Morgunblaðið - Sunnudagur - 11.01.2015, Blaðsíða 15
varla lýst en allir finna fyrir sem
koma þar inn, hvort sem það eru
áhorfendur eða leikarar, hvort sem
þeir eru að koma þar í fyrsta sinn
eða ekki,“ segir Jón Páll.
„Nú verður umgjörðinni breytt
að því leyti að auðveldara verður
að vera með fleiri viðburði en leik-
sýningar húsinu.
Hingað til hafa leikmyndir verið
fastar meðan á sýningum stendur
en í næstu sviðsetningum á eftir
Lísu í Undrandi verður meg-
inreglan sú að sviðsmyndina verður
auðveldlega hægt að taka niður og
nýta húsið meira. Þar getur orðið
fjölbreyttari flóra viðburða; litlir
söngtónleikar gætu farið þar fram
og kammersveit haldið tónleika.
Fólk gæti komið oftar í húsið en
áður.“
Hver er heimamaður?
Þar kemur viðburðastjórinn aftur
til skjalanna. Hennar hlutverk
verður meðal annars að raða við-
burðum niður á húsin, ekki satt?
„Jú. Þegar fólk leitar til okkar í
Hofi vegna fyrirhugaðra viðburða
erum við ekki bundin við Hamra-
borg og Hamra, salina hér í Hofi.
„Ráðstefna gæti farið fram í Sam-
komuhúsinu, svo ég nefni dæmi.
Ég hef einmitt áhuga á að efla enn
frekar Akureyri sem ráðstefnubæ
með tilliti til norðurslóðamála og
norræns samstarfs, nýta þau tæki-
færi vel og koma Akureyri meira
inn á kortið sem fýsilegum kosti.
Hér er öflugur háskóli og ýmsar
stofnanir sem tengjast norðurslóða-
málum sem við vitum að eru í ör-
um vexti og. Ég vil endilega að við
hjá menningarfélaginu tökum þátt
í að laða hingað fleira fólk.“
Einstaka gagnrýnisrödd hefur
heyrst síðustu misseri í þá veru að
heimamenn standi nánast ekkert á
sviði leikfélagsins. Skiptir máli
hverjir eru sjáanlegir þar?
„Hver er utanaðkomandi?“ spyr
Sólveig á móti. Hún hefur búið á
Akureyri í nokkur ár. „Ég var
spurð að því um daginn hvort ég
væri héðan og svaraði: Ég er Ís-
lendingur. Hér á Akureyri urðu
miklar umræður um það í haust
hverjir væru Akureyringar og
hvernig þeir væru í samanburði við
aðkomumenn. Mér leiðist svona
umræða; að mínu mati er þetta
angi af rasisma.“
Jón Páll er fæddur og uppalinn í
Keflavík. „Er ég Keflvíkingur? Ég
bjó fimm ár í London. Er ég
Lundúnabúi? Ég hef verið Reyk-
víkingur og nú er ég að verða Ak-
ureyringur. Það hver stendur á
sviðinu skiptir frekar máli í öðru
samhengi, ekki bara hvort það eru
leikarar sem búa hér eða aðrir.
Raunveruleikinn er sagan sem við
segjum okkur sjálfum um okkur
sjálf. Hver segir hana?
Samfélagið er ekki eins og fyrir
fimmtíu árum. Hér eru pólskir Ís-
lendingar, filippseyskir og taílensk-
ir Íslendingar. Þegar hugsað er um
heimamenn þarf að velta fyrir sér
hvernig samfélagið er samsett.“
Morgunblaðið/Skapti Hallgrímsson
Flestir þekkja Þorvald Bjarnasem rokkarann í Todmobileen sú góða hljómsveit er orð-
in aldarfjórðungs gömul. Annað
vita margir ekki: árum saman hef-
ur Þorvaldur Bjarni unnið mikið
við sinfóníska tónlist.
Nýráðinn sviðsstjóri tónlistar-
sviðs Menningarfélags Akureyrar
flaug norður í gærmorgun og
Morgunblaðið náði þar í skottið á
honum. „Fyrir mig er það spenn-
andi per se að vinna með sinfóníu-
hljómsveit og þegar ég las starfs-
lýsinguna þurfti ég ekki að hugsa
mig lengi um áður en ég sótti um.
Það er svo raunverulegur bónus að
fara í listrænt samstarf við leik-
húsið því ég hef mikla reynslu af
vinnu við sinfóníska tónlist í leik-
húsi. Var til dæmis tónlistarstjóri í
Vesalingunum í Þjóðleikhúsinu, sú
sýning var þrír og hálfur tími af
sinfónískri tónlist.“
Átökin voru svo mikil í Vesaling-
unum að Þorvaldur Bjarni léttist
um fimm kíló á meðan unnið var
að verkefninu! Nýstárlegur megr-
unarkúr að stjórna hljómsveit …
Verkefnum fjölgi
Hann segir eitt af markmiðum sín-
um að fjölga verkefnum Sinfóníu-
hljómsveitar Norðurlands í sam-
starfi við Hof og LA. Hún verði að
hafa nógu mikið að gera. Í sjálfu
sér þurfi ekki miklu að breyta,
nema stefna að því að fastráða
fastan kjarna hljóðfæraleikara þeg-
ar fram líða stundir.
