Fréttatíminn - 01.05.2015, Qupperneq 2

BARA KLASSÍK.
STUNDUM VILL MAÐUR
ÞÁ ER TÍMI FYRIR
SÍGILT SÚKKULAÐI.
TÍMI FYRIR
Uppboð til styrktar
börnum með sjaldgæfa
sjúkdóma
Listamenn gefa verk fyrir milljónir króna til
styrktar börnum með sjaldgæfa, alvarlega
sjúkdóma á uppboð Leiðarljóss sem fer
fram í Gamla bíói næstkomandi sunnudag,
3. maí, klukkan 14. Um er að ræða 75 lista-
verk eftir marga af fremstu listamönnum
þjóðarinnar, sem allir hafa gefið verk sín til
styrktar Leiðarljósi, stuðningsmiðstöð fyrir
börn með sjaldgæfa, alvarlega, ólæknandi
sjúkdóma. Landssöfnun fór fram á RÚV
haustið 2012 á vegum samtakanna Á
allra vörum og í kjölfarið var stuðnings-
miðstöðin Leiðarljós opnuð. Forstöðukona
er Bára Sigurjónsdóttir, sérfræðingur í
barnahjúkrun, en hjá stöðinni starfa 3
hjúkrunarfræðingar og einn þroskaþjálfi.
Reiknað með 3,8%
hagvexti í ár
Hagstofa Íslands reiknar með því, sam-
kvæmt nýrri þjóðhagsspá, að þjóðarfram-
leiðsla aukist um 3,8% á yfirstandandi
ári og 3,2% árið 2016. Reiknað er með að
verðbólga verði 1,7% árið 2015 en aukist
nokkuð á næstunni og hún verði um 3%
árið 2016 en lækki í 2,5% í lok spátímans.
Ættleiðingarsamningur
við Búlgaríu
Ólöf Nordal innanríkisráðherra veitti
Íslenskri ættleiðingu fyrr í vikunni lög-
gildingu til þess að annast milligöngu um
ættleiðingar á börnum frá Búlgaríu, en
löggildingin er veitt til þriggja ára, að því
er fram kemur á síðu ráðuneytisins. Þá
hafa innanríkisráðuneytið og Íslensk ætt-
leiðing endurnýjað þjónustusamning sem
gildir til ársloka 2017. Hann kveður á um að
Íslensk ættleiðing, sem hefur löggildingu
innanríkisráðherra til að annast milligöngu
um ættleiðingar á börnum frá tilteknum
erlendum ríkjum, veiti skilgreinda þjónustu
sem því tengist.
„Fyrstukaupendum“ fjölgar
Hlutfall þeirra sem kaupa sér íbúðarhúsnæði í fyrsta sinn af heildarfjölda íbúðakaup-
enda á landinu öllu hefur hækkað úr rúmum 7,5% árið 2009 í 17,8% árið 2014. Tölur
það sem af er þessu ári benda til þess að hlutfall „fyrstukaupenda“ haldi áfram að
hækka, að því er fram kemur á síðu velferðarráðuneytisins.
„Eygló Harðardóttir félags- og húsnæðismálaráðherra óskaði eftir samantekt
upplýsinga frá Þjóðskrá um kaupsamninga vegna íbúðakaupa á landinu öllu
og hlutfall kaupsamninga þeirra sem voru að kaupa sér íbúð í
fyrsta skipti af heildinni. Upplýsingarnar taka til áranna 2008
– 2015 og eru sundurgreindar eftir landsvæðum. Þróunin
er alls staðar svipuð. Íbúðakaupendum fjölgar ár frá ári og
jafnframt hækkar stöðugt hlutfall þeirra af hópnum sem
eru að kaupa sér íbúð í fyrsta skipti,“ segir enn fremur.
Árið 2009 voru kaupsamningar á landinu öllu tæplega
6.000 og hlutfall „fyrstukaupenda“ um 7,5%. Árið 2014
voru kaupsamningar samtals um 11.500 og þar af var
hlutfall þeirra sem voru að kaupa sér íbúð í fyrsta skipti
17,8%.
