Frjáls verslun - 01.08.2011, Side 64

64 FRJÁLS VERSLUN 8.- 9. TBL. 2011
Liv Bergþórsdóttir, forstjóri Nova:
vantar enn skýr markmið
1. Hver verða forgangs verk ­
efni fyrirtækis þíns næstu
mánuði?
Við munum halda áfram á
sömu braut. Áhersla verður
á frekari vöxt, áframhaldandi
þró un fyrirtækisins og aukið
þjónustuframboð Nova.

2. Hvernig metur þú endur ­
reisn atvinnulífsins eftir
hrun?
Okkur miðar hægt áfram. Í ljósi
umfangs og alvarleika hrunsins
er eðlilegt að endurreisnin
taki tíma. Það vantar enn skýr
markmið og stefnu til framtíðar
til að endurreisnin geti hafist
fyrir alvöru. Töluverð óvissa
virðist vera á stjórnmálasviðinu
um hvert skuli stefna.

3. Hversu mikið vantar upp á
að skuldavandi fyrirtækja sé
leystur?
Hvað stærri fyrirtæki varðar tel
ég að þessi mál séu langt komin
og málum miði vel áfram – það
sér fyrir endann á þessu.

4. Hvaða árangur ert þú
ánægðust með hjá fyrirtæki
þínu á þessu ári?
Við erum ánægðust með hve
vel hefur gengið að fjölga við ­
skiptavinum og að hafa átt
ánægðustu viðskiptavinina á
Íslandi samkvæmt Íslensku
ánægjuvoginni. Það tekur
tíma að byggja upp fyrirtæki
eins og Nova frá grunni. Það
hafa mikil umskipti orðið á
rekstri fyrirtækisins á árinu
og Nova mun skila hagnaði
í fyrsta skipti á þessu ári. Þá
fékk Nova nýlega úthlutað
4G­tilraunaleyfi svo það eru
spennandi tímar framundan.

5. Finnst þér gæta tortryggni
í garð atvinnulífs og stór ­
fyrir tækja eftir hrunið?
Já og það er eðlilegt, það tekur
tíma að endurheimta traustið.
Í dag held ég að það gæti þó
meiri tortryggni í garð ýmissa
stofnana ríkisins og stjórn mála ­
manna en at vinnu lífsins.

6. Hversu skaðleg eru gjald ­
eyrishöftin að þínu mati?
Höftin hamla því að endurreisn
atvinnulífsins geti hafist fyrir
alvöru. Það er mikilvægt að
finna framtíðarlausn á gjald ­
miðl amálum þjóðar innar sam ­
hliða afnámi gjaldeyris haft anna.
Það þarf að opna fyrir að gang
að erlendu fjár magni og laða
að erlenda fjár festa. Það gerist
ekki meðan gjald eyris höft eru
við lýði.
7. Hvaða styrkleika sérð þú
í íslensku viðskiptalífi um
þessar mundir?
Það er jákvætt að botninum
hefur nú verið náð. Fjármála ­
fyrir tækin eru líka að ljúka
ýms um málum sem tengjast
hrun inu og eru byrjuð að líta til
framtíðar. Núna er styrkurinn
sá að endurskipulagningu fyrir ­
tækjanna er nánast lokið og við
erum klár í uppbyggingu og að
endurreisa íslenskt efnahags­
líf.
Liv Bergþórsdóttir, forstjóri Nova.
„Það vantar enn skýr markmið og
stefnu til framtíðar til að endur-
reisnin geti hafist fyrir alvöru.
Þá virðist töluverð óvissa vera á
stjórnmálasviðinu.“