Bæjarins besta - 22.12.2010, Síða 36
36 MIÐVIKUDAGUR 22. DESEMBER 2010
Gleðileg jól!
Stakkur hefur ritað vikulega pistla í Bæjarins besta í mörg ár. Skoðanir hans á mönnum og málefnum
hafa oft verið umdeildar og vakið umræður. Þær þurfa alls ekki að fara saman við skoðanir útgefenda blaðsins.
Þrátt fyrir það bera ábyrgðarmenn blaðsins ábyrgð á skrifum Stakks á meðan hann notar dulnefni sitt.
Stakkur skrifar Jólin eru hátíð kristinna
manna um allan heim. Enn er mikill
meirihluti Íslendinga kristinn og menningararfleifð þjóðarinnar
er byggð á kristnum grunni. Smám saman eru áhrif annarra trúar-
bragða að verða ljósari. En þau eru í miklum minnihluta á Íslandi.
Þó er sótt að kristnum siðum og kristinni trú í höfuðborg Íslands,
Reykjavík. Þar hefur stjórn borgarinnar undir forystu Jóns Gnarrs
Kristinssonar og Besta flokksins með eindregnum stuðningi Sam-
fylkingarfulltrúa ákveðið að vísa prestum á dyr í grunnskólum
Reykjavíkur að ósk örlítils hóps sem horn hefur í síðu kristinnar
trúar. Þó er staðreynd að það frelsi sem Íslendingar búa við og
tryggt er með lögum, að ógleymdri Stjórnarskránni, er byggt á
kristinni siðfræði að stórum hluta. Auðvitað ættu foreldrar barna
að hafa mest um það að segja hvort þau hljóti trúarbragðarfræðslu
og þá með hverjum hætti.
Í umræðunni nú gleymdist að líta til vilja barna og foreldra
þeirra. Það hefur áður gerst að örlítill minnihlutahópur fékk því til
leiðar komið að ákveðin fæðutegund sem mjög margir Íslendingar
tengja jólahaldi að danskri fyrirmynd var tekinn af matseðli í
grunnskóla í Reykjavík.
Kristinn trú og kristið siðgæði boðar umburðarlyndi og mætti
svo sem velta því fyrir sér hvernig það góða hugtak skal túlkað. En
hollt er að hafa í huga að frelsi fylgir ábyrgð á hverju sviði sem
menn geta hugsað sér. Frelsi eins má ekki skaða annan. Því virðast
margir trúarflokkar hafa gleymt. Það er jafnvel svo að hatrömm
átök eiga sér stað í nafni guðs. Kristnir trúarhópar eru gjarnan á
öndverðum meiði um ýmsa þætti, einkum túlkun hinnar helgu
bókar Biblíunnar. Af henni má margt læra, en samt virðist ekki til
mikils gagns að taka allt sem þar er sagt bókstaflega. Það hefur
leitt til þess að margir velja að túlka mjög þröngt og á íhaldsaman
hátt það sem fram kemur í Biblíunni. Það er miður því þar má afar
margt læra um mannlega hegðun, sem er eitt þeirra viðfangsefna
sem mannkyni gengur enn hvað verst að fást við.
Önnur trúarbrögð sækja að kristinni hugsun með ýmsum hætti.
Rétttrúnaður eða ein rétt trú er hugmynd sem brýtur í bága við þá
skoðun að allir eigi rétt á því að aðhyllast þau trúarbrögð sem
þeim hugnast, að sjálfsögðu með þeim fyrirvara að aðrir séu ekki
skaðaðir.
Öllum er gott að muna þegar kemur að jólum og jólahaldi að
þar er í fyrirrúmi gleði og fögnuður yfir fæðingu Jesú, sem
vissulega hefur haft mikilvæg og góð áhrif í heiminum. Aldrei má
gleyma að hann boðaði trú og von. Öllu fólki er sameiginlegt að
óska sér og sínum alls hins besta í lífinu. Það skulum við öll gera
og muna að virðing fyrir öðru fólki er mikilvæg, líkt og virðing
fólks fyrir sjálfu sér er undirstaða hins fyrra.
Með hið besta úr kristinni trú í huga er öllum lesendum og
Íslendingum send ósk um gleðileg jól. Megið þið njóta hátíðar-
innar. smáar
Til leigu er lítið hús í Hnífsdal.
Leigist ódýrt. Upplýsingar í
síma 846 7490.
