Ægir - 01.03.2014, Blaðsíða 19

19
Fyrirkomulag strandveiða er
samkvæmt reglugerð sjávarút-
vegsráðuneytisins með nánast
óbreyttum hætti frá því sem
var í fyrra. Tvær breytingar eru
þó á, annars vegar að bátar
þurfa ekki að tilkynna
löndunarstað við upphaf veiði-
ferðar og hins vegar að enginn
eigenda lögaðila sem á bát
með strandveiðileyfi getur átt
aðild nema að einu strandveiði-
leyfi.
Fyrsti dagur strandveiða í ár
er mánudagurinn 5. maí,
róðradagar eru 4 dagar í viku -
mánudagur - fimmtudag að
undanskildum 1. maí, uppstign-
ingardegi, öðrum í hvítasunnu,
17. júní og frídegi verslunar-
manna.
Líkt og áður eru veiðisvæðin
fjögur, þ.e. A svæði nær frá
Eyja- og Miklaholtshreppi að
Súðavíkurhreppi, B svæði frá
Strandabyggð að Grýtubakka-
hreppi, C svæði frá Þingeyjar-
sveit að Djúpavogshreppi og D
svæði frá Sveitarfélaginu
Hornafirði að Borgarbyggð.
Mánuðir strandveiða eru
fjórir, þ.e. maí, júní, júlí og
ágúst. Heimildir einstakra
svæða má sjá í meðfylgjandi
töflu en samanlagt má veiða
8.600 lestir af óslægðum botn-
fiski á strandveiðum í ár. Fiski-
stofa stöðvar veiðar á tilteknum
svæðum með auglýsingu þegar
sýnt er að leyfilegum heildar-
afla í viðkomandi mánuði verði
náð og ber þá fiskiskipum á við-
komandi svæði að hætta veið-
um. Náist hins vegar ekki að
veiða heimilaðan afla tiltekins
landsvæðis í maí, júní eða júli
bætast ónýttar heimildir við
næsta mánuð þar á eftir. Sama
gildir ef afli er umfram heimild-
ir.
Hver veiðiferð á strandveið-
um má standa að hámarki í 14
klukkustundir og er miðað við
þann tíma sem fiskiskip lætur
úr höfn og þar til það kemur
aftur til löndunar. Aðeins er
heimilt að fara í eina veiðiferð á
hverjum degi.
Að hámarki má hafa fjórar
færarúllur um borð og engin
önnur veiðarfæri en hand-
færarúllur mega vera um borð.
Skipting heimilda á standveiðum í óslægðum botnfiski (tonn).
Botnfiskur maí júní júlí ágúst
Svæði A 725 858 858 429
Svæði B 509 611 611 305
Svæði C 551 661 661 331
Svæði D 600 525 225 150
8.600 lestir til skiptanna
á strandveiðum í sumar
Strandveiðiflotinn verður að í fjóra mánuði í ár, líkt og í fyrra.
Þeir geta verið vænir þorskarnir á strandveiðunum.
S
tra
n
d
v
eiða
r