Ólafía : rit Fornleifafræðingafélags Íslands. - 01.05.2007, Síða 8

__________
8
en hún er úr bókinni Ordning mot kaos.
Studier av nordisk förkristen kosmologi
sem út kom árið 2003 í ritröð verkefnis-
ins Vägar till Midgård. Grein Anders
Andrén, „Mission impossible? The
Archaeology of Old Norse religion“,
var birt í sömu ritröð árið 2006 en
byggir auk þess að hluta til á fyrirlestri
sem hann flutti fyrir Fornleifafræðinga-
félag Íslands í janúar 2007.
Auk greina heiðursfélaganna eru í
heftinu greinar á íslensku eftir dr.
Bjarna F. Einarsson og Dagnýju
Arnarsdóttur en þær hafa ekki komið út
á prenti áður. Einnig er grein dr. Jesses
Byocks og samstarfsmanna hans, sem
birt var í Medieval Archaeology.
Journal of the Society for Medieval
Archaeology, Volume XLIX 2005,
undir heitinu „A Viking-age Valley in
Iceland: The Mosfell Archaeological
Project“, birt hér í íslenskri þýðingu
Nils Kjartans Guðmundssonar. Loks er
í heftinu ein áður óbirt grein á ensku en
hún er eftir Sigrid Cecilie Juel Hansen
meistaranema í fornleifafræði.
Rétt er að geta þess að nýjar greinar í
heftinu voru ritrýndar fyrir birtingu en
þær greinar sem voru þýddar úr öðrum
ritum voru einungis ritrýndar fyrir fyrri
birtingu.

Það er von ritstjóra að rit Fornleifa-
fræðingafélags Íslands eigi eftir að efla
fræðilega umræðu innan fornleifafræði
hérlendis. Ef litið er yfir farinn veg þá
er ekki annað hægt að segja en að
íslensk fornleifafræði hafi virkilega
fengið byr undir báða vængi á undan-
förnum árum með tilkomu Kristni-
hátíðarsjóðs en ef vel á að vera þarf að
fylgja þessum meðbyr eftir. Fyrirsjáan-
leg er auk þess fjölgun í stétt fornleifa-
fræðinga vegna kennslu í greininni við
Háskóla Íslands en sú nýjung mun
einnig án efa styrkja stoðir fræði-
greinarinnar hérlendis. Ólafía á að vera
drifkraftur um grósku í fornleifafræði á
Íslandi, ásamt því að efla útgáfu
fræðiefnis í greininni hérlendis en
þannig fær greinin aukinn styrk til
framtíðar.
Það var Menningarsjóður og Kuml,
félag nema í fornleifafræði við Háskóla
Íslands, sem styrktu útgáfu ritsins að
þessu sinni og eru þeim færðar bestu
þakkir fyrir.

Maí 2007,

Steinunn Kristjánsdóttir og
Vala Björg Garðarsdóttir ritstjórar.

Ritstjóraspjall