Um þriðjungur af sérstakri út-
hlutun aflamarks fer í byggða-
kvóta en langstærsti hlutinn fer
til rækju- og skelfiskskipa. Þetta
kemur fram á vef Fiskistofu en
þetta er í fyrsta sinn sem stofn-
unin birtir sérstaklega tölur um
sérúthlutun. Á yfirstandandi fisk-
veiðiári verður 1.868 tonnum út-
hlutað sérstaklega af þorski og
þar af fara 521 tonn í byggða-
kvóta eða 28% og 1.298 tonn
renna í skel- rækjubætur eða um
70%. Sérúthlutun í ýsu verður
657 tonn og þar af fara 35% eða
228 tonn í byggðakvóta og 405
tonn eða 70% í skel- og rækju-
bætur.
Samtals verða 150 tonnum út-
hlutað sérstaklega af steinbíts-
kvóta og þar af fara 46 tonn eða
31% í byggðakvóta og 104 tonn
fara í skel- og rækjubætur. Út-
hlutað verður 187 tonnum af ufsa
í byggðakvóta á þessu fiskveiði-
ári en sérúthlutun verður 593 tonn.
Þriðjungur af
sérúthlutun fer
í byggðakvóta
Átta ofbeldisbrot gagnvart lög-
reglumönnum voru skráð á Vest-
fjörðum árið 2008. Þá var lög-
reglumönnum hótað í umdæm-
inu í fimm tilvikum. Eitt slíkt
brot var skráð í fyrra og þrjú árið
2007. Þetta kemur fram í skýrslu
ríkislögreglustjóra. Einnig var
mest um að fyrirmælum lögreglu
væri ekki hlýtt árið 2008 eða sjö
sinnum. Í fyrra var skráð tvö til-
felli þar sem fyrirmælum var ekki
hlýtt og fjögur árið 2007. Ef litið
er á landið í heild eru langflest
brotin skráð á höfuðborgarsvæð-
inu, flest voru þau 65% árið 2009
en 51% árið 2008 en þá fjölgaði
þeim verulega á Suðurnesjum og
voru 19% af heildarfjölda ofbeld-
isbrota gagnvart lögreglu það árið.
Almennt séð eru álíka mörg
brot á hverju ári hjá lögregluem-
bættum og lítil breyting. Helst
var það á Suðurnesjum árið 2008
þegar þeim fjölgaði tímabundið
verulega sama ár og á Vestfjörð-
um. 11 embætti af 15 skráðu 0–2
ofbeldisbrot árið 2009.
Flest ofbeldisbrotin síðastliðin
ár eru framin á sumrin líkt og
fram kemur í rannsókn ríkislög-
reglustjóra á ofbeldi gegn lög-
reglumönnum, sem gefin var út
árið 2007. Frá byrjun júní til loka
ágúst eru að jafnaði 30–40% allra
ofbeldisbrota gagnvart lögregl-
unni skráð. Flest voru þau sum-
arið 2008 eða um 40%. Mótmæli
borgara í tengslum við efnahags-
hrunið voru hvað mest frá októ-
ber 2008 til janúar 2009. Þegar
þetta tímabil er skoðað kemur í
ljós að skráð ofbeldisbrot voru
ekki fleiri en alla jafna eru á þessu
tímabili í hefðbundnu árferði.
Þess má geta að fleiri ofbeldisbrot
gegn lögreglunni voru skráð frá
október 2007 til janúar 2008 sam-
anborið við tímabilið í kjölfar
efnahagshrunsins. Hótun um of-
beldi gagnvart lögreglumanni var
bætt inn sem skilgreiningu í
málaskrá lögreglunnar árið 2006,
sem skýrir að miklu leyti hversu
fáar hótanir voru árið 2006.
Það er mat ríkislögreglustjóra
að lögreglan sé komin að þol-
mörkum hvað varðar heildarstarfs-
mannafjölda miðað að við núver-
andi skipulag. „Frekari fækkun
lögreglumanna er líkleg til að
draga úr öryggi lögreglumanna
þar sem lögreglustjórar munu þurfa
að fækka á vöktum og láta lög-
reglumenn starfa eina fremur en
með félaga. Mikilvægt er að lög-
reglustjórar leggi faglegt mat á
öryggi lögreglumanna og geri
viðeigandi ráðstafanir. Sjái þeir
að öryggi lögreglumanna sé stefnt
í hættu vegna manneklu eða
skorts á búnaði bregðist þeir við
og upplýsi ríkislögreglustjóra um
stöðu mála. Það sem mestu máli
skiptir varðandi öryggismál lög-
reglumanna er að halda áfram
uppbyggingu búnaðar til að mæta
óeirðum og hyggja enn frekar að
þjálfunarmálum lögreglumanna.“
Átta ofbeldisbrot gagnvart
lögreglumönnum árið 2008