Ægir - 01.08.2011, Side 130

128
„Við fleytum okkur áfram á viðhalds- og
breytingaverkefnum fyrst og fremst,
enda hefur lítið gerst í nýsmíðinni
undanfarin misseri . Óvissan um framtíð
fiskveiðistjórnunarinnar hefur lamandi
áhrif og sér ekki fyrir enda þess
ástands . Ríkisstjórnin virðist telja sig
vera í einkastríði við útvegsmenn en
afleiðingarnar bitna ekki síst á
þjónustugreinum sjávarútvegsins og
afleiddum störfum þar,“ segir Guðni Sig-
tryggsson, framkvæmdastjóri JE-
vélaverkstæðis ehf . og Bátasmiðjunnar
Siglufjarðar Seigs ehf . á Siglufirði .
Bátasmiðjan er í eigu JE-vélaverksmiðju
og Seiglu ehf . á Akureyri . Þjónusta
félaganna tveggja á Siglufirði er
dæmigerð starfsemi sem finnur vel fyrir
fjárfestingarkuldanum vegna óvissunnar
í sjávarútveginum . Ástandið birtist
reyndar ekki einvörðungu í því að
nýsmíðin situr á hakanum heldur keyra
menn vélararnar í bátunum lengur en
ella og reyna að draga það sem lengst
að ákveða hvort eigi að gera upp eða
kaupa nýtt .
Síðasti nýi báturinn sem Siglufjarðar
Seigur ehf . afhenti var Ingunn Sveins-
dóttir AK-91, sem Haraldur Böðvarsson
& Co . á Akranesi tók við á vordögum
2011 . „Ingunn er með dæmigert lag fyrir
Seigsbátana okkar, mjög vel útfærður
bátur og búinn því besta sem býðst til
neta- og línuveiða,“ segir Guðni .
Bátasmiðjan á Siglufirði hefur selt
fjóra báta til Noregs og útgerðar-
mönnum þar líkar afar vel við íslensku
fleyin sín . Möguleikarnar eru miklir á
norska markaðinum en það er meira en
að segja það að ná athygli manna á
erlendum markaði til að „slá í gegn“!
Norðmenn eru ekkert öðru vísi en Ís-
lendingar að því leyti að þeir horfa fyrst
til eigin bátasmíða og þess sem þeir
þekkja . Svo skal því til haga haldið að
útgerð Norðmanna er með nokkuð öðru
sniði en sú sem tíðkast við Íslend . Guðni
ákvað að kynna sér málið af eigin raun
og fór til Lófóten, þegar stóð yfir vetrar-
vertíðin 2011, til að sjá hvernig bátar og
búnaður hentaði best norskum að-
stæðum . Þá kom ýmislegt í ljós og sumt
óvænt .
„Úthald Norðmanna er lengra en
okkar og þeir búa gjarnan um borð í
bátunum í höfnum næst miðunum . Af
því leiðir að þeir leggja meira upp úr
rými fyrir áhöfnina og aðbúnaði við hana
en við gerum . Þá vitum við það og til-
gangurinn var einmitt sá að sjá með
eigin augum hvort og hvernig við
þyrftum að breyta útfærslu Seigs-
bátanna til að eiga betri möguleika á
Noregsmarkaði . Ég vonast auðvitað til
að árangurinn skili sér í að við seljum
Norðmönnum fleiri báta þegar fram líða
stundir,“ segir Guðni og bætir við:
„Hátt olíuverð kallar líka á þróunar-
starf til að draga sem mest úr
útgerðarkostnaði og við höfum lagt í
mikla vinnu við að stilla saman
breytingar á skrokklagi báta og vél-
búnaði til að saman fari olíusparnaður
og mikill ganghraði . Þar höfum við náð
góðum árangri og auðvitað skiptir þetta
miklu máli í markaðsstarfinu, hvort
heldur er í Noregi eða hér heima .“
JE-vélaverkstæði ehf.
Gránugata 13
580 Siglufjörður
Sími 467 1296
www.sigloseigur.com
Ingunn Sveinsdóttir AK-91 . Smíðuð á Siglufirði og afhent eigendum sínum á Akranesi vorið
2011 .
Einkastríð og óvissa
Vinna á athafnasvæði Siglufjarðar Seigs
sumarið 2011 .