Listin að lifa - 01.06.2005, Side 5

Áskoranir og tillögur af landsfundi
Landssambands eldri borgara
sem haldinn var í Reykjavík 9. og
1 0. maí 2005
Tillaga starfshóps
um kjaramál
Landsfundurinn krefst þess að ríkisstjórnin geri nú þegar ráð-
stafanir til að bæta kjör aldraðra m.a. með eftirfarandi hætti:
1. Að grunnlífeyrir verði alltaf undanþeginn
sköttum.
2. Að tekjutrygging, heimilisuppbót, tekjutrygg-
ingarauki og eingreiðslur verði felldar saman í einn
greiðsluflokk, sem verði á þessu ári hjá einstak-
lingum 90.000 kr. á mánuði og taki breytingum
eftir launavísitölu. Hjá hjónum og sambúðarfólki
70.000 kr. á mánuði fyrir hvort.
3. Að áhrif skatta og tekjutengingar á laun og líf-
eyrissjóðstekjur undir 160.000 kr. á mánuði verði
ekki hærri en 50% af þeim tekjum auk tekna skv. 1.
og 2. lið.
Benedikt Davíðsson, fráfarandi formaður, býður Árna Magnússon félags-
málaráðherra velkominn.
4. Fjármagnstekjur séu ekki tekjutengdar bóta-
greiðslum frá Tryggingastofnun ríkisins.
Greinargerð:
Eldri borgarar hafa mestallt sitt líf greitt sérstakt almannatrygg-
ingargjald án þess að það hafi fengist dregið frá skattgreiðslum.
Grunnlífeyrir er endurgreiðsla þessara framlaga og er því um
tvísköttun að ræða að innheimta tekjuskatt nú af grunnlífeyri.
Hinir mörgu bótaflokkar almannatrygginga í dag eru eins og
bætur á bót ofan á gamalli flík og því nauðsynlegt að sameina þá
í einn greiðsluflokk.
Landsfundurinn skorar á ríkisstjórn að endurskoða þær
breytingar á lögum nr. 117/1993 um almannatryggingar, sem
gerðar voru á haustþingi 2002. Samkvæmt þeim breytingum er
Hér þinga formenn félaganna og stjórnarmenn saman. í forgrunni sitja
þær Jóhanna Sigurðardóttir, formaður Grindavikurdeildarinnar (t.v.), og
Halldóra H. Kristjánsdóttir, stjórnarmaður í Reykjavíkurfélaginu (t.h.),
en Trausti Björnsson formaður, Suðurnesjafélagsins, situr fyrir miðju
borðinu.
lífeyrisþegum núna, árið 2005, gert að endurgreiða hluta þess
lífeyris sem þeir tóku á móti frá TR í góðri trú árið 2003 sem
venjulegum launagreiðslum.
Landsfundurinn skorar á ríkisstjórnina að beita sér fyrir eftir-
farandi:
Að nú þegar verði skipaður starfshópur til þess að endurskoða
frá grunni lög nr. 125/1999 um málefni aldraðra. Hlutverk hans
verði m.a.:
1. Að kanna hvort ekki sé rétt að flytja yfirstjórn mál-
efna aldraðra til félagsmálaráðuneytisins þar sem þau eru
fyrst og ffemst félagsmál.
2. Að marka heildarstefnu í málum aldraðra sem byggir
á hugmyndafræði um jafnrétti og mannréttindi.
3. Að stjórnsýsla málaflokksins verði skýr og afdráttar-
laus varðandi skyldur og ábyrgð opinberra aðila.
4. Að samræma ákvæði sem er að finna í hinum ýmsu
lagabálkum og snerta málefni aldraðra.
5. Að marka nýja stefnu í búsetumálum aldraðra þar sem
ýmsir valkostir væru til staðar í samræmi við óskir og þarfir
eldri borgara, s.s. sambýli, þjónustuíbúðir, leiguíbúðir o.fl.
Mikilvægt er að tryggja öryggi og sjálfræði aldraðra i sjálf-
stæðri búsetu.
6. Að setja skýr ákvæði um heimaþjónustu, dagdvöl
(dagvistun), hjúkrunarrými og skammtímavistun (hvíld-
arinnlagnir).
7. Að sett verði ákvæði í lögin um réttindagæslu aldraðra.
Vitað er að réttindi þeirra eru oft fyrir borð borin, bæði
utan stofnana sem og innan þeirra.
8. Að breyta fyrirkomulagi greiðslna íbúa á dvalar- og
hjúkrunarheimilum þannig að þeir haldi fjárræði sínu.
Óskum eftir að vinna með stjórnvöldum að endurskoðun
laganna, ffamtíðarstefnumótun og nauðsynlegum breytingum
í málefnum aldraðra.
Landsfundurinn skorar á ríkisstjórn að lækka virðisaukaskatt
á lyfjum.