Morgunblaðið - Sunnudagur - 11.01.2015, Blaðsíða 20
20 MORGUNBLAÐIÐ SUNNUDAGUR 11.1. 2015
Ferðalög og flakk
TOPPÁFANGASTAÐIR ÁRSINS AÐ MATI ÞEKKTRA FERÐATÍMARITA
Hvert á að ferðast
árið 2015?
HVERT LIGGUR LEIÐIN Í SUMAR- EÐA VETRARFRÍINU Í ÁR? MÖGULEIKARNIR
ERU ÓENDANLEGIR OG OFTAST TAKMARKAÐIR AF FJÁRRÁÐUM OG TÍMA
FREKAR EN HUGMYNDAFLUGI. HÉRNA ERU TALDIR UPP NOKKRIR ÁFANGA-
STAÐIR BÆÐI NÆR OG FJÆR SEM ERU OFARLEGA Á BLAÐI FYRIR ÞETTA ÁR.
Á LISTUNUM SEM BIRTIR ERU HÉRNA TIL HLIÐAR MÁ FINNA ENN FLEIRI
ÁFANGASTAÐI FYRIR ÞÁ SEM VILJA LÁTA SIG DREYMA EÐA BYRJA AÐ SKIPU-
LEGGJA DRAUMAFRÍIÐ.
Inga Rún Sigurðardóttir ingarun@mbl.is
Nambibía lenti í öðru sæti yfir lönd
til að heimsækja 2015 hjá Lonely
Planet. Landið fagnar 25 ára sjálf-
stæðisafmæli í ár. Landið hefur náð
miklum árangri í sjálfbærri þróun
og er fyrsta landið í Afríku sem set-
ur umhverfisvernd í stjórnarskrána.
Til að ná markmiðum sínum fá héruð
vald yfir sínu svæði og hefur árang-
urinn verið góður. Þetta hefur þó
ekki komist eins mikið í fréttirnar og
landeyðing, veiðiþjófnaður eða aðrar
hörmungar annars staðar í álfunni.
Alls eru 19% landsins þjóðgarður
eða fólkvangur og hefur það mikil
áhrif. Dýralífið blómstrar og ólíkt
annars staðar er ljónum og gíröffum
að fjölga.
Dýralífið og náttúran heillar í Namibíu.
Ljósmynd/Hans Hillewaert
Náttúrufegurð í Namibíu
Washington D.C. er á listanum hjá
Lonely Planet og ennfremur er
National Mall-garðurinn í borginni
á listanum hjá National Geograp-
hic Traveler. Washington er ein-
hver besta borg í heiminum til að
sækja heim söfn og skoða minn-
ismerki og dregur Smithsonian-
safnið marga að. Á þessu ári verða
liðin 150 ár frá því að Abraham
Lincoln var myrtur og verður þess
minnst með ýmsum hætti. Til
dæmis verður hægt að skoða hinn
fræga pípuhatt þessa 16. forseta
Bandaríkjunna og byssuna sem
hann var myrtur með.
Ef til vill hefur haft áhrif á vin-
sældir borgarinnar að tveir vinsæl-
ir sjónvarpsþættir gerast í henni,
Spilaborg og Scandal. Áherslan er
þó þar á mannlífið fremur en minn-
ismerki en þau eru þó alltaf í aug-
sýn í borginni.
Fyrir utan aðdráttarafl sögunnar
þykja nú vera margir góðir veit-
ingastaðir í borginni sem bjóða upp
á framandi mat og nætur-
klúbbarnir eru líflegir. Ennfremur
er hægt að versla og þá ekki síst í
Georgetown, sem hefur blómstrað
sem tískuhverfi að undanförnu.
Bæði Icelandair og WOW eru
með beint flug til Washington.
Minnismerki og
matsölustaðir
Minnismerki um hermenn sem
féllu í Víetnam. Minnismerkið um
Georg Washington rís í bakgrunni.
Morgunblaðið/Einar Falur
Macau er ekki lengur lélegri útgáf-
an af Las Vegas heldur hefur stað-
urinn vaxið og dafnað síðustu ár.
Tekjurnar af spilavítunum þar eru
sex sinnum meiri en í Las Vegas.
Nýríkir Kínverjar streyma þangað
til að stunda fjárhættuspil og
skemmta sér.
Macau hefur þó upp á margt
fleira að bjóða en spilavíti. Portú-
gölsk arfleifð staðarins þýðir að
matargerðin þar er suðupottur af
evrópskum, afrískum, indverskum
og kínverskum mat.
Hvar annars staðar er hægt að
heimsækja kínverskt búddahof um
morguninn, fara í hæsta teygju-
stökk í heimi yfir miðjan daginn,
borða á Michelin-veitingastað um
kvöldið, fara í sitt fínasta púss á
skemmtisýningu um kvöldið og
enda á nætursnarli á kínverskum
götumarkaði?
Glys, þys og spilavíti
Tekjurnar af spilavítunum í Macau eru sex sinnum meiri en í Las Vegas.
Ljósmynd/Diego Delso
Zermatt er á báðum úrvalslistunum
sem birtir eru hér til hliðar sem hlýt-
ur að hafa eitthvað að segja. Nú þeg-
ar dregur bærinn að sér eina og
hálfa milljón ferðamanna á ári.
Ástæðan er helst sú að þetta er eini
bærinn við hina svissnesku hlið
fjallsins Matterhorn. Fjallið er ekki
það stærsta í Ölpunum en það er ein-
stakt að lögun og er áreiðanlega það
fjall í heimi sem hvað flestar myndir
hafa verið teknar af.
Ástæðan fyrir því að Zermatt
kemst á blað nú er líklega að á árinu
verða 150 ár liðin frá því að Edward
Whymper fór í félagi við sex aðra
fyrstur allra á þennan 4.478 metra
háa tind. Fjórir úr leiðangrinum létu
lífið á niðurleið.
Af þessu tilefni verða ýmsar uppá-
komur, þar á meðal opnun staðarins
Hörnli Hut við fjallsræturnar og
frumsýning á leikhúsverki sem end-
urgerir þennan fyrsta leiðangur.
Næsti flugvöllur frá Zermatt er
Zürich en Icelandair hefur flug
þangað á ný 2. maí.
Matterhorn heillar
150 ár eru síðan fyrsti leiðangurinn
komst alla leið á toppinn á Matter-
horn.
Ljósmynd/Andrew Bossi