Fréttatíminn - 27.03.2015, Blaðsíða 16

„Ég var
oft mikið í
niðurrifinu,“
segir Gussi,
„en ég hef
lært að
hrósa sjálf-
um mér.“
Fúsi, fraktskip,
pólitík og fóbíur
Kvikmyndin Fúsi í leikstjórn Dags Kára Péturssonar verður
frumsýnd um helgina. Fúsi er liðlega fertugur og býr einn
með móður sinni. Líf hans er í afar föstum skorðum og lítið
sem kemur á óvart. Hann minnir á unga sem hefur komið sér
þægilega fyrir í hreiðrinu og hefur enn ekki haft kjark til að
hefja sig til flugs. Þegar ung stúlka og kona á hans reki koma
óvænt inn í líf hans, fer allt úr skorðum. Með aðalhlutverkin
í myndinni fara þau Gunnar Jónsson og Ilmur Kristjánsdóttir
sem segja vinnuna við Fúsa mjög skemmtilega. Þau ræddu
við blaðamann um pólitík og fraktskip.
G unnar Jónsson, eða Gussi eins og hann er kallaður segir tómt vesen að vera í
aðalhlutverki, en hann hefur leik-
ið í fjölmörgum myndum og sjón-
varpsþáttum í gegnum tíðina. Fúsi
er hans stærsta hlutverk til þessa.
„Þetta er bara tómt vesen,“ segir
Gussi þegar hann mætir á stað-
inn. „Fólk er endalaust að hringja.
Þá er nú skárra að vera statisti,“
segir hann með glotti. Gunnar
er nýkominn frá Berlín þar sem
hann var ásamt aðstandendum
Fúsa að frumsýna myndina á kvik-
myndahátíð. Hann segir viðtökurn-
ar hafa verið hreint frábærar. „Það
gekk alveg glimrandi og maður var
klappaður upp á svið,“ segir Gussi.
„Ég fékk gæsahúð á táneglurnar.
Þetta er fyrsta hlutverkið mitt og
vinnan var mikil. Ég var í karakter
í þrjá mánuði,“ segir Gussi. „Ég var
farinn að tala upp úr svefni og við
mömmu sem Fúsi.“ Varstu lengi að
finna Fúsann í þér? „Ég hafði góð-
an tíma til þess að undirbúa mig,“
segir Gussi. „Dagur Kári hringdi í
mig og sagðist vera búinn að skrifa
handrit fyrir mig, og ef ég væri
ekki til í að leika það, þá nennti
hann ekki að gera myndina,“ segir
Gussi. „Ég sagði bara já, ókei. Ég
var kokkur á fraktara og var stadd-
ur í Eystrasaltinu einhversstaðar
og lét hann senda mér handritið.
Ég las það yfir og fannst þetta nú
ekki mikil saga, fannst ekkert vera
að gerast og svoleiðis. Var svo með
hugann smá við þetta og las það
aftur og þá fór ég að sjá ýmislegt í
þessu og fór svona að finna Fúsann
í mér,“ segir Gussi. „Ég þurfti bara
aðeins að traðka á egóinu mínu og
finna þennan gaur.“ Ertu með stórt
egó? „Ég er bara svona týpa sem
þarf að öskra og springa út, svo
ég þurfti aðeins að halda aftur af
mér fyrir Fúsa.“ Um leið og Gussi
sleppir orðinu kemur Ilmur Krist-
jánsdóttir inn og þá getum við hafið
viðtalið af alvöru.
Ilmur leikur Sjöfn, vinkonu Fúsa
í kvikmyndinni. „Ég er ekki búin
að sjá myndina,“ segir Ilmur en um
kvöldið stendur til að fara á viðhafn-
arsýningu á myndinni. „Ég er smá
smeyk. Ég var að horfa á „treiler-
inn“ og ég á oft erfitt með að horfa
á mig,“ segir Ilmur. „Ég er ekkert
smeyk við myndina, bara mig. Ég
þoli ekki hvernig ég tala og allskon-
ar fóbíur- það fylgir. Það er örugg-
lega enginn að spá í þetta nema
ég,“ segir Ilmur. „Ég var oft mikið í
niðurrifinu,“ segir Gussi, „en ég hef
lært að hrósa sjálfum mér.“
„Maður er líka búin að læra það
að vera kaldur gagnvart áliti ann-
arra,“ segir Ilmur. „Skiptir mestu
að vera sáttur í hjartanu og njóta
þess að vinna hlutina, njóta þess að
leika.“
Frábært að vinna með Degi
Fúsi er tragikómísk saga og eru
Ilmur og Gussi bæði þekktari
fyrir að vera í gríninu en drama-
tíkinni, sér í lagi þegar kemur að
kvikmyndum og sjónvarpi. Ilmur
hefur þó leikið allan skalann á leik-
sviðinu. Þau segja samleikinn hafa
verið mjög einfaldan. „Þetta var al-
gerlega áreynslulaust hjá okkur,“
segir Ilmur. „Hvað grínið varðar þá
er yfirleitt háalvarlegt fólk sem er
að leika í gríni. Það er enginn sem
er svona fyndinn heima hjá sér,“
segir Ilmur. Persónan sem Ilmur
leikur, Sjöfn, er flókinn karakter að
því leytinu til að hún er að glíma við
andlega erfiðleika en reynir að láta
lítið á þeim bera til að byrja með.
