Ský - 01.02.2008, Blaðsíða 12

12 ský | 1. tbl. 2008
áhugamaður um þess konar tónlist. Hann sinnti starfinu af
trúmennsku þó hann væri stundum alveg að því kominn að sofna
af leiðindum við trommusettið. Hann reyndi að vera búinn að
pakka trommunum niður áður en ballið var búið til að komast
sem allra fyrst heim. Þetta óðagot var ekki vel séð af dansstjóra
hússins, sem fannst pjakkurinn alveg geta beðið þar til ballið var
búið.
Bíladellan
Þó svo að tónlistin lægi í loftinu átti Ragnar sér annað áhugamál.
Hann var með ólæknandi bíladellu og hefur ekki enn fengið
lækningu við þeirri sýki. Faðir hans hafði starfað sem bifreiðastjóri
hjá Steindóri fyrstu árin sín í Reykjavík og átti alltaf ameríska bíla
sem hann notaði til að ferðast með fjölskylduna og hljómsveitina
um landið. Ragnar fékk stundum að taka í bíla föður síns bæði
innanbæjar í Reykjavík og úti á landi áður en hann hafði aldur til.
Þegar Ragnar var 14 ára greip Siggi pólití hann á bíl föður síns
í bænum. Hann fór beina leið með Ragnar heim til föður hans
og bað Bjarna um að fela lyklana svo strákurinn væri ekki að aka
innanbæjar á bílnum. Bjarni skynjaði að sjálfsögðu hvert stefndi
hjá Ragnari og keypti hálfkassabíl af Graham-Page gerð, árgerð
1927, handa syni sínum áður en hann fékk bílprófið. Bíllinn var
kominn til ára sinna og engin glæsikerra en dugði ágætlega. Á
þessum bíl þjösnuðust Ragnar og félagar hans og fóru stundum
á rúntinn, þó að bílinn væri ekki fagur. Ragnar vildi miklu
frekar láta sjá sig á bílum föður síns og fékk þá stundum lánaða.
Þegar hann vantaði skotsilfur bauðst hann til að aka fólki heim
eins og hver annar leigubílstjóri. Snemma beygðist krókurinn
því hann starfaði við leigubílaakstur samhliða söngnum árum
saman og starfrækti um árabil eigin bílaleigu. Ragnar hefur verið
þekktur fyrir það í gegnum tíðina að eiga glæsilegar bifreiðar,
helst amerískar drossíur sem hann telur jafnnauðsynlegar og góða
hljóðnema. Nýlega eignaðist hann einn slíkan sem hann keypti
beint frá Bandaríkjunum.
Hver ykkar er söngvarinn?
Þegar Ragnar var á átjánda ári starfaði hann um tíma sem
trommuleikari í hljómsveit Stefáns Þorleifssonar og seinna með
harmonikuleikaranum Rúti Hannessyni. Hann ferðaðist um
Hljómsveit Svavars Gests 11. Gunnar Pálsson t.v., Ragnar, Reynir Jónasson og Svavar í hvarfi aftan við hann, Elly Vilhjálms
og Örn Ármannsson.
Hljómsveit Ragnars í sviðinu í Súlnasal í ágúst 172. Árni
Sheving lengst til vinstri, Ragnar, Grettir Björnsson með
tambúrínu, Ómar Ragnarsson, Helgi Kristjánsson og Reynir
Jónasson.
Raggi Bjarna