Morgunblaðið - Sunnudagur - 11.01.2015, Blaðsíða 44

Stjörnukortið
GUNNLAUGUR GUÐMUNDSSON
www.islenskstjornuspeki.is
Innhverfur og dulur
Jón Arnór er hógvær og jarðbundinn í grunneðli sínu.
Hann er duglegur og samviskusamur. Hann er inn-
hverfur, dulur og frekar lokaður tilfinningalega, a.m.k.
gagnvart ókunnugum. Hann er næmur og frekar utan
við sig. Hann dvelur því töluvert í eigin heimi. Jón
Arnór býr yfir miklum sprengikrafti þegar líkamlegt atgervi og
íþróttir eru annars vegar. Þegar litið er til heildarinnar má segja að
Jón Arnór sé fallegur og heilsteyptur maður. Venus, kærleiks- og feg-
urðarorkan, var að rísa yfir sjóndeildarhringinn þegar hann kom í þenn-
an heim.
Sjálfsgagnrýni getur stíflað tjáningu
Jón Arnór er kurteis, yfirvegaður og málefnalegur þegar
hugsun er annars vegar. Hann hefur sterka réttlætiskennd.
Hann vandar sig hvað varðar máltjáningu og það stundum
um of, þ.e.a.s. sjálfsgagnrýni getur háð honum og stíflað tján-
ingu hans. Þessi eiginleiki getur hindrað hann í að afla sér
menntunar. Á móti má segja að Jón Arnór er athafnamaður, sá sem vill
hreyfa sig líkamlega og framkvæma, en ekki sitja hangandi yfir bókum. Það
er í raun næsta augljóst. Sem Meyja þá beinist athygli hans töluvert að
heilsumálum, því að hámarka afköst líkamans og huga vel að næringu og
hvíld. Það er Meyjan sem fann upp á því að telja kaloríur í einstökum mat-
vælum. Hún er smámunansöm og nákvæm svo um munar. Og fullkomnunar-
áráttan er sterk.
Í góðu jafnvægi
Jón Arnór er í góðu jafnvægi þegar tilfinningar eru annars
vegar. Þessi þáttur tilverunnar er ekki að þvælast fyrir hon-
um. Hann elskar Lilju sína og börnin. Punktur. Hann er
mikill fjölskyldumaður. Hann er opinn og hlýr gagnvart sín-
um nánustu, en var um sig og varkár gagnvart ókunnugum.
Hann er sömuleiðis frekar gagnrýninn á sjálfan sig, næmur á neikvæðni og
ýmis smáatriði sem hann kann að sjá í eigin fari.
Má brjóta sig út úr skelinni
Elsku Jón. Þú ert afreksmaður í íþróttum. Það er
augljóst. Þú býrð yfir miklum sprengikrafti. Bar-
áttuorka þín (mars) er eldur (í Bogmanni). Þú
starfar einungis á fullum dampi þegar þú logar af
áhuga. Orkukerfi þitt er frekar kalt, fyrir utan
baráttuorkuna. Til að hún blómstri þarftu að hita
vel upp, ná upp bruna sem kveikir í stríðsmanninum. Vandamálið
við eldinn er að það er ekki hægt að segja honum að loga í
þrjár mínútur og síðan slökkva í þrjár og kveikja aftur í þrjár.
Þú þarft að vita af þessu og þjálfari þinn þarf sömuleiðis að vita
af þessu.
Einhverjum kann að finnast þetta eld-tal einkennilegt. En mál-
ið er að eldsmerkin, Hrútur, Ljón og Bogmaður, búa yfir þeim
eiginleikum að þurfa að loga og brenna af áhuga, til að hafa full-
an aðgang að orku sinni.
Síðan er það hógværðin. Þú mátt láta vita meira af þér. Mátt
brjóta sjálfan þig aðeins út úr skelinni. Og í kjölfarið taka aukin
völd á vellinum. Hógværð er kostur, en ef þú situr um of á eig-
in egói, þá ná eldurinn og sprengikrafturinn ekki að njóta sín
sem skyldi. Vertu endilega kurteis í einkalífinu, en leyfðu villi-
manninum að koma fram í hita leiksins.
Og að lokum, fullkomnunarþörf, sjálfsgagnrýni og ímyndunarafl.
