Ægir - 01.08.2011, Page 90

88
Sjávarútvegsráðstefnan verður haldin í
annað sinn 13 .-14 . október næst-
komandi á Grand Hótel í Reykjavík .
Hugmyndin með ráðstefnunni er að
skapa sameiginlegan vettvang fyrir
samskipti allra þeirra sem að
sjávarútvegi koma og stuðla að faglegri
og fræðandi umræðu . Þar koma saman
allir þeir sem láta sig málefni
sjávarútvegsins varða og fjalla um mikil-
væg viðfangsefni á sviði sjávarútvegs .
Innan þessa hóps eru þeir sem starfa
t .d . við veiðar, eldi, frumvinnslu, fram-
haldsvinnslu, sölu, markaðssetningu,
ferðamennsku, þjónustu, rannsóknir og
þróun . Einnig er ráðstefnan hugsuð sem
vettvangur fyrir opinbera aðila, kennara,
nemendur og fjölmiðlafólk svo dæmi
séu tekin . Vonast er til að hún verði
uppspretta hugmynda og hvatning til
góðra verka og hefur það markmiði að
ná á einn og sama stað fólki sem vinnur
í hinum ýmsu sviðum sjávarútvegsins til
að vinna að framförum og sækja fram .
Þeir sem að ráðstefnunni standa er
breiður hópur fólks og fyrirtækja sem
eiga það sameiginlegt að hafa brenn-
andi áhuga á íslenskum sjávarútvegi og
vilja stuðla að málefnalegri umræðu án
hagsmunagæslu . Vilji hópsins er að
sjónarmið sem flestra komi fram svo um
þau megi fjalla á málefnalegan hátt .
Sjávarútvegsráðstefnan 2011
Fyrsta ráðstefnan, sem haldin var í sept-
ember á síðasta ári bar heitið ,,Hafsjór
tækifæra“ og var þar lögð áhersla á að
draga fram og skapa umræðu um þau
fjölmörgu tækifæri sem eru í íslenskum
sjávarútvegi . Að þessu sinni ber ráð-
stefnan yfirskriftina ,,Frá tækifærum til
tekjusköpunar“ og verður þar lögð
áhersla á hvernig nýta má þau tækifæri
sem eru fyrir hendi til verðmætasköp-
unar landi og þjóð til heilla .
Fjöldi áhugaverðra erinda verða á
ráðstefnunni en henni er skipt upp í átta
málstofur þar sem víða verður borið
niður .
• Markaðstækifæri í Evrópu
• Markaðstækifæri framtíðarinnar
• Vöruþróun
• Tækifæri erlendis
• Sóknarfæri í veiðitækni
• Sjávarútvegur og fjölmiðlar
• Evrópusambandið og íslenskur
sjávarútvegur
• Sjávarklasinn á Íslandi
Framúrstefnuhugmynd
Ákveðið var eftir síðustu ráðstefnu að
efna til samkeppni um framúrstefnuhug-
mynd innan sjávarútvegsins . Markmiðið
með hugmyndinni er að skapa jarðveg
fyrir framsæknar og frumlegar hug-
myndir sem skapi umræðugrundvöll og/
eða nýja hugsun . Þessi nýjung hefur
mælst vel fyrir og nefnd, sem skipuð var
vegna þessa, hefur borist fjöldi hug-
mynda . Verða þær kynntar á ráð-
stefnunni nú í haust og þeim hug-
myndum sem eru taldar skara framúr
veitt sérstök verðlaun .
Sjávarútvegsráðstefnan til framtíðar
Með tilurð sjávarútvegsráðsstefnunnar
hefur skapast verðugur vettvangur til
fræðslu og skoðanaskipta um íslenskan
sjávarútveg . Markmið þeirra sem standa
að ráðstefnunni er að byggja til fram-
tíðar og að sjávarútvegsráðstefnan
verði öflug og stuðli að opinni umræðu
um þau mál sem geta fært íslenskan
sjávarútveg inn í framtíðina .
Sjávarútvegsráðstefnan
www.sjavarutvegradstefnan.is
Frá fyrstu sjávarútvegsráðstefnunni sem haldin var árið 2011 .
Frá tækifærum til
tekjuöflunar