Frjáls verslun - 01.09.2008, Blaðsíða 135

F R J Á L S V E R S L U N • 8 . T B L . 2 0 0 8 135
lífsstíll
Andrés Magnússon við bæinn Mela í Hrútafirði. „Það er frábær afslöppun að fara á hestbak og kúpla sig út úr hinu daglega amstri. Þá nýtur
maður frelsis og þess unaðar sem íslensk náttúra býður.“
Andrés Magnússon, framkvæmda-
stjóri Samtaka verslunar og þjón-
ustu, ólst upp í sveit og fór ungur
á hestbak í fyrsta skipti; þess
má geta að hann datt af baki og
handleggsbrotnaði þegar hann var
þriggja ára.
Andrés á sjö hross í dag og
þar af eru tvær hryssur fylfullar. Í
sumarfríinu fór hann ásamt hópi
fólks, þar af voru fimm börn, í níu
daga hestaferð frá Biskupstungum
og út á Snæfellsnes.
„Veðrið lék við okkur allan
tímann og þetta var á allan
hátt skemmtilegur túr. Þegar
við vorum lögst til hvílu í kofa á
Arnarvatnsheiði eitt kvöldið bar
verur við himin. Við vorum búin að
segja krökkunum draugasögur um
kvöldið og voru tveir hinna full-
orðnu úr hópnum, sem eru miklir
galgopar, sendir út af örkinni til
að vita hverju þetta sætti. Þeir
tilkynntu að um væri að ræða
menn sem hefðu ekki komið til
byggða í átta ár. Þá fór adrenalínið
af stað hjá mannskapnum. Þetta
voru hins vegar hestamenn og
hleyptum við þeim upp á háaloft í
kofanum eftir að hafa gefið þeim
kjötsúpu.“
Andrés datt af baki í sumar
og brotnuðu þrjú rifbein. „Ég er
enn hálfskakkur og er ekki búinn
að bíta úr nálinni með það. Hins
vegar líður mér hvergi betur en á
hestbaki. Það er frábær afslöppun
að fara á hestbak og kúpla sig út
úr hinu daglega amstri. Þá nýtur
maður frelsis og þess unaðar sem
íslensk náttúra býður.“
Sumarfríið:
draugasögur á arnarvatnsheiði
Úr Frjálsri verslun fyrir 34 árum
FV0808X.indd 135 10/28/08 2:51:55 PM