Ilmur segir undirbúninginn hafa
verið ákveðna leit. „Ég man þegar
við vorum að leika fyrstu senurnar
vorum við að leita svolítið að þess-
um karakter,“ segir Ilmur. „Dagur
er mjög nákvæmur leikstjóri og var
mjög ákveðinn í því sem hann vildi
og hætti ekki fyrr en hann varð
ánægður. Mér fannst æðislegt að
vinna með honum, ég hafði ekki
gert það áður. Karakterarnir hans
eru oft sérstakir og hann vill hafa
hárréttan tón í þeim, og það er gam-
an fyrir leikara,“ segir Ilmur. „Kar-
akterarnir liggja í handritunum,“
segir Gussi. „Það er mjög auðvelt að
sjá þessa karaktera fyrir sér í hand-
ritinu.“
Tilbúinn með tösku
Gussi segist ekki þekkja neinn
sem er eins og Fúsi og þurfti að
finna hann frá grunni, en karkter
Ilmar er þó aðeins algengari. „Ég
þekki alveg fólk sem er svona upp
og niður,“ segir Ilmur. „Ég var þó
ekki með neina sérstaka fyrirmynd,
þetta er algengt vandamál. Það er
mjög gaman að finna áþreifanlega
hvað leikstjóri vill, eins og er í til-
viki Dags Kára. Það er gott að finna
fyrir því trausti sem manni er sýnt
og Dagur er mjög ákveðinn en líka
rosalega rólegur,“ segir Ilmur.
„Átökin eru innra með karakter-
unum og það er kúnst fyrir leikara
að láta karakterinn húkkast á áhorf-
andann.“
Ilmur er að leika í sjónvarpsþátt-
unum Ófærð sem verið er að taka
upp á Siglufirði, en Gunnar býst
fastlega við því að fara á fleiri staði
til þess að kynna Fúsa fyrir kvik-
myndahúsagestum í Evrópu. „Við
erum að fara í apríl til New York og
svo förum við til Kaupmannahafn-
ar,“ segir Gussi. „Ég á alveg eins
von á því að fara á fleiri staði. Mér
var bara sagt að vera tilbúinn með
tösku. Annars fer ég bara á frakt-
arann aftur ef mér býðst. Sjórinn
kallar alltaf,“ segir Gussi. „Grunn-
krafturinn í mér er sjórinn og nátt-
úran, ég má ekki tapa grunnkraft-
inum.“
Bundin trúnaði
Ilmur tekur sæti varaborgarfull-
trúa þegar tökum á Ófærð lýkur,
og sest í velferðarráð Reykjavíkur-
borgar fyrir Bjarta framtíð, næstu
þrjú árin. Hún ætlar að prufa póli-
tíkina og segir hana alltaf hafa
togað aðeins í sig. „Mig langaði að
prófa þetta, ég hef alltaf haft áhuga
á pólitík og lengi viljað fara meira
inn í hana,“ segir Ilmur. „Ég er ekk-
ert viss um að þetta eigi við mig.
Ég ætla að sannreyna það svo ég
geti þá bara lagt pólitíkina til hlið-
ar. Kannski verður þetta ógeðslega
skemmtilegt og ég verð pólitíkus
það sem eftir er - engin veit sína æv-
ina fyrr en öll er.“
„Kannski nærðu að hafa einhver
áhrif,“ segir Gussi. „Ég hef séð
ágætis fólk fara þarna inn en lenda
svo bara í sama drullumallinu.“
„Já, flokkshollusta flokksholl-
ustunnar vegna er eitthvað sem
ég forðast eins og heitan eldinn,“
segir Ilmur. „Maður þarf bara að
passa sig á því að segja bara það
sem manni finnst og vera heiðar-
legur gagnvart sjálfum sér. Sem
betur fer er það viðhorf hávært í
Bjartri framtíð. En ég er allavega
full af eldmóði eins og er, og von-
andi næ ég að halda honum. Ég
er samt oft svo utan við mig að
ég mun pottþétt sóna út mörgum
sinnum á löngum fundum,“ segir
Ilmur. „Þá getur maður bara sagt
að maður sé bundinn trúnaði,“ og
þá hlær Gussi. „Ég ætla að hvíla
mig aðeins á leikhúsinu í bili,“ seg-
ir Ilmur. „En ég fer aftur svið ein-
hverntímann.“
Kvikmyndin Fúsi verður frum-
sýnd um helgina í kvikmyndahús-
um.
Hannes Friðbjarnarson
hannes@frettatiminn.is
Þetta var algerlega áreynslulaust hjá
okkur, segir Ilmur um samstarfið við
Gussa. Ljósmynd/Hari
Framboð til formanns BÍ þarf að berast skrifstofu BÍ
ekki síðar en tveimur vikum fyrir boðaðan aðalfund.
Aðalfundur BÍ 2015
BÍ-félagar eru hvattir til að mæta.
Aðalfundur Blaðamannafélagsins verður
haldinn 22. apríl 2015 að Síðumúla 23
kl. 20.00.
Dagskrá:
n Venjuleg aðalfundarstörf
n Skýrslur frá starfsnefndum
n Kosningar
n Önnur mál
16 fréttir Helgin 27.-29. mars 2015