Morgunblaðið - Sunnudagur - 11.01.2015, Blaðsíða 59

11.1. 2015 MORGUNBLAÐIÐ SUNNUDAGUR 59
Einn fremsti myndlistarmaður
þjóðarinnar, Helgi Þorgils Frið-
jónsson, hefur sent frá sér
áhugaverða ferðadagbók sem
nefnist „Menningarferð frá R.
til N. til Namibíu og Aftur til
R.“
Í bókinni segir frá vinnuferð
sem listamaður fór í til Nami-
bíu árið 2013 á vegum þýska
ríkisins, að vinna að list sinni í
skjóli þýskra landnema þar í
landi sem hafa komið upp lista-
safni og styðja við listræna
sköpun. Helgi Þorgils greinir
frá ferðalaginu og vinnu sinni,
auk þess að fjalla um mannlífið
og annað sem ber fyrir augu á
persónulegan hátt. Bókina
prýða myndir af nokkrum mál-
verkum sem urðu til í ferðinni
auk ljósmynda. Þetta er þriðja
bókin af þessu tagi sem Helgi
Þorgils sendir frá sér.
Afríkuferð
Helga Þorgils
Mín eigin orð er heiti bókar sem kom út í tilefni sextugsafmælis
Ingibjargar Sólrúnar Gísladóttur þann 31. desember síðastliðinn.
Samfylkingin stendur að útgáfu bókarinnar sem hefur að geyma
margar af blaðagreinum, ritgerðum og ræðum Ingibjargar Sólrúnar
frá tveimur síðustu áratugum.
Í ritinu, sem skipt er upp í sex efniskafla, má meðal annars finna
frægar Borgarnesræður Ingibjargar Sólrúnar auk greina sem frá
henni komu í kjölfar hrunsins. Árni Páll Árnason, formaður Sam-
fylkingarinnar, ritar aðfaraorð og Ingibjörg Sólrún sjálf ritar loka-
orð bókarinnar.
„Andstæða hinnar feminísku sýnar um jafnrétti, lýðræði og sam-
vinnu er hugmyndaheimur feðraveldisins sem byggist á sterkum
foringja, boðvaldi og hlýðni. Þó að feðraveldið hafi formlega verið
aflagt á Íslandi eins og annars staðar á Vesturlöndum er hinn hug-
myndalegi arfur þess enn við lýði og pólitísk menning á Íslandi er
mjög mótuð af slíkum hugmyndum. Ég er ekki frá því að greinarnar
sem birtast í þessu riti varpi nokkru ljósi á glímu mína við þennan
hugmyndaarf en þær varpa líka ljósi á þá pólitísku glímu sem ég tók
þátt í við þau öfl sem réðu för í íslensku samfélagi á síðari hluta 20.
aldar og fram á þessa öld – og gera kannski enn,“ ritar Ingibjörg
Sólrún í lokaorðum bókarinnar. Bókin er fáanleg í bókaverslunum
og á skrifstofu Samfylkingarinnar að Hallveigarstíg 1 í Reykjavík.
Ræðum og greinum Ingibjargar Sólrúnar Gísladóttur, fyrrverandi ut-
anríkisráðherra, hefur verið safnað saman og þær gefnar út á bók í
tilefni sextugsafmælis hennar þann 31. desember 2014.
Morgunblaðið/Jim Smart
GLÍMDI VIÐ HUGMYNDAARF FEÐRAVELDISINS
Tími undranna var valin ein af
bestu bókum ársins þegar hún
kom út í Bandaríkjunum 2012.
Hún er nú komin út í íslenskri
þýðingu Davíðs Þórs Jóns-
sonar. Salka gefur bókina út en
hún er fyrsta bók höfundarins
Karen Thompson Walker.
Hún starfaði sem ritstjóri hjá
stóru útgáfufyrirtæki þegar
hugmyndin að bókinni kvikn-
aði árið 2004 þegar Walker las
um hamfarirnar í Indónesíu þegar flóðbylgjan mikla
hægði á snúningi jarðar í örfá sekúndubrot.
Í bókinni segir frá Júlíu og fjölskyldu hennar sem búa
í rólegu úthverfi í Kaliforníu. Eitthvað óvenjulegt ligg-
ur í loftinu og smám saman átta þau sig á því að snún-
ingur jarðar hefur hægt á sér.