 Vinnudeilur Verkfall Bandalags háskólamenntaðra
Krabbameinsdeild
hangir á bláþræði
l æknaverkfallið var slæmt en munurinn á því og þessu verkfalli er að þá voru verk-
föllin tímabundin svo það var
hægt að vinna í kringum þau,“
segir Gunnar Bjarni Ragnarsson,
yfirmaður krabbameinslækninga
Landspítalans, en nú hefur verkfall
starfsmanna Bandalags háskóla-
menntaðra staðið yfir frá 7. apríl og
geislafræðingar, náttúrufræðingar
og lífeindafræðingar Landspítalans
því verið í verkfalli í 24 daga. „Þeg-
ar á læknaverkfallinu stóð sóttum
við hér á krabbameinsdeildinni um
undanþágur til að tryggja að ekki
yrðu rof á meðferð. Núna veit maður
ekki neitt og það er erfitt að plana
því það eru engin vopnahlé.“
Tafir og stöðvanir á krabba-
meinsmeðferðum
Gunnar Bjarni segir afköst í geisla-
meðferðum hafa minnkað um 50%
síðan verkfallið hófst svo nauð-
synlegt sé að forgangsraða. Þeir
sem séu í bráðri þörf gangi fyrir á
meðan aðrir verði að bíða. „Í þess-
ari viku voru um 30 einstaklingar
þar sem meðferð hafði tafðist en
nú er sem betur fer búið að sam-
þykkja undanþágu svo hægt verði
að vinna með þann biðlista. Þar að
auki liggur mest allt eftirlit með
krabbameinsgreindum sem hafa
lokið meðferð niðri því þeir ein-
staklingar eru ekki settir í forgang.
Við reynum að tryggja að ekki verði
rof í meðferð sjúklinganna en það
hefur gerst núna nokkrum sinnum
að myndgreining hafi ekki verið
kláruð á réttum tíma sem veldur þá
truflun á lyfjameðferð eða frestun á
meðferð. Svo eru það áhrifin á legu-
deildina þar sem veikustu krabba-
meinssjúklingarnir liggja. Þar hafa
orðið tafir á myndgreiningarann-
sóknum og blóðrannsóknum og það
sama gildir um sjúklinga á göngu-
deildum þar sem eru tafir á blóð-
rannsóknum. Það eru bara marg-
þátta truflanir á öllum sviðum,“
segir Gunnar Bjarni.
Óviðunandi og hættulegt
ástand
Gunnar Bjarni segir röskun á með-
ferð og rannsóknum ekki einung-
is hafa bein áhrif á meðferð sjúk-
linganna heldur hafi hún líka mikil
áhrif á sálarlíf fólks. „Stóra málið er
það að fólk sem er viðkvæmt fyrir
Verkfall geislafræðinga, náttúrufræðinga og lífeindafræðinga hefur nú staðið í 24 daga og áhrifin
eru margvísleg á öllum deildum Landspítalans. Áhrifin eru einna mest á krabbameinsdeild þar
sem meðferð sjúklinga raskast, auk þess sem mikilvægum myndatökum og blóðrannsóknum
hefur verið frestað. Gunnar Bjarni Ragnarsson, yfirmaður krabbameinslækninga á Landspítal-
anum, segir að álagið sé ekki minna en í læknaverkfallinu, ástandið sé hættulegt og sjúklingar
upplifi óvissu. Allt hangi á bláþræði.
þarf að upplifa aukið álag, óvissu
og streitu. Þetta er algjörlega óvið-
unandi ástand sem hefur nú staðið
yfir í heilar þrjár vikur. Þjónusta
við sjúklinga hefur verið skorin
niður og það er ekki eins og þetta
sé óþarfa þjónusta. Við reynum að
sinna þeim veikustu en það hangir
hér allt á bláþræði, þetta er mjög
hættulegt ástand.“
Upp hefur komið umræða innan
Landspítalans um að haldi verkfall-
ið mikið lengur áfram þurfi jafnvel
að grípa til þess ráðs að senda sjúk-
linga út í geislameðferðir. Gunnar
Bjarni segir það vera allra síðustu
úrræði. „Það kæmi til greina, en að
senda sjúklinga út, annaðhvort til
greiningar eða meðferðar, er mjög
flókið. Það er heilmikið álag fyrir
veikt fólk að þurfa að ferðast og vera
fjarri sínum nánustu. Við vonum að
ekki þurfi að koma til þess.“
Halla Harðardóttir
halla@frettatiminn.is
Verkfall geislafræðinga, lífeindafræðinga og náttúrufræðinga setur starfsemi
krabbameinsdeildar úr skorðum. Gunnar Bjarni Ragnarsson, yfirmaður krabba-
meinslækninga, segir ástandið orðið hættulegt. Áhrif þessa verkfalls séu ekki minni
en af verkfalli lækna.
