Fréttatíminn - 14.08.2015, Side 14

S
„Sluppu úr landi og engin sekt,“ sagði í fyr-
irsögn fréttar í Morgunblaðinu í síðustu
viku þar sem greint var frá því að franskir
ferðamenn sem staðnir voru að utanvega-
akstri skammt frá Vatnsfellsvirkjun í júlí
væru farnir úr landi. Lögreglan náði ekki
að hafa hendur í hári þeirra og var þeim
því ekki gert að greiða sekt fyrir athæfið.
Starfsmenn Landsvirkjunar höfðu staðið
ökumann jeppa að því að aka
hring eftir hring utan vegar
þar sem hann skildi eftir sig
djúp og ljót hjólför sem erfitt
er að afmá.
Afleitt er að menn komist
upp með slíkt og það gefur
vont fordæmi. Atvikið hafði
vakið mikla athygli enda tóku
starfsmenn Landsvirkjunar
myndband af utanvegaakstr-
inum, þar sem þekkja mátti
bílinn og númer hans. Það lá
því fyrir hverjir þarna voru á ferð þótt öku-
maðurinn kysi að flýja af vettvangi þegar
Landsvirkjunarmenn nálguðust hann. At-
vikið var kært til lögreglunnar.
Það hefði haft mikið fordæmisgildi að ná
til brotamannsins, enda hefur utanvega-
akstur aukist samhliða fjölgun ferðamanna
um hálendið. Það kom fram í fyrrgreindri
frétt að lögreglan hafði gert tilraunir til
að hafa samband við jeppafólkið í gegnum
síma en það skilaði engum árangri. Það
hafði fengið jeppann afhentan á hóteli og
þangað var honum skilað. Lögreglumaður
sem við var rætt sagði að erfitt hefði verið
að ná til fólksins nema sitja fyrir því á hót-
elinu. Þegar ferðafólk skilaði hins vegar
bílum til bílaleiga væri staðan önnur. Þá
gæti lögreglan óskað eftir því að bílaleigan
léti vita og mætt á staðinn.
Hið sama hefði að sjálfsögðu átt að gilda
um starfsfólk hótelsins – og hefði það ekki
borið árangur hefði mátt stöðva fólkið á
flugvelli við brottför frá landinu. Óþarft er
hins vegar að gefast upp þótt náttúruníð-
ingurinn hafi flúið vettvang og síðan land.
Fyrir liggur hver var leigutaki bílsins svo
hægt er að hafa upp á honum í heimaland-
inu. Talsmaður bílaleigu, sem Morgunblað-
ið talaði við, gaf enda lítið fyrir það að ekki
væri hægt að rukka fólk þótt það væri farið
úr landi. Sagði hann að bílaleigur þyrftu
reglulega að fá erlendar lögfræðiskrif-
stofur til að rukka viðskiptavini sem væru
farnir af landi brott.
Fram hefur komið að fjöldi ökumanna
hafi verið staðinn að verki við utanvega-
akstur og landverðir á hálendinu þurfi nær
daglega að hafa afskipti af slíku háttalagi.
Margir segjast ekki hafa vitað af reglum
um utanvegaakstur eða ekki gert sér grein
fyrir að þeir væru að aka utanvega. Það
á að sönnu ekki við um þá sem gera sér
að leik að spóla upp viðkvæman jarðveg,
eins og var í tilfelli fyrrgreindra Frakka.
Þar var um skemmdarverk að ræða, hvorki
ókunnugleika né vanþekkingu, en vegsum-
merki um utanvegaakstur geta varað í ár
og áratugi.
Brýnt er að gera erlendum ökumönn-
um sem hingað koma í náttúruskoðun
grein fyrir reglum um akstur á hálendis-
vegum og að akstur utan þeirra sé bann-
aður – að viðlögðum sektum. Bót var að
því fyrir nokkrum árum þegar trygginga-
félög, ráðuneyti og bílaleigur settu upp
upplýsingaskilti við hálendisvegi og komu
upplýsingum í bílaleigubíla. Þá var nýtt
kynningarefni unnið af ýmsum hagsmuna-
aðilum í vor og dreift í flesta bílaleigubíla
og til þeirra sem komu til landsins með
ferjunni Norrænu. Það hefur þegar borið
árangur en betur má ef duga skal. Öllum
sem ferðast um viðkvæmt hálendi Íslands,
fjörur og aðra staði verður að vera ljóst
að utanvegaakstur er bannaður og að við
brotum sé brugðist með sektum sem menn
finna fyrir. Fræðslan er nauðsyn og flest-
ir fara eftir reglum en svartir sauðir geta
verið í stórum hópi. Tilkynna þarf um brot
þeirra og til þeirra þarf að nást. Sektir, sem
allir eru upplýstir um að beitt verði, hafa
forvarnargildi.
Beita þarf hörðu í baráttu gegn utanvegaakstri
Ná þarf náttúruníðingum
Jónas Haraldsson
jonas@frettatiminn.is
LóABORATORíUM LóA hjáLMTýSdóTTiR
Skeifunni 17, 108 Reykjavík. Sími: 531 3300. ritstjórn@frettatiminn.is Ritstjóri: Jónas Haraldsson jonas@frettatiminn.is Fréttastjóri: Hösk-
uldur Daði Magnússon hdm@frettatiminn.is. Auglýsingastjóri og stjórnarformaður: Valdimar Birgisson valdimar@frettatiminn.is. Framkvæmdastjóri: Teitur Jónasson
teitur@frettatiminn.is. Fréttatíminn er gefinn út af Morgundegi ehf. og er prentaður í 82.000 eintökum í Landsprenti.
POTTAPLÖNTU
ALLAR POTTAPLÖNTUR
20-50% AFSLÁTTUR
ÚTSALA
Skútuvogur - Grafarholt - Hafnarfjörður - Akureyri - Egilsstaðir
Vestmannaeyjar - Akranes - Ísafjörður - Selfoss
Friðarli
lja
1.4992.149
Orkide
a
1.9992.769
Þykkbl
öðunga
r
499
749
Kaktus
ar
499
749
Ástarel
dur
799
1.599
VERÐDÆMI
VERÐDÆMI
VERÐDÆMI
VERÐDÆMI
VERÐDÆMI
Það tekur á að fela sig
– við erum tilbúin að hlusta
Ókeypis Trúnaður Alltaf opinn
1717
.isHJÁLPARSÍMI OG NETSPJALL RAUÐA KROSSINS
Ný tækni
við göngu-
greiningu
Flexor notast við nýja tækni við
göngugreiningu. Göngu- og hlaupa-
brettið okkar býr yfir innbyggðum
þrýstinemum sem skilar nákvæmum
upplýsingum um göngulag.
Fáðu góð ráð, faglega göngugreiningu
og lausnir við stoðkerfisvandamálum
hjá Flexor.
Pantaðu
tíma
í síma
5173900
Orkhúsinu / Suðurlandsbraut 34 / 517 3900
niðurhal
einfalt
ótakmarkað
6.990
ljósleiðari ljósnet
vortex.is 525 2400
14 viðhorf Helgin 14.-16. ágúst 2015