Fréttatíminn - 27.03.2015, Blaðsíða 42

42 ferðalög Helgin 27.-29. mars 2015
KYNNIÐ YKKUR FJÖLBREYTTA DAGSKRÁ
HÁTÍÐARINNAR Á BIOPARADIS.IS
Hin fullkomna
brúðkaupsferð
Margir láta sig dreyma um
brúðkaupsferð á suðrænni
strönd þar sem pálmar
blakta í vindinum á meðan
aðrir sækjast eftir iðandi
stórborgarlífi eða sveita-
sælunni í heimahögunum.
Hér eru fimm góður staðir
sem tilvalið er að heim-
sækja að brúðkaupi loknu.
Kauai, Hawaii
Kauai eyja er ein af eyjum Hawaii sem stendur
við Kyrrahafið og er fullkomin staður til að
slaka á í hlýju loftslagi við mikla náttúrufeg-
urð. Þar er hægt að sóla sig á ströndinni og
synda í heitum sjó eða læra á brimbretti. Auk
þess er hægt að fara í kajakferð niður Wailua
á, skoða litríka og gróðurmikla garða, fara í
fjallgöngur, skoða háa fossa og Waimea gljúfur
sem hefur viðurnefnið Miklagljúfur Kyrrahafs-
ins. Kauai þykir með fallegri stöðum á jörðinni
og er þykir henta vel til brúðkaupsferða.
Bali, Indónesía
Þó að einstök náttúrufegurðin
dragi fólk að Balí, þá er það fyrst
og fremst einstök menning og
hefðir sem fær fólk til að falla
fyrir þessari paradís í Indó-
nesíu. Sjórinn er tær og heitur,
gróðurinn er litríkur, maturinn er
góður og fólkið hlýlegt og gott.
Þetta er fullkominn staður til að
láta streituna líða úr sér, kveikja
í rómantíkinni og kynnast nýjum
menningarheimi.
Dubrovnik, Króatía
Dubrovnik er gömul hafnarborg sem er á heimsminjaskrá UNESCO. Miðaldabagur
borgarinnar gerir hana einstaklega rómantíska með steini lögðum strætum, dómkirkjum
og hafnarlífi. Byron lávarður kallaði borgina perlu Adríahafsins sem segir allt til um hversu
rómantísk hún er. Hægt er að gleyma sér í gönguferð um gamla miðbæinn eða flatmaga á
ströndinni og njóta góðs matar á fjölskyldureknum veitingastöðum.
Istanbúl,
Tyrklandi
Istanbúl er kjörinn áfanga-
staður fyrir hjón sem
sækjast eftir iðandi stór-
borgarlífi og hefur áhuga á
sögu og menningu. Fornar
og fallegar byggingar, fallegt
umhverfi, litríkir götumark-
aðir og einstakur matur
heilla þá sem heimsækja
borgina. Meðal þess sem
vert er að skoða í Istanbúl
er moska Ahmed soldáns
sem er betur þekkt sem Bláa
moskan, Hagia Sophia sem
hefur bæði verið dómkirkja
og moska, en er núna safn
og Grand Basar sem er einn
stærsti og elsti götumark-
aður í heimi.
Hringvegurinn, Ísland
Það er ekki að ástæðulausu að Ísland er vinsæll ferðamannastaður, því landið er ein-
staklega fallegt. Það getur verið afar rómantískt að aka hringveginn á húsbíl, eða með
tjald í skottinu, eða einfaldlega bóka næturgistinu á einhverjum af þeim fjölmörgu sveita-
hótelum sem er að finna um allt land. Ótal áhugaverðir staðir eru á leið þeirra sem aka
hingveginn.