Fréttatíminn - 21.08.2015, Side 46

46 matur & vín Helgin 21.-23. ágúst 2015
Fararstjóri er Dr. Anna Elísabet
Ólafsdóttir, eigandi TanzaNice Farm
í Tansaníu.
Innifalið:
Allt flug með sköttum og gjöldum.
Allur flutningur milli staða með 5–7 manna
safarí-bílum.
Gisting og matur á upptöldum (eða sambæri legum)
gististöðum eins og er í ferðalýsingu.
Öll gjöld vegna aðgangs í þjóðgarða eins og lýst er.
Innlendur og íslenskur fararstjóri.
Tanzania
22. Janúar–4. febrúar
Einstök safari ferð til Tanzaniu á slóðir villtra dýra, ósnortinna náttúru
og fornrar menningar.
Við sjáum óviðjafnanlegt dýralíf í sínu náttúrulega umhverfi, þá kynnumst
við menningu heimamanna m.a. Masai þjóðflokknum. Ferðin er eitt ævintýri,
einstök upplifun sem lætur engan ósnortin.
675.900.- *
*Verð per mann i 2ja manna herbergi
588-8900 Transatlantic.is
É g eldaði þennan rétt fyrir nokkr-um árum fljótlega eftir að ég eign-aðist bók Juliu Child – Mastering
the Art of French Cooking. Þetta er ein
af hennar þekktustu uppskriftum. Fyrir
þá sem ekki kannast við Juliu Child þá
var hún afar þekktur sjónvarpskokkur
í Bandaríkjunum og gaf út þó nokkrar
matreiðslubækur og stýrði fjölda sjón-
varpsþátta um matargerð. Hún var efni
vinsællar bíómyndar sem allir matar-
bloggarar hafa ábyggilega gaman af –
Julie & Julia – þar sem bandarísk kona
eldar sig í gegnum bókina hennar sam-
tímis því að hún bloggar um reynslu sína
– þessari sögu er svo tvinnað saman
við ævisögu Juliu Child. Ljómandi góð
bíómynd. En þessi réttur er betri!
Þessi réttur er kannski hinn ókrýndi
konungur kássanna. Það er eiginlega
sorglegt hversu mikið af fegurðinni við
þennan rétt týnist í þýðingunni – Kássa!
Kássa – það einhvern veginn nær ekki
að fanga þá dásemd sem þessi langeld-
aði réttur er!
Og bragðið er á mörgum hæðum,
byrjar í grænmetinu, yfir í beikonið,
síðan kjötið og allt er þetta umlukið
dásamlegu víni sem nær að umbreyta
öllu í þessa dásemd sem Beouf Bourgu-
ignon er.
Þegar helgin rennur upp
er tilvalið að verðlauna sig
með góðum drykk. Gimlet
er einn af þessum sígildu
sem alltaf standa fyrir
sínu. Auðvelt er að hrista
hann saman og hann lífgar
sannarlega upp á góða
kvöldstund. Auðvelt er að
skipta gini út fyrir vodka
sé sá gállinn á fólki – eða
birgðastaða.
60 ml gin
15 ml lime-safi
15 ml sykursíróp
Skreytt með lime
Hrist saman í kokteilhristara
með klaka. Hellt yfir klaka.
Klassískur Gimlet
Dásemd í potti
Ragnar Freyr Ingvarsson fer sem
fyrr á kostum á matarbloggi sínu,
Læknirinn í eldhúsinu. Nú er hann
kominn í haustgír og þá er rétt að
henda saman góðum pottrétti. Við
birtum hér uppskrift Ragnars að
Beouf Bourguignon sem er innblás-
in af Juliu Child en með breytingum
Ragnars sjálf.
Fyrir sex til átta
1,5 kg vel fitusprengt nautakjöt
2 msk jómfrúarolía
1 flaska rauðvín
3 gulrætur
1 laukur
2 sellerístangir
150 g reykt beikon
250 g sveppir
20 litlir steikarlaukur
100 gr smjör
1,5 l nautasoð (1 l fyrir kássuna, ½ l fyrir
steikarlaukinn)
4 msk hveiti
3 lárviðarlauf
2 tsk timian
1 ½ msk tómatpúré
Salt og pipar
2 msk smátt skorin steinselja
1. Séuð þið með kröftugt beikon þarf að
sjóða það í fimm til tíu mínútur til að
milda aðeins reykkeiminn (eins mætti
hugsa sér að nota bara venjulegt
beikon).
2. Hitið olíuna í potti og steikið beik-
onið.
3. Skerið nautakjötið í veglega bita –
5x5 sm stóra, þerrið þá vel, saltið og
piprið.
4. Setjið beikonið til hliðar og brúnið
kjötið vel að utan – bara nokkra
bita í senn annars er hætta á því að
þeir sjóði í eigin vökva í stað þess að
brúnast.
5. Á meðan kjötið er brúnað skerið
þið grænmetið niður – laukinn og
selleríið fínt en gulræturnar heldur
gróflega.
6. Þegar kjötið er brúnað að utan
setjið þið það til hliðar og steikið
grænmetið þangað til að það er
mjúkt og glansandi. Saltið og piprið.
7. Bætið kjötinu og beikoninu saman
við í pottinn ásamt öllum vökva sem
hefur lekið af því.
8. Hrærið hveitinu saman við og tryggið
að það dreifist jafnt yfir kjötið.
9. Hellið víninu út í pottinn og hrærið
saman við.
10. Bætið við lárviðarlaufunum, timian,
tómatpúreinu og smátt skornum hvít-
lauknum.
11. Bætið kjötsoði saman við þangað
til að kjötið er hulið vökva. Hitið að
suðu, látið krauma í nokkrar mínútur
og færið síðan inn í 140 gráðu heitan
ofn. Bakið í þrjár klukkustundir.
12. Steikið sveppina í 50 gr af smjöri.
Saltið og piprið. Setjið til hliðar.
13. Takið utan af lauknum og steikið í 50
gr af smjöri. Saltið og piprið. Hellið
svo afganginum af nautasoðinu á
pönnuna og sjóðið alveg upp (tekur
um 35-45 mínútur) við miðlungshita.
Setjið til hliðar.
14. Þegar kássan er tilbúin veiðið þið
kjötið og grænmetið upp úr og setjið í
skál. Blandið sveppunum og lauknum
saman við.
15. Sé sósan þunn, sjóðið hana aðeins
niður yfir háum hita – hrærið í pott-
inum svo að hún brenni ekki. Hellið
henni í gegnum sigti og svo yfir kjötið
og skreytið með steinselju
Berið fram með kartöflumús og
góðu rauðvíni.
Beouf Bourguignon
Dásemd í potti innblásin af Juliu en með breytingum þó!
Ragnar Freyr Ingv-
arsson er kominn í
haustgír og reiðir
hér fram Beouf
Bourguignon.