Fréttatíminn - 21.08.2015, Qupperneq 36

36 bílar Helgin 21.-23. ágúst 2015
Porsche Macan er sportbíll í dulargerfi jepplings. Kraftur, falleg
hönnun og almenn gæði gera hann að einum besta jepplingi á
markaðinum. Eini gallinn við þessa lúxuskerru er hversu góð
hún er að öllu leyti. Bílstjórar gætu átt það á hættu að festast
bara í bílnum, sökum almennra þæginda.
P orsche Macan er vægast sagt alveg fáránlega góður bíll í alla staði. Ég held ég verði
bara að taka það djúpt í árinni að
segja að hann sé besti jepplingur
sem ég hef keyrt. Reyndar leið mér
frekar eins og ég væri að keyra
sportbíl en jeppling, bæði vegna út-
lits og upplifunar.
Sportbíll frekar en jepplingur
Bíllinn lætur ekkert sérstaklega
mikið yfir sér í ytra útliti, bara
nokkuð einfaldur og stílhreinn.
Minnir pínulítið á uppblásinn
Porsche sportbíl frekar en jeppling,
eða á Porsche Cayenne sem hefur
minnkað um tvö númer í þvotti. Allt
innra rýmið ber svo vott um alvöru
standard og gæði. Stílhreinar lín-
ur sem eru svo toppaðar með ein-
hverju flottasta fjölnota stýri norðan
Alpafjalla, sem er víst tekið beint úr
hinum margfræga ofursportbíl 918
Spyder, sem ýtir undir þá tilfinn-
ingu að verið sé að keyra alvöru
sportbíl, frekar en hvaða jeppling
sem er. Sætin gerast varla betri,
úr leðri og tæknilegri en nokkur
Lazy-Boy stóll því það eru hvorki
meira né minna en 18 mismunandi
stillingar til að þau aðlagist nú sem
allra best að hvaða líkama sem er.
Fremra rýminu er svo skipt algjör-
lega í tvennt með helling af tökk-
um á milli sætanna, sem er stórfínt
fyrir ferðafélaga sem hafa til dæmis
ólíkan smekk á hitastigi. Bílstjórinn
getur keyrt með kaldan miðstöðvar-
vindinn í hárinu á meðan félaginn
svitnar í lognmollu hægra megin,
og allir keyra sáttir.
Bíll sem býður upp á allt
En það er ekki bara almenn þæg-
indi, þökk sé góðri hönnun sem
gera Porsche Macan að besta jepp-
lingi á markaðinum, það er vélin
og krafturinn. Það er ótrúlegur
kraftur í bílnum og hann þýtur upp
á sekúndubroti, sem er kannski
ekki nauðsynlegt í landi þar sem
eru engar hraðbrautir en sem gef-
ur þó nokkra öryggistilfinningu
þegar það þarf að taka fram úr. Þar
að auki býður bíllinn upp á sport-
takka sem lætur vélina bregðast
enn hraðar við, sé þess óskað.
Annar skemmtilegur takki er tor-
færutakkinn sem lætur öll kerfi
fara í sérstaka veggripsstillingu
sem er sérsniðin fyrir utanvega-
akstur. Það má eiginlega segja að
þessi bíll bjóði upp á allt. Ég held að
eini gallinn við þessa lúxuskerru
sé hversu gott er að vera í henni.
Mann langar hreinlega ekki út úr
bílnum heldur bara halda áfram og
áfram að keyra í mjúku leðursæt-
inu með góða tónlist í græjunum
og miðstöðvarvindinn í hárinu án
þess að finna fyrir hvorki veghljóði
né veðráttu.
Halla Harðardóttir
halla@frettatiminn.is
Porsche
Macan s Diesel
Verð:
frá 11.790 kr.
Eyðsla:
6,3 l. / 100km
Kostir:
-7 gíra PDK-sjálf-
skipting sem skiptir
sér á sekúndubroti
og gerir aksturinn
aflmeiri.
-Torfæru-takki
-Sport-takki
-500 l. farangurs-
rými
-Þægindasæti með
18 stillingum
-Bose hljóðkerfi.
Gallar:
Engir.
 reynsluakstur Porsche Macan s Diesel
Of góður bíll
Spókar sig á Porsche-hjóli
Bílabúð Benna fagnar
fjörutíu ára afmæli á þessu
ári. Fyrirtækið hélt glæsi-
lega afmælishátíð 13. júní
síðastliðinn og bauð, við
það tækifæri, fólki að taka
þátt í afmælisleik með
stórglæsilegu Porsche-
reiðhjóli í vinning.
Nú hefur verið dregið
úr stórum potti þátttak-
enda og sigurvegarinn
var Þóra María Hjalta-
dóttir. Tekur hún sig vel
út á Porsche-hjólinu eins
og sjá má á meðfylgjandi
mynd.
www.odalsostar.is
Íslenskur Gouda-ostur hefur verið á boðstólum
á Íslandi frá árinu 1961. Í dag sér KEA Akureyri
um framleiðsluna. Fyrirmynd ostsins er hinn
frægi Gouda, frá samnefndum bæ í suðurhluta
Hollands. Gouda Sterkur er lageraður í sex
mánuði. Mjúkur, bragðmikill og þroskaður ostur
með skörpu bragði, sveppatónum, kryddkeimi
og langvarandi eftirbragði. Hentar við flest öll
tækifæri, hvort sem er á ostabakkann eða til að
setja punktinn yfir i-ið í matargerðinni.
GOUDA STERKUR
KRÖFTUGUR
Sími: 5 700 900 - prooptik.is
UMGJARÐADAGAR
Í PROOPTIK
UMGJARÐIR Á:
1
kr.
Ert þú í söluhugleiðingum?
510 7900
Þórunn Gísladóttir
Löggiltur fasteignasali.
Jóhanna Gustavsdóttir
Sölufulltrúi / BA atvinnufélagsfræði.
698 9470
johanna@fastlind.is www.fastlind.is
Hlíðasmára 6 201 Kópavogur www.FASTLIND.is/ /
Traust og góð þjónusta
Frítt verðmat