Ægir - 01.08.2011, Qupperneq 62

60
Á þeim rösku 70 árum sem liðin eru frá
stofnun Vélasölunnar hefur fyrirtækið
ávallt verið meðal stærstu og öflugustu
innflutnings- og þjónustuaðila við
sjávarútveginn hér á landi . Vélasalan
hefur verið áberandi þátttakandi í Ís-
lensku sjávarútvegssýningunni allt frá
upphafi og verður að sjálfsögðu einnig
með í ár .
Þekkingarsamfélag
Kristján Jónsson, sölustjóri Véla-
sölunnar, segir að á sýningunni í ár verði
lögð sérstök áhersla á þjónustu þáttinn í
starfseminni . „Á síðustu árum höfum við
unnið markvisst að því að byggja upp
og styrkja þjónustuþáttinn og fá til okkar
þá menn sem búa yfir mestri þekkingu á
þessu sviði hér á landi . Við teljum að
það hafi tekist enda er hér saman
kominn öflugur hópur fagmanna með
áratuga þekkingu og reynslu af
þjónustu við sjávarútveginn . Menn eru
jafnvel farnir að tala um Vélasöluna sem
þekkingarsamfélag .“
Eiríkur Árnason, stjórnarformaður
Vélasölunnar, segir að þegar hann kom
að rekstrinum fyrir rúmu einu og hálfu
ári hafi hann hrifist af þeirri áherslu sem
lögð var á að starfsmenn hefðu yfir-
gripsmikla þekkingu hver á sínu sviði .
Hann hefði einsett sér að halda áfram á
þeirri braut og að byggja upp sam-
heldinn hóp sem væri leiðandi hvað
varðar þekkingu og reynslu . Eiríkur
segir skipta gríðarlega máli fyrir þá sem
eru til sjós að geta gengið að því með
100% vissu að fá góða vöru rétt af-
greidda af fólki með þekkingu á öllum
tímum sólarhringsins .
Einn liður í að styrkja þjónustuþáttinn
voru kaup Vélasölunnar á Tæknivík í
Keflavík á síðasta ári en Tæknivík er í
dag rekið sem dótturfyrirtæki Véla-
sölunnar og veitir alhliða rafeinda-
þjónustu með áherslu á tæknibúnað um
borð í skipum . Árið 2009 keypti
Vélasalan fyrirtækið Gróttu ehf . sem
hefur verið með umboð fyrir RAPP tog-
vindur í um 30 ár en með þeim starfs-
mönnum sem þá fluttust til Vélasölunnar
styrkti fyrirtækið til muna þjónustu
vélaverkstæðis við togvindur og
skyldan búnað .
Rafdrifnar togvindur
Í dag flytur Vélasalan inn búnað frá vel á
annað hundrað birgjum víðs vegar um
heiminn en meðal vörumerkja sem
Vélasalan er með umboð fyrir eru:
Cummins og Nanni dieselvélar, Triplex
þilfarsbúnað, Nobeltec Siglingarforrit,
Koden og Hummingbird dýptarmæla,
Vertex og Sailor talstöðvar, Sperry rat-
sjár og Jotron neyðarbúnaðu . Dælur frá
Pedrollo, Jabsco og Rule . Bílalyftur og
loftpressur frá Stenhöj og spilbúnaður,
frá Rapp Hydema . Þilfarskranar frá H .S
Marine, Rapp Hydema Syd netaspil og
netaniðurleggjarar fyrir minni báta .
Meðal nýjunga sem Vélasalan kynnir
á sjávarútvegssýningunni að þessu sinni
eru rafdrifnar togvindur frá Rapp . Til
þessa hafa vindur frá Rapp verið drifnar
með glussa en nýjasta skip flotans,
Þórunn Sveinsdóttir, er fyrsta skipið sem
er bæði með rafdrifnar aðalvindur og
hjálparvindur frá Rapp . Auk þess að
þurfa ekki að vera með mörg tonn af
glussa um borð með tilheyrandi
mengunarhættu, eru nýju vindurnar
hljóðlátari og draga úr eldsneytiseyðslu .
Þegar trollinu er slakað og vindurnar
spóla út skapast afl sem er nýtt með
aflinu frá aðalvél skipsins sem þá er
hægt að draga úr og spara eldsneyti .
Hinrik Hallgrímsson, fyrrum eigandi
Gróttu, er helsti sérfræðingur Véla-
sölunnar í togvindum . Hann segir Rapp
leggja áherslu á að geta framleitt raf-
drifnar og/eða vökvadrifnar togvindur
eftir pöntun í öllum stærðarflokkum, allt
frá vindum fyrir litla togbáta og upp í
stærstu togara .
Vélasalan
Klettagörðum 25
104 Reykjavík
Sími 520 000
www.velasalan.is
„Við erum til taks þegar á þarf að halda með lausnir sem menn geta treyst .“ Frá vinstri: Helgi
Hermannsson framkvæmdastjóri, Hinrik H . Hallgrímsson sölumaður, Einar Árnason eigandi,
Kristján Jónsson sölustjóri og Ögmundur Friðriksson sölumaður .
Vélasalan - öflugir
fagmenn með
áratuga reynslu