Ægir - 01.04.2003, Qupperneq 40
40
F R É T T I R
Á síðasta ári var settur á mark-
aðinn Sjómannahringurinn
svokallaði, sem Haukur Valdi-
marsson, gullsmíðameistari í
Carat í Smáralind hannar og
smíðar. Hringurinn er smíðað-
ur úr gulli, hvítagulli og silfri
og er hver hringur með rað-
númeri sem er skráð á þann
sjómann sem ber hringinn. Á
hringnum er akkeri sem er
unnið úr 14 karata hvítagulli.
Hugmyndina að Sjómanna-
hringnum átti Hildur Jónsdóttir,
myndlistarkona og sjómannsdótt-
ir. Grunnhugmynd hennar var að
hringurinn væri einskonar sam-
einingartákn allra íslenskra sjó-
manna. Hildur setti sig í sam-
band við Sjómannasamband Ís-
lands, Farmanna- og fiskimanna-
samband Íslands, Vélstjórafélag
Íslands, Landssamband smábáta-
eigenda og Sjómannadagsráð
Reykjavíkur og fékk góðan
stuðning allra þessara samtaka við
hugmyndina. Í kjölfarið var ráðist
í hönnun og smíði hringsins og
nú eru á annað hundrað sjómenn
á landinu komnir með hringinn.
Haukur Valdimarsson, gull-
smiður, segir að hringurinn hafi
vakið almenna hrifningu. „Mér er
kunnugt um að margir hafa gefið
sjómönnum Sjómannahringinn.
Til dæmis seldum við margra
hringa fyrir jólin,” segir Haukur
og getur þess að hver og einn
hringur sé sérsmíðaður fyrir við-
komandi. „Ég á Sjómannahring-
inn ekki á lager. Ég byrja á því að
mæla fingur þess sem ber hring-
inn og smíða hringinn síðan sam-
kvæmt því,” segir Haukur.
„Hringurinn er tilbúinn innan
viku frá því að hann er pantaður,”
bætir hann við. „Hringurinn er
klæddur gulli, ekki gullhúðaður,
sem þýðir að hann endist vel og
tekur ekki breytingum.”
Eins og áður segir eru hring-
arnir númeraðir og er númerið
grafið innan í hringinn sem og
fangamark viðkomandi, sé þess
óskað. „Ég skrái niður á blað hjá
mér eigendur hringanna,” segir
Haukur og bætir við að hann hafi
fengið fyrirspurnir frá heilu
áhöfnunum um Sjómannahring-
inn. „Það er greinilegt að æ fleiri
vita af þessu. Við komum með
hringinn á markaðinn í kringum
sjómannadaginn í fyrra og síðan
höfum við verið að kynna hann,”
segir Haukur og gefur upp að eitt
stykki Sjómannahringur kosti 20
þúsund krónur. Hægt er að kaupa
gjafakort fyrir hringnum.
Sjómannahringurinn
nýtur vaxandi vinsælda
Haukur Valdimarsson,
gullsmíðameistari, í Carat í
Smáralind hannaði og smíðar
Sjómannahringinn.
Myndir: Sverrir Jónsson.
Skreiðarverkun hefur alltaf verið happdrætti. Skreiðarverkend-
ur í Lofoten í Noregi hafa hengt upp minna af þorski í ár en
2002 og stærstu bátarnir hættu veiðum í mars. Hjá sumum
hefur talsvert af fiski skemmst og nokkrar birgðir frá fyrra ári
eru óseldar. Verðið er lágt en vonast er til þess að það hækki.
Ólíkt því sem nú er var síðari hluti vetrar 2002 mjög þurr.
Þannig hélst veðrið út maí og fiskurinn þornaði of hratt.
Þessi vetur hefur verið hlýr og votviðrasamur. Í slíku veðri
er hætta á að fiskurinn skemmist.
„Þetta tíðarfar getur verið jafn gott eða vont og hitt,“
segir Ansgar Pedersen, skreiðarverkandi og matsmaður á Røst,
í viðtali við Fiskaren. „Enn höfum við ekki séð nein merki um
gæðarýrnun. Milt veður, rigning og þokuloft er það venjulega
hér.”
Minni framleiðsla
Þurrviðri í fyrra er orsök þess að margir útflytjendur eiga
enn birgðir af fiski óseldar. Áætlað er að á bilinu 400 til 500
tonn séu í Lofoten.
Rune Stokvold hjá Stokfish Eksport AS í Noregi telur að
Lofotenskreiðin verkist umtalsvert betur en í fyrra. “Það var
snemma byrjað að hengja upp, sem þýðir stærri og holdmeiri
fisk. Vegna góðs afla heima fyrir hefur líka minna verið flutt
að af fiski til að hengja upp. Hins vegar er erfitt að slá
nokkru föstu fyrr en í lok maí.”
Um miðjan mars sl. var búið að hengja upp rúm 19.800
tonn af óslægðum fiski í Noregi, sem er um 2.700 tonnum
minna en á sama tíma í fyrra. Byrjað var að hengja upp 1-2
vikum fyrr en 2002. Líklegt er að hengd verði upp ein 22.000
tonn af óslægðum fiski, sem eru rúm 14.600 tonn af
slægðum fiski sem verða rúm 4.500 tonn af skreið. Í fyrra
nam skreiðarframleiðslan um 5.000 tonnum.
Vonast eftir verðhækkun á skreið