Fréttatíminn - 01.05.2015, Side 26

KEA skyr - próteinríkt og fitusnautt
ÍS
LE
N
SK
A
SI
A.
IS
M
SA
7
17
42
0
3/
15

in sem ég var í og vera fölsk og asnaleg. Svo er bara fullt
af fólki þarna úti sem er í heiðarlegri fýlu og vill ekki
hlusta á óhresst fólk að þykjast vera hresst eða bara ró-
legt fólk sem kann að meta fólk í rólegu skapi. Allavega
ákvað ég að vera aldrei hressari en ég er í raun og veru.
Glataðast er samt þegar ég er fengin í eitthvað því það
vantar bara stelpu, eða þá að fólk heldur að ég sé til í að
gera bara hvað sem er af því að ég sé svo flippuð,“ segir
Saga. „Sem er alls ekki málið. Ég er mjög lítið flippuð.“
„Okkur finnst stelpur í fjölmiðlum oft vera athyglis-
sjúkar á meðan strákar geta pönkast í fjölmiðlum
endalaust og öllum finnst þeir bara vera sniðugir. Ég
held að það sé af því að það eru færri stelpur í fjölmiðlum
en strákar og þær stelpur sem rata þangað sleppa síður
þaðan því það er alltaf verið að leita að stelpum. Og ef
þú ert búin að sanna þig sem sniðug stelpa þá er alltaf
hringt í þig en strákar þurfa aldrei að sanna sig. Það er
bara alltaf verið að hringja í þá, alla í einu. Ég held að við
þurfum bara að venjast því að stelpur séu sniðugar og
skemmtilegar í fjölmiðlum, og helst margar í einu.“
Eins og allir sem eru mikið í sviðsljósinu eru leikarar
oft flæktir í kjaftasögur og fólki finnst gaman að tala um
þá sem eru áberandi. Saga hefur þó ekki orðið Gróu á
Leiti að yrkisefni, en hún segir það vera vegna þess að
hún sé svo mikill lúði. „Það er ekkert spennandi í kring-
um mig,“ segir hún. „Ég les að vísu ekki kommentakerf-
in og slíkt, því ég þori það ekki. Það getur vel verið að
það séu einhverjir að tala um mig þar,“ segir Saga. „Ég
var að byrja á Twitter, en ég þorði það ekki fyrr. Af sömu
ástæðu og ég þorði ekki að fara á Prikið, því ég var svo
hrædd um að töffararnir myndu hlæja að mér. Ég verð
mjög leið ef einhverjum finnst hann knúinn til þess að
setjast niður og skrifa eitthvað leiðinlegt um mig, það
hefur raunveruleg áhrif á mig. Það á ekki að gera það,
en ef einhver á Kópaskeri skrifar að ég sé algjör lúser –
þá tárast ég. Eða vona allavega að Kópasker verði fyrst
undir sjó þegar jörðin hlýnar frekar.“
Ástarorlof aðkallandi
Saga og Snorri Helgason byrjuðu saman í fyrra þegar hún var búinn að fylgjast
með honum í nokkurn tíma. „Ég var búin að fylgjast með honum í Vesturbæjar-
lauginni og bað hann um að koma í viðtal í þættinum Ástin og leigumarkaðurinn,
sem ég og Ugla Egilsdóttir erum með á Alvarpinu,“ segir Saga. „Ég ákvað að þema
viðtalsins væri „við þrjú á stefnumóti“. Finnst þér ég ekki vera lúmsk,“ segir hún og
glottir. „Ugla lék bara með og við fengum hann til að roðna smá og ég held að hann
hafi fattað þetta. En sem betur fer fannst honum ég ekki hallærisleg. Það er svo
gaman að vera skotin í einhverjum sem er frábær,“ segir Saga. „Það er algjör lúxus.
Við erum eiginlega bara nýbyrjuð saman og allt er frábært, svo það er ekkert gam-
an að spyrja mig frekar út í það,“ segir hún. „Þú gætir
sagt mér að hann væri einræðisherra og borðaði KFC
og ég væri samt bara eitthvað; „enn hvað hann er snið-
ugur“. Mér finnst að ástfangin pör, sem eru nýbyrjuð
saman, eigi að fá svona ástarorlof í eitt og hálft ár,“ segir
Saga. „Þau eiga ekki að þurfa að vinna neitt. Eiga bara
að vera á launum hjá ríkinu við að vera í sleik uppi í rúmi
og horfa á Woody Allen myndir og kynnast hvort öðru.
Því á þessum tíma vill maður ekki gera neitt annað,“
segir hún. „Það er erfitt að fara fram úr á morgnana og
svo yrði allt betra ef fólk fengi tíma til þess að elska.“
Einhyrningar fyrir utan Vesturbæinn
Saga er alin upp í Vesturbænum og segist vera hinn
dæmigerði vesturbæjarhipster sem er ekki með bílpróf.
Hún ætlaði alltaf að verða leikkona en var gríðarlega
mikið í íþróttum sem krakki. Einn af draumunum var að
verða jarðeðlisfræðingur.
„Það var svona plan B ef ég kæmist ekki inn í leiklist.
Ég ætlaði að verða skemmtilegasti jarðeðlisfræðingur
í heimi. Fannst það raunhæft markmið, enda eru jarð-
eðlisfræðingar ekki þekktir fyrir að vera skemmtilegir.
Ég byggi þá fullyrðingu samt ekki á neinum haldbærum
rannsóknum – bara beinhörðum fordómum í garð raun-
greinafólks,“ segir Saga.
Eru Vesturbæingar ekki haldnir einhverskonar hverfa­
snobbi?
„Fordómar mínir gagnvart úthverfunum eru allir
komnir af fáfræði því ég er ekki með bílpróf,“ segir Saga.
„Ég fer ekkert mikið út fyrir Vesturbæinn. Ég ímynda
mér samt að það sé mjög gott fólk hinu megin við Kringl-
una og jafnvel einhyrningar. Æ, ég er svo hrædd um að
ég sé ég vandræðaleg klisja af hipster,“ segir Saga.
Er hipsterinn samt ekki orðinn svo venjulegur?
„Ég var að hugsa það um daginn hvað ég væri með
ófókuseraðan stíl, ég var sko ekki í neinu samstæðu
og með plastpoka með sólgleraugum og avokadó, sem var „borderline“ útigang-
slegt,“ segir Saga. „Ég komst svo að því að ég væri kannski einhverskonar Hip-Hop
hippi. Það er minn versti galli, hvað ég er ófókuseruð, og þá aðallega í daglegu
lífi. Ég mætti vera hégómlegri og kaupa mér fleiri föt í einhverjum einum stíl. Það
eru ákveðnir hlutir sem mér er rosalega mikið sama um. Til dæmis föt og tíska
og heimili. Ég er ótrúlega mikil subba og lítið heimilisleg. Ég hef aldrei skúrað og
finnst leiðinlegt að vaska upp og skil ekki sápu. En ég er góð að mæta í vinnu og í
að fá þráhyggju fyrir því sem mér finnst skemmtilegt. Ég get ekki ræktað eitthvað
sem ég hef ekki áhuga á,“ segir Saga Garðarsdóttir leikkona og grínisti.
Hannes Friðbjarnarson
hannes@frettatiminn.is
Mér finnst að
ástfangin pör,
sem eru nýbyrjuð
saman, eigi að fá
ástarorlof í svona
eitt og hálft ár.
26 viðtal Helgin 1.-3. maí 2015