Morgunblaðið - Sunnudagur - 11.01.2015, Blaðsíða 8

8 MORGUNBLAÐIÐ SUNNUDAGUR 11.1. 2015
Ég tel að betur fari á því að einstaklingarreki skóla en hið opinbera. Ég hef samtgengið menntaveginn að mestu leyti í op-
inberum skólum. Ég tel einnig að betur fari á því
að starfsmenn í heilbrigðiskerfinu séu ekki bara
launamenn hjá ríkinu heldur beri einnig ábyrgð
á rekstrinum. Ég hef samt nýtt mér opinbera
heilbrigðiskerfið. Þá finnst mér að fela eigi
einkaaðilum meiri ábyrgð við vegagerð en nú er.
Samt ek ég um á ríkislagða malbikinu, meira að
segja Hvalfjörðinn fallega þótt einkavegur að
sama áfangastað standi til boða. Mér þykja
skattar á Íslandi alltof háir og hef barist fyrir
lækkun þeirra með margvíslegum rökum. Ég
borga þó alla álagða skatta. Ég lagðist gegn lög-
um um „laun“ til handa nýbökuðum foreldrum,
úr hendi ríkisins, í mörgum tilfellum himinháum,
í fæðingarorlofi. Ég er enn sömu skoðunar. Sjálf
hef ég þó þegið greiðslur úr fæðingarorlofssjóði,
tvisvar. Er ég ósamkvæm sjálfri mér? Er það
hræsni að ganga í opinberan skóla en vera um
leið fylgjandi einkareknum skólum?
Ég hefði auðvitað getað sleppt því að lesa lög-
fræði við Háskóla Íslands og lært t.d. nudd í ein-
um af fáum einkareknum skólunum sem þá
störfuðu. Ég gæti líka tékkað mig inn á Mayo
Clinic þegar ég verð veik. Þetta með göturnar og
gangstéttarnar er vandasamara en mögulega
gæti ég samið við borgarbúa um að mega ganga
á grindverki og á lóðum þeirra heiman frá mér
til vinnu. En væri öll þessi staðfesta baráttu
minni til framdráttar? Þar sem ég sæti í fangelsi
fyrir stórfelld skattundanskot, yrði þrýsting-
urinn um skattalækkun óbærilegur fyrir löggjaf-
ann?
Formaður Bjartrar framtíðar hefur eins og
margir aðrir lagst mjög gegn leiðréttingunni
svokölluðu, hann með þeim rökum að með henni
væri verið að hjálpa fólki sem ekki þyrfti hjálp.
Um áramótin lýsti hann því svo yfir að hann
myndi ekki þiggja leiðréttinguna. Hann sótti að
vísu um en að sögn í þeim tilgangi einum að
hafna henni. Væntanlega líka í þeim tilgangi að
geta upplýst um hversu mikla aðstoð hann væri
að afþakka. Nú kann að vera að formaður þessi
þiggi ekki barnabætur, vaxtabætur og fæðing-
arorlof svo dæmi séu tekin af aðgerðum til að
hjálpa þeim sem minnst hafa. En ef það er ekki
svo þá er yfirlýsing sem þessi dæmigert lýð-
skrum stjórnmálamanns. Fyrir utan að þjóna
engum tilgangi öðrum en slá sjálfan sig til ridd-
ara gerir hann lítið úr þeim sem eru sammála
honum um leiðréttinguna sem slíka en hafa
hreinlega ekki efni á að láta hana fram hjá sér
fara.
Og hví skyldu menn líka láta hjá líða að tak-
marka mögulegt tjón sitt af „leiðréttingunni“ t.d.
vegna verðbólgu sem af henni hlýst, með því að
þiggja ríkisstyrkinn?
Píslarganga stjórnmálamanns
* Það getur verið þunnlína á milli lýðskrumsog stefnufestu í stjórn-
málum. Menn geta hins
vegar farið eftir lögum þótt
þeir séu þeim andvígir.
ÚR ÓLÍKUM ÁTTUM
Sigríður Ásthildur
Andersen
sigga@sigridurandersen.is
Samningar náðust við lækna í vik-
unni. Forstöðumaður höfuðborg-
arstofu, Einar Bárðarson, skrifaði
á Twitter rétt áður en samið var:
„Af hverju finnst
formanni samn-
inganefndar lækna
að kröfur þeirra
komi okkur ekki
við? Læknar eru að
semja við okkur ? #hallo!“ Þegar
samningar höfðu þá tekist bætti
hann við annarri læknafærslu:
„Samningar hafa náðst við Dr. Love,
Dr. No, Dr. Hook og Dr. Feelgo-
od.“
Bubbi Mort-
hens lét heldur
ekki hjá líða að
leggja orð í belg og
skrifaði á Face-
book: „Þúsund
sjúklingar á færibandinu þokast
nær.“
Voðaverkin í París í vikunni voru
fólki hugleikin og lögðu margir orð í
belg á samfélagsmiðlunum.
