Ægir - 01.04.2002, Blaðsíða 31

31
Æ G I R H E I M S Æ K I R S Æ P L A S T N O R G E
Herbert Gartz, sölustjóri í verksmiðju Sæplasts í Álasundi:
Sæplastmönnum betur treyst-
andi en mörgum öðrum
Herbert hefur langa reynslu af
sölustarfi á þessu sviði en segja
má að vörurnar séu bæði fyrir
skipa- og bátaflotann, sem og fyr-
ir hinn stóra sportbátamarkað
sem ekki er mjög þekktur hjá Ís-
lendingum. Í Noregi er sport-
bátamarkaðurinn hins vegar gríð-
arstór og sama er að segja um
Suður-Evrópu og mörg önnur
svæði í heiminum.
Polyform var stofnað árið 1949
en Scanmarin árið 1955. Poly-
form náði nokkuð sterkri stöðu í
samkeppninni og keypti helm-
inginn í Scanmarin en hinn helm-
inginn keypti norska fyrirtækið
Dyno. Árið 1989 keypti síðan
Dyno Polyform-fyrirtækið í heilu
lagi. Þar með varð verksmiðjan í
Álasundi að deild innan Dyno-
samsteypunnar en áhersla var
lögð á að framleiða vörurnar
áfram undir báðum vörumerkjun-
um, enda þekktar vörur á mark-
aðnum.
„Við höfum alltaf litið svo á að
þrátt fyrir að hér sé um nánast ná-
kvæmlega sömu vörur að ræða þá
tekst okkur að selja meira í heild
undir tveimur vörumerkjum en
einu. Bæði þessi vörumerki eru
þekkt og eins og gengur vilja
sumir ekki sjá annað en Polyform
á meðan aðrir líta ekki við öðru
en Scanmarin. Á meðan við get-
um selt meira með þessu fyrir-
komulagi þá er engin ástæða til
breytinga,” segir Herbert sem
starfað hefur í yfir 30 ár við sölu á
þessum vörum.
Eftir nokkurra ára rekstur hvarf
Dyno frá rekstri verksmiðjunnar
og hún gekk kaupum og sölum
milli fjárfesta, allt þar til Sæplast
eignaðist verksmiðjuna. Herbert
segir að mörgum hafi létt þegar í
ljós kom hverjir hinir íslensku
kaupendur voru.
„Við sem vinnum í sölumálun-
um höfðum verið á sýningum þar
sem þessir strákar frá Sæplasti
voru og við vissum að þetta voru
ágætir menn. Við sögðum þess
vegna strax við samstarfsfólk okk-
ar hér í Álasundi að hér væru á
ferðinni menn sem væru að vinna
á sama sviði og við og að þeim
væri betur treystandi fyrir fram-
tíðinni en mörgum öðrum fjár-
festum. Þetta hefur gengið eftir
og samstarfið við Íslendingana
verið gott að mínu mati,” segir
Herbert.
Herbert Gartz með flotkúlur sem gætu verið kunnuglegar fyrir nótasjómenn. Þessar
kúlur eru framleiddar í sérstökum vélum þar sem plastefni er hitað í 160 gráður og
myndast þá slíkur þrýstingur af efnahvörfum að 200 tonna átak þarf til að halda
vélunum lokuðum þar til efnahvarfið er komið á rétt stig. Um leið og vélarnar eru
opnaðar springur efnið út og þannig formast kúlurnar.
Síður úr kynningarbæklingum
um Scanmarin og Polyform
vörurnar sem Sæplast
framleiðir í Álasundi.
Herbert Gartz er sölustjóri í þeirri verksmiðju
Sæplasts í Álasundi sem framleiðir mjúkvörur,
sem og flotvöru ýmis konar. Mjúkvörurnar eru
t.d. belgir og flotholt af ýmsum stærðum og
gerðum og það sem er mjög sérstakt við þessa
framleiðslu er að vörumerkin eru tvö, þ.e.
Polyform og Scanmarin, þrátt fyrir að hér sé
um nánast nákvæmlega sömu vöru að ræða.
Ástæðan fyrir þessu er sú að á sínum tíma
stóðu tvö fyrirtæki að baki þessum vörumerkj-
um og kepptu á markaðnum.