Aðrir félagsmenn BHM í verkfalli:
n Ljósmæðrafélag Íslands hjá Land-
spítala.
n Ljósmæðrafélag Íslands hjá Sjúkra-
húsinu Akureyri.
n Stéttarfélag lögfræðinga hjá Sýslu-
manninum á höfuðborgarsvæðinu.
n Dýralæknafélag Íslands.
n Félag íslenskra náttúrufræðinga á
Matvælastofnun.
n Stéttarfélag háskólamanna á mat-
væla- og næringarsviði á Matvæla-
stofnun.
n Félag háskólamenntaðra starfsmanna
Stjórnarráðsins hjá Fjársýslu ríkisins.
 starfsgreinasamBandið Verkfallsaðgerðir hófust í gær
Samningafundur skilaði engu
Verkfallsaðgerðir Starfsgreinasambands Íslands
hófust í gær, fimmtudag. Verkfallið stóð yfir í
hálfan sólarhring, frá hádegi til miðnættis. Ekki
náðist að semja á samningafundi SGS og Sam-
taka atvinnulífsins í gærmorgun. „Fundurinn var
mjög stuttur,“ segir Björn Snæbjörnsson, formaður
Starfsgreinasambandsins. „Það var verið að leggja
línurnar og fólk að skýra hvað það væri að hugsa
en fundurinn skilaði engu. Bilið er jafn breitt eftir
fundinn eins og það var fyrir hann. Næsti fundur er
á þriðjudaginn og maður vill alltaf vona þegar fólk
sest niður og ræðir málin en ég hef ekki miklar
væntingar. Þetta virðist vera mjög erfið staða.“
Náist ekki að semja munu taka við regluleg sólar-
hringsverkföll þar til ótímabundið verkfall hefst 26.
maí. Um 42% félaga í SGS starfa á matvælasviði en
32% eru í þjónustugreinum. Aðrir hópar eru í bygg-
ingarstarfsemi og mannvirkjagerð, iðnaði og farar-
tækja- og flutningsgreinum. Aðalkrafa félagsmanna
er að laun taki krónutöluhækkunum og miðað
sé við að lægsti taxti verði þrjú hundruð þúsund
krónur innan þriggja ára en þeirri kröfu hafa Sam-
tök atvinnulífsins hafnað. Aðrar kröfur sambands-
ins eru að launataflan verði löguð þannig að fólk
njóti þess að hafa unnið lengur eða sótt sér fræðslu
og menntun, að laun hækki sérstaklega í útflutn-
ingsgeiranum, að vaktaálög verði endurskoðuð og
fyrirtæki þurfi að uppfylla kröfur til að mega greiða
eftir vaktaálagi en ekki dagvinnu og yfirvinnu og
að desember- og orlofsbætur hækki. -hh
Um 42% félaga í SGS starfa á matvælasviði en 32%
eru í þjónustugreinum. Aðrir hópar eru í byggingar-
starfsemi og mannvirkjagerð, iðnaði og farartækja- og
flutningsgreinum.
Um 42% félaga í SGS starfa
á matvælasviði en 32% eru í
þjónustugreinum. Aðrir hópar
eru í byggingarstarfsemi og
mannvirkjagerð, iðnaði og
farartækja- og flutningsgrein-
um. Aðalkrafa félagsmanna er
að laun taki krónutöluhækk-
unum og miðað sé við að
lægsti taxti verði 300.000
krónur.
2 fréttir Helgin 1.-3. maí 2015