Ægir - 01.03.2014, Blaðsíða 34

34
„Sérhæfing okkar felst í veiðum
á nýjum og vannýttum sjávar-
lífverum og við höfum nóg að
gera,“ segir Davíð Freyr Jónsson
hjá fyrirtækinu Arctic Seafood.
Frá árinu 2008 hefur þetta
litla fyrirtæki tekist á við áhuga-
verða nýsköpun í sjávarútvegi.
Árið 2010 byrjuðu Davíð Freyr
og félagar að reyna fyrir sér í
makrílveiðum á bát sínum,
Fjólu GK. Kílóin urðu ekki ýkja
mörg það árið en öllu betri
tveimur árum síðar en á vertíð-
inni 2012 fiskuðu þeir tæplega
250 tonn af makríl. „Þessi góði
árangur okkar og annarra það
árið varð líklega til þess að mikil
sprenging varð í áhuga smá-
bátasjómanna á makrílveiðun-
um og stórfjölgaði smábátum á
makrílveiðum síðasta sumar,“
segir Davíð Freyr en fyrirtæki
hans stendur ásamt fleirum að
landvinnslu sem opnar inn-
an skamms í Borgarnesi
þar sem ætlunin er m.a.
að vinna úr makríl.
Grjótkrabbinn
skemmtilegt hráefni
Annað nýsköpunarverk-
efni fyrirtækisins Arctic
Seafood síðustu ár hefur verið
veiðar á grjótkrabba sem er
krabbategund sem fyrst varð
vart við hér við land fyrir fáum
árum. Hingað hefur grjótkrabb-
inn líkast til borist erlendis frá
með kjölvatni millilandaskipa
en smám saman hefur út-
breiðsla krabbans aukist í Faxa-
flóa og við nær allt vestanvert
landið. „Veiðar á grjótkrabba
eru á haustin og enn í smáum
stíl. Við höfum verið að vinna
krabbann, sem er mjög
skemmtilegt hráefni, en tveir
veitingastaðir
hafa keypt af
okkur
krabba og
krabb-
afurðir; Vit-
inn í Sand-
gerði og
Kopar í Reykja-
vík. Það hvort
grjótkrabbaveiðarnar geta
orðið arðbærar grundvallast
helst á því að vinnsla sé að baki
veiðunum og þar hefur Matís
hjálpað okkur mikið fram að
þessu. Því miður hefur enginn
stuðningur fengist úr nokkrum
sjóði í að þróa vinnsluna þrátt
fyrir fjall af umsóknum sem við
höfum sent frá okkur undanfar-
in ár. Það hefur helst valdið
okkur vonbrigðum,“ segir Davíð
Freyr.
Leikreglurnar þurfa að breytast
Aðspurður segir Davíð Freyr að
makrílveiðarnar hafi gert fyrir-
tæki hans kleift að halda áfram
rannsóknum á grjótkrabbanum
sem hann telur mjög áhuga-
verðar veiðar sem eigi að geta
skilað útflutningstekjum í fram-
tíðinni.
„Frumkvöðlastarf eins og
það sem við vinnum við þarf
hins vegar á einhverri umgjörð
að halda, sérstaklega þar sem
leikreglur í sjávarútvegi virðast
oft vera skrifaðar eftir að leik er
lokið en ekki áður en hann
hefst. Afleiðingarnar verða þær
að það vill enginn taka á sig
þróunina, þessu þarf að snúa
við og örva um leið framtaks-
semi þar sem ótal tækifæri eru í
sjávarútvegi í dag,“ segir Davíð
Freyr Jónsson hjá Arctic
Seafood.
Frumkvöðlar í makríl- og
grjótkrabbaveiðum
ARCTIC
ICELAND
S E A F O O D
Grjótkrabbi er einn af nýjustu landnemunum á
Íslandsmiðum og veiðist á stóru svæði fyrir vestan land.
S
m
á
b
a
ta
ú
tg
erð