Fréttatíminn - 27.03.2015, Blaðsíða 40
40 ferðalög Helgin 27.-29. mars 2015
Nú er Noregur líka
fyrir íslenska túrista
F lugmiðar til Noregs eru alla jafna þeir ódýrustu sem í boði eru hér á landi en þrátt
fyrir það fækkaði íslenskum ferða-
mönnum í Noregi umtalsvert í fyrra.
Lækkandi gengi norsku krónunnar
gæti snúið þeirri þróun við.
Fjöldi íslenskra innflytjenda í
Noregi hefur tvöfaldast síðustu ár
og eru þeir í dag ríflega átta þúsund
talsins. Af blaðaskrifum að dæma
eru launin hjá frændþjóðinni eitt
aðal aðdráttaraflið en í íslenskum
krónum eru þau mun hærri en ger-
ist og gengur hér á landi. Bilið hef-
ur þó minnkað síðustu misseri því
norska krónan hefur misst flugið
og lækkað um átta prósent í saman-
burði við þá íslensku í ár. Sú breyt-
ing kemur íslenskum ferðamönn-
um til góða þó auðvitað sé Noregur
ennþá dýr áfangastaður.
Miklu færri íslenskir hótelgestir
Á síðasta ári keyptu Íslendingar ríf-
lega fimmtungi færri gistinætur á
norskum gististöðum en árið 2013
samkvæmt tölum frá hagstofunni
þar í landi. Á sama tíma fjölgaði hins
vegar utanlandsferðum Íslendinga
um nærri tíund. Vægi Noregs hjá
íslenskum túristum dróst þar af
leiðandi verulega saman í fyrra.
Reyndar gæti ein ástæða þess að ís-
lenskum hótelgestum fækki í Nor-
egi verið sú að sífellt fleiri eiga þar
í hús að venda og borgi fyrir gist-
ingu með flatkökum, hangikjöti og
nammi.
Farið til Óslóar oftast ódýrast
Mánaðarlega ber Túristi saman far-
gjöld til höfuðborga Bretlands, Dan-
merkur og Noregs. Trekk í trekk er
farið til þeirrar norsku það lægsta
en þangað fljúga Icelandair, Nor-
wegian og SAS allt árið um kring.
Oft bjóða félögin ferðir á vel innan
við þrjátíu þúsund sem er stundum
miklu minna en ódýrustu fargjöldin
til London og Kaupmannahafnar.
Til Bergen má einnig reglulega
finna ódýra flugmiða og samkvæmt
nýlegri athugun var töluvert úrval
af farmiðum til þessara næstfjöl-
mennstu borgar Noregs á innan
við tuttugu þúsund krónur næstu
vikur og fram á sumarið. Icelandair
og Norwegian bjóða upp á reglu-
legt flug til Bergen. Auk þess flýg-
ur íslenska félagið til Stavanger og
Þrándheims.
Ef gengið heldur áfram að vænk-
ast íslenskum ferðamönnum í hag,
og fargjöld til Noregs haldast lág,
gæti farið svo að Íslendingar verði
í ár mun fjölmennari á þilfarinu hjá
Hurtigruten, milli Hansahúsanna
í Bergen og við nýja óperuhúsið í
Ósló. Það eru líka teikn á lofti um
að verðskrár norskra hótela eigi
eftir að vera í lægri kantinum því
það mun hafa dregið verulega úr
heimsóknum viðskiptaferðalanga
þangað það sem af er ári. Ef hugur-
inn stefnir á Noreg þá lítur út fyrir
að nú sé rétti tíminn til að skella sér.
Á sama tíma og þúsundir Íslendinga flytja til Noregs þá fækkar íslenskum ferðamönnum þar í landi. Mynd: Terje Rakke/Nordic Life
AS - Visitnorway.com
Það er alla jafna mun ódýrara að fljúga til Óslóar en London og Kaupmannahafnar.
Mynd: Nancy Bundt - Visitnorway.com
LONDON flug f rá
9.999 kr.
BERLÍN flug f rá
13.999 kr.
ALICANTE, BENIDORM flug f rá
18.999 kr.
KÖBEN flug f rá
9.999 kr.
PARÍS flug f rá
12.999 kr.
ÞÚ
GETUR
FLOGIÐ!
KATRÍNARTÚNI 12 WOWAIR.IS WOWAIR@WOWAIR.IS
Gerðu verðsamanburð,
það borgar s ig!
apr í l - jún í 2015
apr í l - jún í 2015
apr í l - maí 2015
apr í l - jún í 2015
apr í l - jún í 2015