Financial Times, People, Oprah-tímaritið og fleiri
miðlar völdu bókina eina af þeim bestu árið 2012.
METSÖLUBÓK KOMIN
ÚT Í ÍSLENSKRI ÞÝÐINGU
Jón Arnar Guðbrandsson og
Jón Gunnar Geirdal eru höf-
undar svokallaðrar Djúsbókar
Lemon en útgefandi er Vaka-
Helgafell.
Í bókinni er að finna fjörutíu
uppskriftir að alls kyns söfum
og þeytingum sem búnir eru
til úr ávöxtum, grænmeti,
skyri, ýmiss konar náttúrulegu
kryddi og bragðefnum.
Bókin er kennd við veitinga-
staðinn Lemon sem var opn-
aður í byrjun árs 2013, þá
fyrst á Suðurlandsbraut en
staðurinn var síðar einnig
opnaður við Laugaveg en þeir
félagar Jón Arnar og Jón
Gunnar hafa rekið staðina
sem einnig eru þekktir fyrir
samlokur.
Félagar á
Lemon gefa
út bók
Afríka, vestrið
og dýrindis
djúsar
NÝJAR BÆKUR
BÓKAÚTGÁFA ER MEÐ LÍFLEGASTA MÓTI
Í DESEMBER EN Í UPPHAFI NÝS ÁRS
HÆGIR HELDUR Á ÚTGÁFU. ÞÓ KENNIR
ÝMISSA GRASA Í HILLUM BÓKAVERSLANA
EF VEL ER AÐ GÁÐ.
Skáldsagan Leiðirnar vestur eftir
Reid Lance Rosenthal í þýðingu
Jóns H. Karlssonar er komin út
hjá útgáfufélaginu Pilgrim Publ-
ishing í Reykjavík. Í bókinni, sem
er sú fyrsta af fimm í sömu rit-
röð, er sögð saga úr ameríska
vestrinu sem hefst árið 1854.
Einstaklingar úr öllum heims-
hornum laðast á þessum tíma
að fyrirheitna landinu. Róm-
antíkin fléttast inn í söguna á
margslunginn hátt og örlög
fólksins sem sagan er um mót-
ast af hættum vestursins og
náttúruöflunum.
Rómantík í vestrinu
Bókaútgáfan Merkjalækur hefur gefið út
áhugaverða bók, „Smalinn – Sagan af
Magga og ævintýrum hans og afrekum“.
Smalinn er skáldsaga sem gerist á of-
anverðri 19. öld og var skrifuð af Sig-
urði H. Sigurðssyni (1874-1948) en
kemur nú fyrst á prent. Í henni segir af
smala á Norðurlandi sem lendir í mikl-
um mannraunum og heldur síðar út í
heim. Höfundurinn stundaði á sínum
tíma verslunarstörf á Norðurlandi.
Smali á prent löngu
eftir lát höfundar
BÓKSALA 31. DES-6. JAN
Allar bækur
Listinn er tekinn saman af Eymundsson
1 Danskur málfræðilykillHrefna Arnalds
2 Almanak Háskóla Íslands 2015Þorsteinn Sæmundsson
3 LjónatemjarinnCamilla Läckberg
4 Íslenska fjögurRagnhildur Richter / Sigríður Stefáns-
dóttir / Steingrímur Þórðarson
5 Tungutak - MálsagaÁrdís Arnalds / Elínborg
Ragnarsdóttir / Sólveig Einarsdóttir
6 Tíminn minn Dagbók 2015Björg Þórhallsdóttir
7 Sveitin í sálinniEggert Þór Bernharðsson
8 Handbók um ritun og frágangÞórunn Blöndal
9 Almanak Þjóðvinafélagsins 2015Þorsteinn Sæmundsson /
Gunnlaugur Björnsson
10 Iceland Small World - LítilSigurgeir Sigurjónsson
Kiljur
1 LjónatemjarinnCamilla Läckberg
2 ÓvinafagnaðurEinar Kárason
3 MánasteinnSjón
4 AfleggjarinnAuður Ava Ólafsdóttir
5 NorðurljósEinar Kárason
6 EnglasmiðurinnCamilla Läckberg
7 ÓróiJesper Stein
8 SólstjakarViktor Arnar Ingólfsson
9 VilltCheryl Strayed
10 Í innsta hringViveca Sten