskrifaðist úr
Menntaskólanum í Reykjavík tók
hún sér árs hlé frá námi, en sótti
síðan um ingöngu í Leiklistar-
skóla Íslands. „Ég komst inn í
hann og var þar í fjögur ár. Við
vorum átta saman í bekk þá. Í
dag er leiklistarskólinn deild inn-
an Listaháskóla Íslands, en hann
var sjálfstæður skóli þegar ég
var þar. Þetta er orðið mjög breytt
umhverfi,“ segir Halldóra.
Eldskírn í
Þjóðleikhúsinu
Halldóra útskrifaðist frá Leik-
listarskóla Íslands vorið 1991 og
fékk strax samning í Þjóðleik-
húsinu, sem ungum og nýútskrif-
uðum leikurum hefur oft þótt eft-
irsóknarvert. „Það var í rauninni
frekar sjaldgæft á þessum tíma,
en við vorum nokkrir ungir leik-
arar sem vorum strax fastráðin
við húsið. Ég var þá bara tuttugu
og fjögurra ára og yngst í hópn-
um,“ útskýrir Halldóra.
Hennar beið ansi strembinn
tímabil, þennan fyrsta vetur sinn
á fjölunum. „Ég lék þarna í leik-
riti sem heitir Kæra Jelena, eftir
Ljudmilu Razumovskaju, sem
sýnt var á Litla sviðinu. Við sýnd-
um það leikrit tvö hundruð sinn-
um og fórum tvisvar sinnum í
hringferð um landið með það.
Sama ár lék ég svo Júlíu í Rómeó
og Júlíu. Það var ansi mikið að
gera þetta fyrsta ár mitt!“ segir
Halldóra og brosir.
„Þetta var eiginlega svolítil
eldskírn, að sýna svona margar
sýningar á Litla sviðinu og svo
debútið mitt á Stóra sviðinu, sem
var Júlía. Það er alveg hægt að
finna minni hlutverk en það,“
segir hún og hlær við.
Antígóna, Hester og
öll hin hlutverkin
Á þeim sautján árum sem Hall-
dóra lék í Þjóðleikhúsinu tók hún
að sér fjöldann allan af hlutverk-
um, allt frá Antígónu Sófóklesar
til hinnar íslensku Stellu í sum-
arfríinu í Sólarferð.
„Síðasta aðalhlutverk sem ég
lék í Þjóðleikhúsinu var árið
2005. Það var mjög stórt og mikið
hlutverk, í leikriti sem heitir Mýr-
arljós, sem Edda Heiðrún Bach-
man leikstýrði. Leikritið er eftir
unga írska konu og svo komu
tveir Grikkir til landsins og unnu
með okkur. Þetta var mjög æv-
intýraleg uppfærsla,“ segir Hall-
dóra, sem var tilnefnd til Grímu-
verðlaunanna fyrir frammistöðu
sína í hlutverki Hester Svan.
Leikarar á Íslandi fara þó oft
yfir víðari völl en þann sem leik-
sviðið sjálft stendur fyrir og Hall-
dóra er þar ekki undanskilin.
„Hérna á Íslandi snertir maður
náttúrulega á þessu öllu. Ég
hugsa að ég hafi komið að öllum
hliðum leiklistarinnar á Íslandi.
Ég lék mikið í útvarpinu á tíma-
bili og hef líka verið í sjónvarps-
leik. Ég lék til dæmis lögreglu-
konu í myndaseríunni Manna-
veiðar,“ segir Halldóra frá. Hún
hefur sömuleiðis tekið að sér
hlutverk í kvikmyndum og leikið
í vinsælu barnamyndinni Stikkfrí
og farið með hlutverk í 101 Reyk-
javík.
Hlé frá leiknum
Árið 2008 fluttist Halldóra og
fjölskylda hennar á Patreksfjörð,
þar sem þau dvöldust í tvö ár.
Halldóra starfaði þá sem grunn-
skólakennari í Grunnskóla Vest-
urbyggðar og kenndi skólabörn-
um sömuleiðis leiklist.
Fjárhagsáætlun samþykkt samhljóða
,,Bæjarstjórn Ísafjarðarbæjar
er nú að samþykkja eina þá erf-
iðustu fjárhagsáætlun, sem hún
hefur staðið frammi fyrir um
langa hríð,“ segir í bókun bæjar-
fulltrúa minnihlutans á fundi þar
sem fjárhagsáætlun Ísafjarðar-
bæjar fyrir árið 2011 var tekin til
síðari umræðu og samþykkt með
öllum greiddum atkvæðum.
„Fjárhagsstaða bæjarfélagsins
er erfið, skuldir eru miklar og
tekjur fara lækkandi. Ekkert rými
er til framkvæmda og dregið er
saman í þjónustu hjá bæjarfélag-
inu og þar með í starfsmanna-
haldi. Bæjarstjórn hefur þurft að
velja á milli margra erfiðra leiða
við skipulagningu starfsseminnar
á næsta ári, það er því miður
nauðsynlegt ef ekki á að fara á
enn verri veg fyrir okkur,“ segir
jafnframt í bókuninni sem Arna
Lára Jónsdóttir bæjarfulltrúi Í-
listans lagði fram.
„Í ljósi þess hvernig fjárhags-
áætlunin hefur verið unnin að
þessu sinni og í trausti þess að
minnihlutinn verði áfram hafður
með í ráðum, eins og gert hefur
verið á þessu hausti, hafa fulltrúar
Í-listans ákveðið að samþykkja
áætlunina og veita þar með meiri-
hlutanum stuðning við þær erfiðu
aðgerðir sem hann stendur frammi
fyrir.“
Daníel Jakobsson, bæjarstjóri,
gerði í stefnuræðu sinni við síðari
umræðu grein fyrir fjárhagsáætl-
un fyrir árið 2011 en hún var
lögð fram til fyrri umræðu á 288.
fundi bæjarstjórnar þann 1. des-
ember. Eins gerði bæjarstjóri
grein fyrir breytingum er orðið
hafa á frumvarpinu frá fyrri um-
ræðu. Jafnframt gerði bæjarstjóri
grein fyrir áætluðum fjárfesting-
um á árinu 2011, efnahag, rekstri
og sjóðstreymi 31. desember 2011.
Bæjarstjóri lagði einnig fram
bréf frá Skóla- og fjölskyldu-
skrifstofu þar sem óskað er eftir
að gjaldskrá fyrir þátttöku í
rekstri Hlífar á Ísafirði, fyrir árið
2010, verði áfram í gildi, þar til
gengið hefur verið frá breyting-
um á fyrirkomulagi er gjald-
skrána varðar. Áætlað er að ný
gjaldskrá geti legið fyrir í janúar
2011 og verður þá lögð fyrir bæj-
arstjórn til samþykktar. Bæjar-
stjórn samþykkti breytingu hvað
varðar gjaldskrá fyrir þátttöku í
rekstri á Hlíf með átta atkvæðum.
„Fjárhagsstaða bæjarfélagsins er erfið, skuldir eru miklar og
tekjur fara lækkandi,“ segir í bókun frá bæjarfulltrúa Í-listans.