Ský - 01.02.2008, Síða 69

1. tbl. 2008 | ský 
fyrir ferðaþjónustu eins og bátsferðir, leiðsögn, gistingu
og uppihald. Við rákumst stundum á Grænlendinga sem
voru að renna fyrir fisk með spúnastöngunum sínum en
fluguveiði hefur lítið verið stunduð í þessum ám. Flugan
er sterkara agn þarna ef eitthvað er.
Við sáum hreindýr á sveimi í fjarðarbotnum
og heyrðum ótrúlegar sögur af hreindýraveiði frá
leiðsögumönnum okkar sem voru þrautreyndir
hreindýraveiðimenn.
Hreindýraveiðin hefst þarna í september og er
enginn kvóti á veiðidýrum en þó þarf leyfi til slíkra
veiða. Auðvelt er fyrir áhugasama að nálgast slíka veiði
í gegnum Flugfélag Íslands og samstarfsaðila þess á
svæðinu.
Öll umgjörð og þjónusta við veiðimenn þarna var
fyrsta flokks. Leiðsögumennirnir skemmtilegir, fróðir
um landhætti og veiðislóð. Við gistum á Hótel Hans
Egede í Nuuk og vorum yfirleitt komnir heim á hótel
um kvöldmatarleytið, gjörsamlega búnir en alsælir með
veiðina og árnar sem við veiddum í. Á hótelinu er fyrsta
flokks veitingastaður og notalegur bar með einstöku
útsýni yfir Nuuk. sky,
Árnar eru margar hverjar vatnsmiklar og geyma
ótrúlegt magn af bleikju. Hér er kastað á fossbrotið
í einum af efstu stöðunum í á sem gaf m.a. um níu
punda nýgengna sjóbleikju.
Pálmi Gunnarsson og dóttir hans Ragnheiður skemmtu sér
vel við þurrfluguveiðar í fjallavatni upp til heiða.