Ægir - 01.09.2003, Síða 19

19
E Y J A F J Ö R Ð U R
„Að sjálfsögðu skiptir það
trillukarla á þessu svæði miklu
máli að línuívilnun verði tekin
upp. Hún myndi treysta stoðir
hjá þeim sjómönnum sem
stunda línuveiðar,“ segir Pétur
Sigurðsson á Árskógssandi,
formaður Kletts - félags smá-
bátaeigenda á Norðurlandi
eystra.
„Við áttum fundi með félögum
í Kletti um þetta mál í september
og þar kom skýrt fram að menn
leggja mikla áherslu á að stjórn-
völd standi við gefin fyrirheit um
línuívilnunina, en jafnframt eru
menn því algjörlega andvígir að á
móti verði byggðakvótinn skert-
ur,“ segir Pétur, en á þessu svæði
hefur byggðakvóti komið í hlut
fimm byggðarlaga á starfsvæði
Kletts; Hríseyjar, Grímseyjar,
Ólafsfjarðar, Litla-Árskógssands
og Húsavíkur. „Það er nokkuð
ljóst að línuívilnun myndi gagn-
ast best þeim bátum sem eru í
heilsársútgerð. Eins og er gæti ég
trúað því að á bilinu 20 til 30
línuveiðibátar séu á þessu svæði.“
Fjögur þúsund tonn
Útvegsmannafélög um allt land
hafa flest ef ekki öll sent frá sér
ályktanir þar sem því er harðlega
mótmælt að línuívilnun smábáta
verði tekin upp og minnt á að
hún hljóti að vera ávísun á að enn
eina ferðina eigi að taka kvóta af
stærri útgerðum og færa smábát-
unum á silfurfati. Pétur Sigurðs-
son segir ekki vilja smábáta-
manna í Kletti að aflaheimildir
verði færðar frá stærri útgerðun-
um. „Við erum sama sinnis og
Landssamband smábátaeigenda að
hér þurfi að koma til viðbótar-
heimildir í þorski. Miðað við að
dagróðrabátarnir hafa verið að
veiða um tuttugu þúsund tonn á
undanförnum árum, væri hér ver-
ið að tala um fjögur þúsund
tonna viðbót í aflaheimildum,“
segir Pétur.
Að bæta hag línuveiðibáta
Spurningunni um réttlætið í því
að koma á slíkri ívilnun til línu-
veiðibáta, segir Pétur Sigurðsson
að á undanförnum árum hafi verið
þrengt gífurlega að þessum út-
gerðarhópi og menn vilji einfald-
lega sjá að mál þeirra verði leið-
rétt. „Þetta mál hefur lengi verið
í undirbúningi og það er í stjórn-
arsáttmála ríkisstjórnarinnar.
Raunar veit ég ekki betur en allir
stjórnmálaflokkar hafi í raun
samþykkt að taka skyldi upp
línutvöföldun og í raun sé bara
eftir að hrinda málinu í fram-
kvæmd. Ég á því erfitt með að
skilja af hverju málið hefur farið í
þann farveg að undanförnu sem
raun ber vitni. Ég hef reyndar á
tilfinningunni að sjávarútvegsráð-
herra sé persónulega á móti mál-
inu og tefji það eins og hann get-
ur. Það er eins og hann hafi
skyndilega orðið fyrir miklum
þrýstingi í að setja sig upp á móti
málinu. Engu að síður erum við
bjartsýnir á að línutvöföldunin
nái fram að ganga, enda liggja
fyrir ályktanir stjórnarflokkanna í
þá veru,“ segir Pétur.
„Rjúkandi rúst með atvinnu-
lausa íbúa“
Hríseyingar ályktuðu um þetta
mál í september og sendu stjórn-
völdum. Þar er skorað á þau að
fylgja eftir samþykktum stjórnar-
flokkanna og standa við að taka
upp línuívilnunina. Í ályktuninni
segir m.a.: „Löngu er tímabært að
styðja af alvöru við hinar dreifðu
byggðir víða um land, sem orðið
hafa fyrir barðinu á stórum fyrir-
tækjum, sem slegið hafa eign
sinni á veiðiréttinn, sameign
þjóðarinnar, og fært hann til milli
staða eftir eigin geðþótta í nafni
hagræðingar. Afleiðingin er sú, að
hvert byggðarlagið á fætur öðru
verður sem rjúkandi rúst með at-
vinnulausa íbúa og verðlausar
eignir. Hinir sömu aðilar hafna
síðan öllum úrbótum til handa
strandbyggðum með þeim rökum
að verið sé taka af þeim þeirra
eign.“
Fiskurinn leitar á djúpslóð
Pétur segir að aflabrögð á grunn-
slóð hafi verið lélegri í Eyjafirði
sl. sumar en undanfarin sumur.
„Þó er kannski ekki rétt að miða
við undanfarin tvö sumur sem
hafa verið óvenju góð á þessu
svæði. En við verðum varir við að
minna er af fiski á grunnslóð, það
virðist vera að hann hafi leitað
dýpra í kaldari sjó. Það er ekki
ósennilegt að hlýnandi sjór hafi
breytt mynstrinu í fiskigengd á
grunnslóð,“ segir Pétur Sigurðs-
son.
Formaður Kletts - félags smábátaeigenda
á Norðurlandi eystra:
Erum bjartsýn-
ir á línu-
tvöföldun
„Við verðum varir
við að minna er af
fiski á grunnslóð,
það virðist vera að
hann hafi leitað
dýpra í kaldari sjó.“
Myndin er tekin í
Dalvíkurhöfn.