Ég tel, Jón Arnór, að þú eigir til að brjóta þig niður. Hafa
áhyggjur af smáatriðum. Tala of mikið við sjálfan þig. Jóga og
hugleiðsla geta hjálpað upp á þetta atriði. Hugleiðsla sem þjálfun
í vakandi athygli, því að vera án þess að hugsa, getur hjálpað
þér að ná enn lengri í íþróttinni.
Íþróttamaður sem er stöðugt að hugsa um stöðuna í hita leiks-
ins getur fyllst kvíða sem dregur úr getu hans. Ef hann er að
hugsa um eigin frammistöðu og lítur um of á klukkuna, þá tapar
hann einbeitingu. Íþróttamaður sem hugsar hvorki um stöðu
leiksins né gang klukkunnar, dreifir ekki athygli sinni og berst
af krafti fram á síðustu stundu. Hann einbeitir sér allan tímann.
Hann getur framkvæmt hvað sem er, á sekúndubroti.
Hógvær en frekar
utan við sig
JÓN ARNÓR STEFÁNSSON ER FÆDDUR 21. SEPTEMBER 1982, KLUKKAN 6 UM MORGUN, Í SKÖVDE,
SVÍÞJÓÐ. SÓLIN (GRUNNEÐLI OG LÍFSORKA), VENUS (KÆRLEIKSORKA) OG RÍSANDI (FRAMKOMA)
ERU Í HINU JARÐBUNDNA MEYJARMERKI, TUNGLIÐ (TILFINNINGAR OG VANAHEGÐUN) Í HINUM
NÆMA OG DULA SPORÐDREKA, MERKÚR (HUGSUN) Í HINNI FÁGUÐU OG KURTEISU VOG OG MARS
(BARÁTTUORKAN) Í HINUM LÍFLEGA OG LEITANDI BOGMANNI.
ÕGrunneðli
]
Vitsmunir
Y
Tilfinningar
—
Ráðleggingar
Ljósmynd/Unicaja B. Fotopress
Meyjan (23. ágúst – 23. september)
Meyjarmerkið spannar síðustu þrjátíu daga sumars. Gróður hefur náð blóma og ávextir jarð-
arinnar þroska. Meyjan er því fædd á frjósömum uppskerutíma, tíma athafnasemi, vinnu og undirbún-
ings fyrir komandi vetur. Verkefni hennar er að koma uppskeru í hús. Þetta er nokkurs konar vertíð-
artími náttúrunnar. Meyjan er því þjónustu- og vinnumaur dýrahringsins.
r
 Jón Arnór Stefánsson er í sambúð
með Lilju Björk Guðmundsdóttur, lög-
fræðingi, og þau eiga tvö börn, Guðmund
Nóel og Stefaníu Björk.
 Foreldrar hans eru Stefán Eggertsson
og Ingigerður Jónsdóttir. Jón Arnór kem-
ur úr mikilli íþróttafjölskyldu og systkini
hans, Íris, Ólafur, Stefanía og Eggert, hafa
öll látið til sín taka á því sviði og Ólafur
var jafnframt fjórum sinnum kosinn
íþróttamaður ársins á árunum 2002-2009.
 Hann lék körfubolta upp alla yngri
flokkana með KR og fór síðar í nám til
Bandaríkjanna. Tímabilið 2000-2001 var
fyrsta tímabil hans með KR í úrvalsdeild
og var hann þá valinn besti nýliði deild-
arinnar.
 Árið 2002 hélt hann svo út í atvinnu-
mennsku og hófst þá blómlegur ferill
hans erlendis þar sem hann hefur spilað
körfubolta í bestu deildum heims. Hann
hefur komið víða við og meðal annars
spilað í NBA-deildinni í Bandaríkjunum,
Rússlandi, Þýskalandi og Spáni.
 Jón Arnór hefur spilað með íslenska
landsliðinu frá 18 ára aldri og fór fyrir
liðinu í sumar þegar það bar sigurorð af
liði Breta í mögnuðum leik og tryggði sér
þannig í fyrsta skipti sæti í lokakeppni
Evrópumótsins í körfuknattleik sem fram
fer í september.
JÓN ARNÓR STEFÁNSSON
KÖRFUBOLTAMAÐUR
44 MORGUNBLAÐIÐ SUNNUDAGUR 11.1. 2015