Ægir - 01.04.2002, Blaðsíða 30

30
Æ G I R H E I M S Æ K I R S Æ P L A S T N O R G E
leiðsluna á einn stað, t.d. heim til Íslands. Okkar
hugmyndafræði gengur út á að horfa út um heim og
finna út góðar staðsetningar fyrir nýjar verksmiðjur
þar sem við getum búið til nýja markaði í kringum
þær. Við sjáum heilmikil tækifæri í Asíu, t.d. í Kína
og þar í kring. Við horfum líka á Suður-Ameríku
sem áhugavert framtíðarsvæði fyrir Sæplast og von-
andi kemur sú tíð að við hrindum hugmyndum í
framkvæmd.”
Þjónustum mun breiðara svið en áður
Ef skoðaðir eru nýjustu markaðsbæklingar Sæplasts
sést best hvernig fyrirtækið er byrjað að skilgreina
sig sem þjónustufyrirtæki á breiðu matvælasviði en
ekki einvörðungu á sjávarútvegssviðinu eins og áður
var.
„Við segjum að okkar áhersla snúist um að leysa
vandamál matvælaiðnaðarins hvað varðar flutninga
og geymslu matvæla. Þetta þýðir að það stöðvar okk-
ur ekkert í að breikka flóruna í framleiðslunni, ef það
fellur að þörfum okkar viðskiptavina. Til dæmis get-
um við nýtt þekkingu okkar í kerjasmíði fyrir sjávar-
útveg til að þróa flutningsker fyrir alls kyns olíur,
allt frá matarolíum til smurolíu.
Þetta er einfalt dæmi um hversu mikil breyting er
orðin á Sæplasti frá því sem áður var,” segir Steinþór.
Vöruþróunarfjármagn frá norska ríkinu
Oft hefur örlað á þeirri umræðu á Íslandi að alltof
litlum fjármunum sé varið til vöruþróunarverkefna
og lítil áhersla á þann þátt verði mörgum fyrirtækj-
um að falli. Í Noregi er starf á þessu sviði virkara og
sem stendur tekur Sæplast þátt í þremur vöruþróun-
arverkefnum sem styrkt eru af norska ríkinu. Þrátt
fyrir að ekki sé um slíkar fjárhæðir að tefla í styrkj-
um að þær hrökkvi fyrir öllum kostnaði þá segir
Steinþór þessa styrki hvetjandi.
„Að hluta fáum við stuðning í svona verkefni
vegna staðsetningar á verksmiðjunni í Norður-Nor-
egi en í öðrum tilfellum erum við í verkefnum með
stórum aðilum í Osló þannig að þetta er ekki algilt.
Fyrst og fremst eru vöruþróunarstyrkirnir hvatning á
jákvæðum nótum.”
Íslendingar að kenna Indverjum útflutning!
Það vakti á sínum tíma mikla athygli þegar Sæplast
ákvað að setja á fót verksmiðju á Indlandi og segir
Steinþór að margir hafi greinilega búist við miklum
og hröðum umsvifum fyrirtækisins þar. Hann segir
markaðinn að sönnu mjög stóran á Indlandi en að
sama skapi þurfi að fara mjög varlega þar sem hin
minnstu mistök í uppbyggingunni, í gæðum fram-
leiðslunnar og öllum slíkum þáttum geti reynst
dýrkeypt. „Við höfum fengið Indlandsverksmiðjunni
það verkefni að framleiða minnstu kerin og samhliða
því að þjálfa Indverjana í framleiðslunni höfum við
þurft að kenna þeim að flytja út vörur. Indland er
gríðarlega stórt land og hefur verið bæði lokað og
sjálfu sér nægt um flestar vörur. Þar af leiðandi er
þessi útflutningsþekking af skornum skammti og
mikið skrifræði í kringum útflutning frá Indlandi.
Allt þetta erum við að kenna, erum líka sjálfir að
læra en ég bind miklar vonir við verksmiðjuna á Ind-
landi í framtíðinni, líkt og við aðrar okkar fram-
leiðslu- og sölueiningar,” segir Steinþór Ólafsson,
forstjóri Sæplasts hf.
Björgunarhringur í lokafrágangi áður en hann fer í pakkningu til kaupanda.
Glaðbeittir starfsmenn í hverfisteypuverksmiðjunni hjá Sæplasti í Álasundi. Varan sem
þeir eru hér að taka úr mótum er flotholt fyrir kræklingarækt.
Belgir koma út úr vélinni þar sem þeir eru formaðir með blæstri. Þetta er nýjasta vélin í
þessari verksmiðju.