Ægir - 01.01.2003, Side 31

31
F R É T T I R
Nokkuð góðar horfur á bol-
fiskmörkuðum
Greiningardeild Kaupþings segir
að horfurnar á bolfiskmörkuðun-
um séu nokkuð góðar um þessar
mundir. Í Bandaríkjunum hefur
verð að vísu gefið eftir á undan-
förnum mánuðum, en almennt er
búist við bærilegum stöðugleika
á þessu ári. Líklegt er þó talið að
verð á sjófrystum þorskflökum
hækki í Bandaríkjunum á kom-
andi mánuðum vegna lítils fram-
boðs og góðrar eftirspurnar, en
sjófrystu flökin lækkuðu töluvert
í verði á síðasta ári.
Í Bretlandi hefur verð á sjó-
frystum afurðum einnig verið að
hækka. Þó er þrýstingur á verð-
lækkun á ýsu vegna mikils fram-
boðs.
Í Rússlandi er öflugur markað-
ur fyrir bolfiskafurðir og horfurn-
ar því nokkuð góðar. „Í heildina
litið geta framleiðendur bolfiskaf-
urða því unað vel við sitt næstu
mánuði enda fátt sem bendir til
verulegra verðlækkana á helstu
mörkuðum,“ segir í spá greining-
ardeildar Kaupþings.
Saltfiskurinn réttir úr kútnum
Verð á saltfiski hefur aftur verið
að þokast upp, eftir nokkurt verð-
fall á síðasta ári, en í kjölfar þess
dróst framleiðslan nokkuð saman
og það hefur aftur ýtt undir verð-
hækkanir að undanförnu. „Hvað
framhaldið varðar að lokinni jóla-
vertíð ræður framboð miklu. Lé-
leg veiði og lítil framleiðsla getur
haft neikvæð áhrif, sér í lagi á
þeim mörkuðum þar sem salan er
mest fyrir páska eins og í Grikk-
landi og á Spáni.“
Mjöl og lýsi
Loðnuvertíðin hefur sem kunnugt
er farið vel af stað og ef svo held-
ur áfram verður vertíðin mjög
góð. Afurðaverð hefur verið nokk-
uð stöðugt á síðustu mánuðum,
bæði í mjöli og lýsi. „Þróun veiða
í Perú hefur þó mikil áhrif á
heimsmarkaðsverð,“ segir grein-
ingardeild Kaupþings. „Áhrifa
El Nino er þegar tekið að gæta
syðra enda þótt áhrifin séu enn
takmörkuð á fiskveiðarnar. Það
gæti þó breyst á næstu mánuð-
um. Markaðsaðstæður er því ekki
hvetjandi fyrir kaupendur. Ólík-
legt er að verð hækki mikið frá
því sem nú er og því ekki mikil
áhætta fólgin í því að bíða með
kaup. Horfur skýrast á næstu vik-
um en ljóst er að íslensk sjávarút-
vegsfyrirtæki í veiðum og vinnslu
á uppsjávarfiski ríða ekki feitum
hesti frá síðasta hausti en vetrar-
vertíðin lyftir afkomunni væntan-
lega upp.“
Áfram erfitt í rækjunni?
Útgerðir rækjuskipa hafa átt í
nokkrum erfiðleikum á undan-
förnum árum vegna lágs afurða-
verðs. Ljóst er að rækjuiðnaðurinn
mun enn um sinn eiga við erfið-
leika að etja, að mati greiningar-
deildar Kaupþings. „Engar eða
litlar birgðir eru til af smárri
rækju en hins vegar töluverðar
birgðir af stórri rækju.
Verðið á smáu rækjunni lækk-
aði mikið í upphafi árs og segja
má að birgðirnar hafi verið þurrk-
aðar út. Því er töluverður þrýst-
ingur á framleiðendur að lækka
verð á stórri rækju. Ekki er ólík-
legt að verð fari að gefa þar eftir
hvað úr hverju og ekki er það
vænlegt fyrir iðnaðinn. Í raun má
velta því fyrir sér hvort afurðaverð
sé ekki orðið svo lágt að of dýrt sé
að sækja rækjuna.
Það er því flest sem bendir til
þess að rækjuiðnaðurinn komi til
með að búa við erfiðar aðstæður
eitthvað áfram og lítið ljós í
myrkrinu þar á bæ. Þar má þó
helst nefna að með fækkun fram-
leiðenda verða færri um hitun-
ina.“
Fyrir nokkrum dögum birti greiningardeild
Kaupþings athyglisverða samantekt á stöðu
sjávarútvegsins á þessum fyrstu vikum ársins
2003 og hverjar horfurnar væru fyrir þetta ár.
Meðal annars er fjallað um stöðuna á helstu
mörkuðum okkar fyrir sjávarafurðir.
Greiningardeild Kaupþings spáir í spilin:
Bærilegar horfur á mörkuð-
unum á þessu ári
Almennt er gert ráð fyrir áframhaldandi stöðugleika á mörkuðum fyrir uppsjávarafurð-
ir - mjöl og lýsi.