„Aðalögrunin er að finna hljóm-
sveitinni sérhæfingu. Hún getur
ekki orðið eins og Sinfón-
íuhljómsveit Íslands og verður allt-
af litla systkynið en hér hefur
ákveðinn kjarni unnið mjög fórn-
fúst starf og miklu skiptir að hann
hafi nóg að gera. Ég hef fundið í
leikhúsverkefnum fyrir sunnan
hvað hljóðfæraleikarar úr okkar
ástkæru Sinfó eru í æðislegu formi.
Það segir sig sjálft þegar hljóð-
færaleikarar undirbúa nýja stóra
tónleika í hverri einustu viku.“
Þorvaldur segir Guðmund Óla
Gunnarsson, aðalstjórnanda SN frá
upphafi, Brynju Harðardóttur og
forvera hennar á stóli fram-
kvæmdastjóra hafa unnið frábært
starf í gegnum tíðina. „Þegar ég sá
dagskrána sem þau voru búin að
skipuleggja fram á vor varð ég eig-
inlega fyrir vonbrigðum því þar
var svo margt sem ég hefði getað
hugsað mér að gera næsta vetur!“
Þorvaldur Bjarni er fæddur í
Reykjavík. „Mér hefur alltaf fund-
ist mjög spennandi kostur að flytja
út á land. Fyrir mér hefur það ver-
ið rómantískt. Ég gæti reyndar
hugsað mér að vera vitavörður ein-
hvers staðar á afskekktum stað.
Eitt það frábæra við nútímann er
að engu máli skiptir hvar unnið er
ef þú ert nettengdur.“
Nú flyst hann út á land, en tek-
ur fram að sú skilgreining eigi
varla við um Akureyri. „Okkur
hjónunum hefur alltaf fundist við
vera að fara í borgarferð til út-
landa þegar við komum hingað.
Hér eru frábærir veitingastaðir,
mikil menning og þrælgott
skemmtanalíf! Að koma hingað er
eins og að fara í hina borgina.“
Todmobile hefur margoft spilað
á Akureyri í gegnum árin. „Uppá-
haldstónleikastaður Todmobile er
Græni hatturinn og það breytist
ekki þótt við séum núna í Hofi.
Haukur Tryggvason hefur unnið
æðislegt starf á Græna hattinum
og hann verður áfram í uppáhaldi
en hver veit nema Hof verði það
líka eftir tónleikana 17. janúar.“
Sinfóníski rokkarinn er nýtekinn
til starfa og Sinfóníuhljómsveit
Norðurlands honum því ofarlega í
huga. Ekki bara vegna nýja starfs-
ins heldur vill svo skemmtilega til
að hann verður á sviðinu með
sveitinni um næstu helgi, vopnaður
tólf strengja gítar, þar sem Tod-
mobile kemur fram með Steve
Hackett úr þeirri goðsagnarkenndu
sveit, Genesis. „Það er frábært
tækifæri,“ segir Þorvaldur Bjarni.
Hugmyndin kviknaði löngu áður
en hann var ráðinn til starfa
nyrðra en segir verkefnið óneit-
anleg upplagt til þess að kynnast
hljómsveitinni innanfrá. „Bókstaf-
lega. Ég sit og spila með hljóm-
sveitinni og skynja dýnamíkina í
hópnum. Það verður lúxus.“
Rakið að heyra í Atla!
Þorvaldur Bjarni vill fjölga verk-
efnum SN, sem fyrr segir, en hann
vill líka ná til nýrra áheyrenda.
„Hljómsveitin þarf að finna sér far-
veg til þess. Margir þekkja sinfón-
íska tónlist til dæmis aðallega í
gegnum kvikmyndir og þá þarf
kannski að nálgast verkefni þeim
megin frá. Eitt helsta kvikmynda-
tónskáld dagsins í dag, Atli Örv-
arsson, sem lengi hefur starfað í
Los Angeles, er héðan.“
Er hinn nýi sviðsstjóri tónlistar
að boða samstarf við Atla?
„Það er a. m. k. alveg rakið að
heyra í honum! Við unnum saman í
gamla daga og erum góðir vinir.
Auðvitað mun ég leita ráða hjá
honum varðandi kvikmyndatónlist
og kannski getum við fundið sam-
starfsgrundvöll í framtíðinni.“
Sinfóníski rokkarinn
vill fjölga verkefnum
Þorvaldur Bjarni fyrir
utan Hof á Akureyri.
Hetjan Hackett til hægri!
„ÞEGAR ÉG LAS STARFSLÝS-
INGUNA ÞURFTI ÉG EKKI
AÐ HUGSA MIG LENGI UM,“
SEGIR ÞORVALDUR BJARNI
ÞORVALDSSON, NÝRÁÐINN
SVIÐSSTJÓRI TÓNLISTAR-
SVIÐS MENNINGARFÉLAGS
AKUREYRAR.
* Eitt helstakvikmynda-tónskáld dagsins í
dag, Atli Örvarsson,
er héðan. Það er að
minnsta kosti alveg
rakið að heyra í
honum!
Morgunblaðið/Skapti Hallgrímsson
11.1. 2015 MORGUNBLAÐIÐ SUNNUDAGUR 15