Nanna Rögnvaldardóttir mat-
argúru skrifaði á Facebook: „At-
burðir eins og í País í gær koma
manni til að hugsa. Eða mér alla-
vega. Um tjáningarfrelsið og hvar
mörk þess liggja, til dæmis. Um
hvað gerist þegar ósamrýmanlegum
viðhorfum, lífsskoðunum eða
grundvallarprinsippum slær saman
– og hvaða afstöðu maður á að hafa
til þess. Um hugrekki og hugleysi.
Um samkennd og samábyrgð. Og
bara svo margt annað sem kristall-
ast á ýmsan hátt í þessum atburð-
um, aðdraganda þeirra og eft-
irköstum, sem þó sér engan veginn
fyrir endann á. Ég hef einhvernveg-
inn á tilfinningunni að ég eigi eftir að
hugsa töluvert meira á næstunni.“
Elín Hirst skrif-
aði á Facebook:
„Ég er Charlie. Ég
er mjög hrifin af
þessu slagorði sem
sýnir samúð í garð
þeirra sem féllu fyrir morð-
ingjahendi í París í gær, ásamt því að
vera skilaboð til hryðjuverkamann-
anna sem frömdu ódæðið; með því
að ráðast á þá ertu að ráðast á
mig.“
AF NETINU
Vettvangur
Breiðskífan What’s hidden there
með goðsagnakennda rokkbandinu
íslenska Svanfríði er til sölu á upp-
boðsvefnum Ebay og er ásett verð
hjá seljanda litlar 130.000 íslenskar
krónur.
Platan er sögð upprunaleg útgáfa
frá 1972 en þau eintök eru afar sjald-
gæf og þykja gullmolar hjá aðdáend-
um hljómsveitarinnar. Þannig tók
Hi Note-útgáfan í Bretlandi sér það
kolólöglega bessaleyfi að setja plöt-
una á geisladisk árið 1995, með því
að láta afrita vínyleintak af plötunni.
What́s hidden there hefur einnig
verið seld endurútgefin á löglegan
hátt af þýsku útgáfunni Shadoks
Music sem gaf hana út árið 2011 í
500 tölusettum vínyleintökum og
einnig á geislaplötu.
Þótt tónlistin hafi ekki verið mikið
spiluð opinberlega hérlendis frá því
að bandið var og hét er hún í miklum
metum víða erlendis og á sér aðdá-
endur um allan heim. Hefur því ver-
ið fleygt um þessa tilteknu plötu
Svanfríðar að hún hefði orðið víð-
fræg ef hún hefði verið gefin út í
Bretlandi og á heimasíðu Shakods-
útgáfunnar er hún kölluð ein besta
neðanjarðarplata sem komið hefur
frá Skandinavíu.
Svanfríður spilaði aðeins saman í
tvö ár en meðlimir Svanfríðar voru
þeir Pétur Kristjánsson sem söng,
Birgir Hrafnsson á gítar, Gunnar
Hermannsson á bassa, Sigurður
Karlsson á trommum og Björgvin
Gíslason á gítar. Róbert Árni Heið-
arsson samdi lagatextana á enska
tungu.
What́s hidden there var hljóðrituð
í London með Didda fiðlu, Sigurði
Rúnari Jónssyni, en hljómsveitin
leystist upp aðeins rúmu ári eftir að
hún var stofnuð, árið 1973 en hafði
þá túrað um allt land og eignast
aðdáendur víða.
Seljandi plötunnar er í Svíþjóð og
segir á Ebay að bæði sé platan upp-
runaleg og einnig að plötuhulstrið og
platan sjálf séu í góðu ástandi. Þess
má geta að fyrir um 10 árum komust
þessar plötur einnig í fréttirnar fyrir
að vera dýrar en þá kostuðu þær um
70.000 íslenskar krónur.
Eintak af What’s hidden there á 130.000 kr.
Mynd af plötu Svanfríðar sem seljandinn hefur sett á Ebay.
ebay.com
Pétur Kristjánsson var einn af for-
sprökkum hljómsveitarinnar Svanfríðar.